الرحيل

[عبدالمجيد العدواني]

.
.

الرحيل

.
.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما نويت الرحيل ولا نويت القطـاعه=ولا نويت اجحد العشره ولـو وش يصير
وحبنا ما نويت بـيوم اسبب نــزاعه=كـنت اجاهد عشان الحب يبقى كبير
وكنت افضلك عن كل الأهل والجماعه=وكـنت اشوفـك بعيني غير والناس غير
اتغاضى على ظلمك واجاهد صـراعه=واتصبر وانا ادعـي جعـل بالامر خير
ما هويتك كذا من طيش والا صيـاعه=يشهـد الله نويـت ابقى معـك للأخير
مير من صدتك جاني برود وقناعه=وخاطري منك طاب وصار دربـك عـسير
اتـحملـك وانـت تزيـد نارك بشـاعه=واتـوددك وتزيد اللاهايب سعير
كنت تامر وانا ما غير سمع ٍ وطـاعه=وكنت تنهى كما الحاكم ومثل الامير
تحسب اني ضعيف وتحسب انها شجاعه=كل ما اجيك متواضع شوي وتـطير
غيـــروك العواذل واحرموك الشفاعه=وصـرت لانت العـذول وصرت لانت العشير
شوف وشلون ليل الهم قامت سباعه=للمحبه زئير وللـمواجع زئير
تسعة اعوام مرت ساعة ٍ بعد ساعه=وانت جيشـك بصدري كل ساعه يغير
محترف في طعونك صارعندك براعه=ما تطيب الجروح الا وسيفك شهير
مير من كثر طعناتك كسبت المناعه=واكتشفت انك انت انسان ميت ضمير
كيف ترضى لمن حبك يزيد التياعه=كيف ترضى يعيش العمر مثل الضرير
وكيف تتركه للماضي وتكتب ضياعه=وكيف تحكم عليه يكون حزنه مصير
عاد انا مل صبري منك بانزع قناعه=واكشف الوجه الاخر للزمان الحقير
معك مليـت من طرد الهـوى واتباعه=وطابت النفس منك ولا بقالك غــفير
وكاسك اللي صبرت برشفته واجتراعه=باكسره دام كاسك بالمحبه مرير
ومركبي في غرامك عــاد بطوي شراعه=دام بحرك خطـير ودام موجك خطـير
وكل مينا يناديني تزايد صداعه=ويحتريني على ميناي جمع ٍغــفير
التـفت لي زماني معك عـبر وداعه=وهات قلبي وبارحل جعل دربك سفير[/poem]

.
.
.

عبدالمجيد العدواني

.
.
.

[احمد صعمود]

وينك يامجيد واحشنا ياجميل ومتعطشين لحروفك النديه

نص رائع بكل ماتعنيه الكلمه على طول في المفظله

اتيت بما يشفع لك في غيابك ..مرحبا بك لاعدمناك

تقديري

[بن حكمان]

حقيقية نص جميل كاتب وشاعر جميل وان شاء الله لك مستقبل

حاولت أن اقطع القراءة ولكن جماليات القصيدة اجبرتني للقراء للنهاية

وفقك الله وصح لسانك وانت مبدع وهذه كلمة حق

[عبدالله الحديبي]

الله عليك يا مبدع

قصيدة جزلة ومفردات نارية

صح لسانك ملايين

[العقربه]

حلووووووووووه جدا
معبره ووافيه سلمت ياشاعر

[عبدالمجيد العدواني]

اقتباس: المشاركة الأصلية كتبت بواسطة احمد صعمود      وينك يامجيد واحشنا ياجميل ومتعطشين لحروفك النديه نص رائع بكل ماتعنيه الكلمه على طول في المفظله اتيت بما يشفع لك في غيابك ..مرحبا بك لاعدمناك تقديري

مرحبا ومسهلا فيك يا غالي وانت اجمل ومرورك اجمل وصدقني ما غبت انا متواجد ولو ما شاركتم في شي لكني دائما متابع لكل ما تنثرون من درر وابداعات في هذا القسم
شكراً لمرورك يا غالي

[زهور الشوق]

تسعة اعوام مـرت ساعـة ٍ بعـد ساعـه وانت جيشك بصـدري كـل ساعـه يغيـر

عجبني حيل هالبيت

[ابو نواف العدواني]

رائع
يعطيكـ العافيه شاعرنا الكبير

[عبدالمجيد العدواني]

اقتباس: المشاركة الأصلية كتبت بواسطة بن حكمان      حقيقية نص جميل كاتب وشاعر جميل وان شاء الله لك مستقبل حاولت أن اقطع القراءة ولكن جماليات القصيدة اجبرتني للقراء للنهاية وفقك الله وصح لسانك وانت مبدع وهذه كلمة حق

تسلم يا غالي والف شكر على مرورك

[عبدالمجيد العدواني]

اقتباس: المشاركة الأصلية كتبت بواسطة عبدالله الحديبي      الله عليك يا مبدع قصيدة جزلة ومفردات نارية صح لسانك ملايين

صح بدنك والف شكر على مرورك