من كااااان يلعب لعبة البرجون وهو صغير

[بنت بدويه]

بسم الله الرحمن الرحيم

اكيد كلكم تعرفون لعبة البرجون وكيد ماتنسون كيف كانت جيوبكم مليانه برجوووووووووون

لعبة البرجون كانت من احب اللعب عندى بس للاسف ماقد لعبته كنت اطالع في اخوي وهو يلعبهااااااااااا
طبعا هي اكثر مايلعبونها الاولاد بس انا كنت احبها كثير وياما انضربت من اخوي عشان ادخل البيت لاني دايم اوقف معاهم وهم يلعبون هو واولاد الجيران والمشكله اني ماادخل البيت اجلس ابكي واتحمل الظرب عشان اتفرج كيف يلعبون

كانت لعبه جدا مسليه وحلوه واحلا شي فيها يوم تجمع البرجون

كان اخوي يجمع البرجون في علبة النيدو الكبيره كانت مليانه للاخير برجون
ههههههههههههههههههههه ويدسها على ابوي فوق السطح جنب خزان المويه
دايم يلعب البرجون معى اولاد الحاره العصر وابوي يخاصمه ويقوله احسلك سجل في التحفيظ بدل هذي الحجران اللي تلعبهااااا
ههههههههههههههههه ابوي يسميها حجران
كانت اللعبه جدا ظريفه ومسليه ومفيده كانت تعلم الطفل كيف يجمع بتعبه وجهده وكيف يكسب ويصبر اذا خسرواذا نقص عليه البرجون

افرح كثير اذا اخوي كسب وجمع برجون كنت كل يوم اعدهاااااااا
واذ امي وابوي يدورون اخوي انا اعرف على طول انه فوق السطح يعد برجونه

حتى اذكر علبة النيدو صدت من الشمس

ومره قال لي اطلعي وجيبي علبة البرجووووون طلعت في الظهر
الشمس مر ه حاااااااااااااره
كله عشان يسمح لي اتفرج وهو وااولاد الجيران يلعبون
كان عمري تسع سنين وهو 12سنه
المهم نزلت له العلبه وهي مره حاره والبرجون مره حااااااااااار وقلت له هااااااااااا تخليني انزل معاك العصر وانت تلعب
ما عجبه كلامي
واخيرا وافق
جاااااااء العصر ولعب هو واولاد الجيران وانا عند باب البيت اتفرج عليهم واشجع اخوي اذا شفت جيبه مليااااااااااااان برجون

بس لازم كل يوم انضرب منه اذا مادخلت البيت

كان عدد البرجون 300حبه

كل واحد يذكر معى مين كان يلعب لعبة البرجون وفين يحفظه وكم عدد اللي كسبه

واخيرا رأيك يهمني....؟

ايش تشوف افضل لعبة البرجون اللي تجمع الاولاد وتكسبهم مهارةوتعلمهم كيف يجمع من مجهوده واذا خسر ماييأس ويندم يحاول ويكرر مره ثانيه وثالثه
اولعبة الحين الاطفال البليستيشن
اللي يخلي الطفل يلعب بالساعات لوحده
ولا تنسى تذكر كم جمعت وانت صغيربرجونه والحين تقدر توفر من راتبك

[سعد الحبيطه]

الموضوع منتاز وشدني (( برجـون ))
الصدـق أخبر لعبتها لين وصلتـ 4 ابتدائي وبعدين جات الطقطيقـه وحولنا عليها وأنوع التفنن
نعود للبرجـون
كنت أنا وأخوي الي أصغر مني مسويـن شراكـة *_*

وجنب بيتنا كان فيه تراب مما يساعد تجمع عيال الحارة قريبـ وهاتـك
الصدق أخوي كان أحسـن مني فها وخاصـة أذا غمض عين وفتح عين *_^ ماشاء الله عليه يطير أبو جدها
أخر شي أفتكر أنها وصلت علبتين نيدو وحده فل أوبشـن والثانية يعني تقدر تقولون النـص لا وكان فيها نوع يسمونه سحوري
هذا تجي حبته مره صغيـرة وكانتـ صعبـة جداً الي يحصل عليها

الوالد كان محاربها يخاف لايبلعها احد أخواني الصغار وكنا ندسـها في البدروـن
عدتي بنا إلى سلـة الذكريـات شكري وتقديري

[بنت بدويه]

حلو كثير سعد ياليت كان فصلت اكثر وكم كان عمرك ومغامرات العبه كيف
النوع اللي يسمونه السحوري لونه ابيض صغير؟
وكم جمعت انت واخوك برجون
وتتمنى انها ترجع هذي اللعبه ؟
لعبه فيها حيويه ونشاط وذكاء

[صوت متحشرج]

[ALIGN=CENTER][TABLETEXT="width:70%;"][CELL="filter:;"][ALIGN=center]
نسميها بالحاره لبب ههههههههههههههه
واكبر شي الدوبا نسميه دبلوي
هذا ان طلعت هي الي اعرفها
كانت روعه وكنت قنوصي فيها
بس مااذكرر كم كنت اجمع لاني اكسب واخسر واحلى شي يوم تكسب
وتعبي جيوبك وبيطيح السروال من كثرها
[/ALIGN][/CELL][/TABLETEXT][/ALIGN]

[محمد الساهر]

اختي رجعتيني للورااااااااااااااااااااااااااااااااااااااااااء لأكثر من ثلاثين سنة خلت

بالفعل كنا نلعب هذه اللعبة التي كانت من أحب الألعاب إلي وطبعا لا انس لعبة الصور والفرفيرا والمداريه ولعبة علب الصلصه وغيرها..

