صحيفة زهران
الثلاثاء 27 ذو الحجة 1435 / 21 أكتوبر 2014

جديد الأخبار

المقالات
دواوين شعراء زهران
ابراهيم الشيخي
(غصون الطيب ) رد على قصيدة ( الفارس الخيال ) لمحمد الثمالي
(غصون الطيب ) رد على قصيدة ( الفارس الخيال ) لمحمد الثمالي
1428-12-27 03:19 AM

قصيدة الفارس الخيال لمحمد الثمالي

هجوس الشعر مثل الخيل وانا الفارس الخيال=وقرطاس الورق ميدان والساحه هي الساحه
اقود الخيل بلجام الهوى فالحل والترحال=واشوف خيول شعري عن خطايا الوقت جماحه
خيول اسرجتها ماقفيت عنها مستريح البال=تعبت وجبت اصايلها ولادورت للراحه
يحول الحول في عمر السنين وحولها ماحال=نهايتها على يد الزمن لاصوّب سلاحه
مطارقها خيال وركضها فالقاصي المدهال=عوايدها ولامرت حوافرها على واحه
وانا الخيال يابن الشيخ والعقده لها حلال=ابوس اليد قفاها واتجنب صفحة الراحه
ولاتنقص ميول القلب شي من قيمة الرجال=ميول القلب سبحة والرجال زنود قداحه
وهي ماعاد تنشد تعرف اللي قيل واللي قال=وتعرف كيف قلبي تجرحه وتداوي جراحه
وانا احداها واخليها تجيني تشرب الفنجال=تقهوى من عنا خيالها وتلفّ مسباحه
ولاتقصر خطاويها بدربه والليال طوال=يواعدها بمشرافه ومضوى الذيب مسراحه
كريم الوقت ماقصر حليله وافي المكيال=عطانا كلنا وش هي خسايرنا مع ارباحه
تولعنا بدنيانا وضحينا براس المال=توهقنا وحنا ناس زرّاعه وفلاحه
وفينا وانخدعنا في محبتنا وهم وازوال=وخلانا رهينه في يدين الليل واشباحه
ترى الدنيا غدت صندوق يابراهيم له مقفال=ولو دورت مفتاحه من الصندوق مفتاحه
وانا ما اعدها الا خيل فيد الفارس الخيال=يروضها على صدره ويدرجها على الساحه


الرد

قصيدة غصون الطيب لابراهيم الشيخي

هواجيس الضمير استرسلت فال وشبب وعقال=هواجيس(ن)على وضح النقا ماهي بمزاحه
تزاحم في الضمير وجالها في مهجتي منزال=عوايدها الوفا ماهي لاشحّ الغيم نزاحه
تربّت في ثرى قلبي وناتجها ثمر وظلال=غصون الطيب تنتج طيب ليمونه وتفاحه
ليا بانت عليّ الشمس الي في وسطها مقيال=ولاخيّم علي الليل هي لليل مصباحه
ولاهاضت هواجيس الضمير وجالها موّال=تقول اني على قمة شفا رغدان في الباحه
بعد جتني بيوت الشاعر اللي صاغها بامثال=تريّح لاجلها القلب الطروب وزادت افراحه
شكا لي من حياة ورّثت فيه الهموم اشكال=تساوت عنده افراح السنين ومجمل اتراحه
لك الله يامحمد ماعلى دنيا العنا نزال=وانا قدمك شكيت الهم معواده ومرواحه
بغو عميان الاريا يحجبون الشمس بالغربال=ولكن الحقيقه لو يطول الوقت صداحه
ولكن الصبر درب النجاه وشوكة الانذال=ترى الانذال بافعال الردى والخبث نضاحه
ولاياكثرهم كثراه خمسه واربعه بريال=وتلقاهم مع اهل العرف شتامه ومداحه
ترى ما كل حيله يامحمد ترفع المحتال=يجي للجرح يابحر العنا في الوقت جراحه
ولكن هذة الايام يانزال يارحال=ولو كلن يبي يومي على طيره بملواحه
ماقرت للرجال اللي عزايمها تهد جبال=وساقتها ظروف الوقت ف ايدي ناس مرتاحه
وصلى الله على الهادي محمد سيد الاجيال=عدد ما داعب الطير الهبوب بريشة اجناحه

تعليقات 0 | إهداء 1 | زيارات 8381


خدمات المحتوى
  • مواقع النشر :
  • أضف محتوى في Google
  • أضف محتوى في tumblr
  • أضف محتوى في twitter
  • أضف محتوى في Facebook


تقييم
9.24/10 (710 صوت)




Powered by Dimofinf cms Version 3.0.0
Copyright© Dimensions Of Information Inc.

Designed by : Dimofinf"
جميع تعليقات و إضافات الزوار لاتمثل رأي صحيفة زهران || رئيس التحرير فواز المالحي ، تأسست في 17-11-1428 هــ : الموافق 27-11-2007 م


الرئيسية |الصور |المقالات |الكاريكاتير |الأخبار |الفيديو |الصوتيات |راسلنا | للأعلى