مارحلت الشام للمرقص وجرع الكاس جرعة - رثاء في البطل عثمان السلامي

[عبدالمجيد الزهراني]

الى روح الشهيد , عثمان السلامي
________________

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مالبس بسطار مال ولا لبس بسطار سمعة=ولاتردد كالجبان ولارجع كالانهزامي
ياسلامي يا السلامي كثر من سبّح بركعة=لك وللنعش الذي شالك تحاياي وسلامي
والنعم والسبعة انعام اردفت مليون سبعة=واحترامات الشعر توصلك من بعد احترامي
مارحلت الشام للمرقص وجرع الكاس جرعة=يوم ياكثر الوجوه في المراقص والاسامي
يا الشهيد اللي يشرف دينه وناسه وربعه=ياقسيّ الراس يوم الراس تومي به موامي
يا الغضنفر يا الجمل يا السبع يا الربّاع ربعة=والله انك مارميت ولكن الله كان رامي
طرت طيرة صقر زهراني نزع للجوّ نزعة=مخلبه لا انقضّ ناشف مابيرجع غير دامي
ضد شبيّحة نظام القتل وكلابه وقمعه=قمت قومة من يقول ان قمت مايثنا قيامي
والله انك فزعة الزهراني ان جا وقت فزعة=وانتفض نصفه ( سراة ) ونصفه الثاني تهامي
قال جيتك ياعميل احمد نجاد ارثعك رثعة=واقتلع عينين دكتور العيون ابن الحرامي
موغريبة ولد محوية يشرّف صفر سبعة=من قرا تاريخ محويّة عرف معنى كلامي
ولد نظرين الذي قبعاتهم بالراس قبعة=سعد من ناداهم اخوالي وناداهم عمامي
راح طامع في لقاء الواحد الفردوس طمعة=تارك اهله والمطامح سامية والقصد سامي
غمّضي ياعيونه الثنتين من دون اي فجعة=تحت جنح الرب قومي واصبحي وامسي ونامي
رغم كل الحزن رغم الدمعة اللي بعد دمعة=كان موتك مثل ليلة عرس ياولد السلامي
لك بكت درعا ولاجلك دمعها نازل بسرعة=مثل سرعة فزعتك للجايعين وللظوامي
مارحلت الا تبيي رحلة لربك دون رجعة=وانت حامي لو وطيس الحرب يا الدندون حامي
ارضعتك امك حليب الاختلاف الفين رضعة=لاجل في الجنة تقول مفاخرة : هذا غلامي
وسّع الله مدخلك يا الشهم عشر اضعاف وسعه=يا الفريد بهالزمان الهشّ والجيل الهُلامي
ما امطر الثجّاج وانبع في تراب الارض نبعه=واورقت جرد الغصون وجاك زهر العود نامي[/poem]

[ابو يزيد الحريري]

صح لسانك ابو فيصل ... كفو ..
عاد بعد الموت حيا .. ذكره كان عليا ..


***



وسّع الله مدخلك يا الشهم عشر اضعاف وسعه
يـا الفـريـد بهالـزمـان الـهـشّ والجـيـل الهُـلامـي


رحمك الله ياعثمان ..
جزيل الشكر لك شاعرنا وكاتبنا المميز / عبدالمجيد عقاب الحريري الزهراني ..

[بن حكمان]

صح لسانك يا مبدع ماذا تركت لنا لنقول بيض الله وجهك يا ابو فيصل

والله يرحم فارس محوية الشهم عثمان السلامي ويسكنه جنات النعيم

[عبدالمجيد العدواني]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
والله انك فزعة الزهراني ان جا وقـت فزعـة=وانتفض نصفه ( سراة ) ونصفه الثاني تهامـي[/poem]

صح لسااااااااااااااانك ملايين

[الفقار]

رائع
دائما تحضر في المناسبات التي يخلدها التاريخ
لا فض فوك ياعبدالمجيد
كل كلمة لها ميزان ومعنى مبدع كعاتك

رحم الله الشهيد

[ابو معاذ الحريري]

شكراً لك يا ابو فيصل
على هذه القصيدة اللتي تعبر عن الشهيد بإذن الله عثمان السلامي
وأرجو منك اعادة سالفه الافغاني ، وشكرا

[لابتي بني حرير]

صح لسانك ابو فيصل تعيش وتدوم متواجد لا عدمناك ياشاعرنا السخي بقلمك وتواجدك
رحمك الله يابو سيف الى جنة الخلد سوف يبقى ذاكرك في قلوبنا ،،

[منبع الطيب]

صح لسانك شاعرنا الجزل ابوفيصل
لاهنت يالذيب

رحم الله ابوسيف وانزله منزلة الشهداء والصديقين باذن الله

عاش كريماً ..
ومات بطلا ..

تحيتي وتقديري

[ALRAGI]

كلام جميل يا جميل
شاكراعلامك

[لابتي بني حرير]

كفو ياشاعرنا المميز والله انك تسر الخاطر ما ذكرت غير الحقيقة
صح لسانك وابقاك ابو فيصل