نرجع للبراجون وهي اللعبه التي كانت محببة لأهل الغربية وخاصة أهل مكة
ولا أنس ان هناك كانت حبة براجون بداخلها شعره أو مويه وهذي اللي يتحصل عليها يعتبر هو الفائز

كنت اجمعها في علبة نيدو كما أخوك وحقيقة العدد غير محدد فيوم كثير ويوم قليل وهكذا
لأنه كان يوجد لدينا مباريات نقيمها مع الحواري الأخرى

وحقيقة أننا كنا نطرد البنات علشان ما يلعبون معنا هههههههههههههه

وأترك بقية الحديث لبقية الأعضاء

[براااق الحـــازم]

.






الله يغفر لك يا شيخه ..
ليه تصحي الميتين من قبورهم.

تصدقين اللعبة ذي نسيتها ... ياالله شيء من عصر الفيل.

والله انا اخر مرة لعبت فيها هذي اللعبة وانا في الصف الخامس... في الصف السادس بعد كذا جا مربع الالوان.
.
.
على كذا تعرفي لعبة القب.

القب والبرجون هي عزانا في عصر الجاهلية.

رح اقلك على شيء.. والله غالبا ما كانت تنتهي العابنا هذي بالمضاربة ... وخاصة لما نلعب مع عيال الصبوح...
والا الحوازم.. والله مافيه الا مكارسه ولا اخبر اني جمعت عشرين حبه على بعض.

اهم شيء الكسِـيـّب..
اموت ولا يروح الكسيب.
.
.
شكرا يابدو

.

[بنت بدويه]

شكرا لك محمد الساهر
كلكم ماشاء الله جمعتو في علب النيدوهذ ادليل تشربون حليب طيب ليه اكثر الزهارين صعاليك ههههههههههههههههههههه
اول مره اسمع عن لعبة الصور ولعبة والمداريه وعلب الصلصه وضحلنا اكثر كيف كانت هذي العبه ؟
ياحركم في البنات لمن يطالعون فيكم وانتم تلعبون لو الحين كانو انتظرو الاولاد البنات الين يجتمعون هههههههههه وبعدين يلعبون
ماذكرت يامحمد فين كنت تحفظ العلبه ؟

[بنت بدويه]

هههههههههههههه ال مشعوط ربي يسعدك الظاهر كنت نحيف عشان كذا يطيح السروال
ذكرت العاب اول مره اسمعها
والبرجون اول مره اسمع انها لها اسم ثاني انت كنت تلعبها في الديره ؟
براااق
من هم الصبوح والحوازم

[براااق الحـــازم]

.

اقتباس: براااق من هم الصبوح والحوازم

والله بلشه لايكون فاكرة الصبوح والحوازم ... جاين من كوكب فليد.
شوفي ..
فيه حي كبير بمكة اسمه الزاهر ..

و فيها مجموعة حواير.. ناحية ريع الجزائر حارت الروضه وهي حارتي الاصلية, وناحية النزهة حارت الصبوح والحروب .
وناحية العمرة وشارع الحج وشعب عبدالله بن عمر.. وهذي كوتيل 07 وحضران وهنود وبدووو يا بدوو.

كلنا نجتمع في حوش بلادن.. هذا الكلام كان زمان ايام حفر قناة السويس.
ما طول عليك ..

الصبوح والحوازم اعتقد انهم من قبلية حرب.. وعيالهم شياطين واذيه .. بس رجال..

وحنا اهل ساق الغراب كما يحلى لبعض النسيبة تسمية العدائين العظماء بهذا الاسم ...

كنا نلعب معهم دائما..

طبعا كانت احلا الايام ايام الاختبارات وفي الصيفية اللى كانت الاجازة فيها اربع شهور..
مو زي الايام هذي اجازاتكم بالاسابيع..
عرفتي الله يسلمك الحين منهم الصبوح والحوازم.!
.
.
والله يا خوفي الحين تقول منهم الحروب.


؟
.

[بنت بدويه]

ياهووووووووووو ما اعرف الحروب
الحروب بدو وعيالهم وانت الصادق اذيه بس فعلا رجااااااال ماشاء الله عليهم واجسام اولادهم صحتين وعافيه ماشاء الله عليهم واولادنا الزهارين ضايعين بينهم ههههههههههههههههههههه لا وكمان مجمعين البرجون في علبة النيدو