هلال سامي الى ... !!

[MARAM]

مسيتم بالخير

ببداية الموسم كل الجماهير الهلاليه كانت ع ثقه بسامي الجابر * كمدرب *
من بداية الدوري والهلال يحقق نتائج بدون مستوى الا في مباراة الاتفاق
مع الفوز بنتائج كبيره الا ان الهلال ماكان بالمستوى المآمول
لابد من الصبر علشان يطلع الهلال بالشكل المرضي لنا كجمهور وصبرناا

الهلال مع سامي من سيئ لاسوء ، اخر ثلاث جولات اكدت ان الهلال فعلاً اكبر من سامي
النصر ! الرائد ! الشعله !!!!
كل فريق يخسر بس خساره تشرف مو خساره زي كذا !
مع كمبواريه والهلال سيئ جداً مافاز الشعله لا بالذهاب ولا بالاياب وترتيب الشعله التاسع بالدوري
كيف الحين قبل الاخير ونطمح للتعادل معه ! > ماكان الشعله بالفريق القوي اللي يصعب التغلب عليه
صبرنا بأمل ان الفريق راح يكون افضل بس مافيه صبر بعد 11 جوله
** مدري كيف سامي يشوف الفريق
السديري من يومه ماسك الحراسه وهو نكبه مع ذلك اساسي !!
بمباراه كبيره زي مباراه النصر تشرك المسلم وعندك المرشيدي !!
الشهراني من يوم غير مكانه وهو مختفي لازم يرجع لمركزه
العابد بآخر مباراه زياده عدد ، مع ذلك سامي مستمر وعاجبه > يمكن واسطه
اذا استمر الحال ع ماههو عليه ما اتوقع نطلع هالموسم ببطوله في ظل عوده النصر والفتح والتعاون والشباب

آخيراً
مافيه انسان يتعلم بشي معين ويمسك شي كبير ع طول
لازم يبدآ حبه حبه ، حتى بحياتنا العمليه وبكل شي
سامي تدرب واخذ شهاده و على طول مسك نادي كبير يبي يحقق بطولات :/ !

اشوف انه من مصلحة الفريق تغيير المدرب والافضل جلب مدرب يكون مدرب للهلال سابق
خطآ تغيير المدرب حالياً وخطأ اكبر استمرار سامي
مع تغيير الاجانب ماعدا نيفيز
واتمنى بنهاية الموسم استقاله بن مساعد


تبقى وجهة نظر قلت او ماقلت ماراح يصير شي من اللي قلته

[انا السليمي]

صادقه اختي فيما ذكرتيه ولكن لابد ان يصبر جمهور الهلال على المدرب سامي فربما يكون هناك امور مخفيه وبتكاتف الادارة والمدرب ستنحل . كنت في جلسه مع بعض اخواني الصحفيين وكان فيهم اخ عزيز وصديق هلالي وقلت له لو كان سامي درس الموضوع قبل ان يصبح مدرب للهلال كان افضل لاني اخشي يجي اليوم ويقول له جمهور الهلال كفى ياسامي تدريبك للهلال . والحين ربما يأيدني في كلامي .
ايضاً لايفوتك بان جميع الفرق متقاربه ومتذبذب مستواها الفني فالاتحاد الذي ماعاد ابي اشوف مباراه يلعبها اما ان يفوز باربعه او ينهزم باربعه ومدربه ماعندك احد . كذلك الاهلي مستواه غير راضي وحتى النصر ماشيه معه بالبركه ولو يرجع الهلال والاتحاد لمرستواهم صدقيني مايوصل المركز الثالث .
اتمنى التوفيق لجميع الفرق وان شاء الله يرجع الهلال والاتحاد لمستواهم لاننا بحاجه الى كلاسيكو الكوره السعوديه

[* كاتلوني *]

يا السليمي كيف يعني النصر ماشيه معه بالبركه !؟

فريق رقعكم على ارضكم و بين جمهوركم ( بعد تصحيح اوضاع مجهولي الهويه ) ب ثلاثيه مع الرأفه
و تقول ماشيه معه بالبركه !!!
يعني الحين النصر يفوز لأن الهلال و الاتحاد ماهم في مستواهم !!! هههه
انت شكلك تسلك لنفسك .. النصر كان بعيد عن مستواه و عن البطولات في السنوات اللي راحت لكن
من الموسم هذا بتشوف النصر اللي تقول ماشيه معه بالبركه وش بيسوي ان شاء الله .

المهم اتمنى انك تقول الحقيقه و ماتهضم حق النصر اللي يعتبر اقوى فريق سعودي حالياً .

[MARAM]

اقتباس: المشاركة الأصلية كتبت بواسطة انا السليمي      صادقه اختي فيما ذكرتيه ولكن لابد ان يصبر جمهور الهلال على المدرب سامي فربما يكون هناك امور مخفيه وبتكاتف الادارة والمدرب ستنحل . كنت في جلسه مع بعض اخواني الصحفيين وكان فيهم اخ عزيز وصديق هلالي وقلت له لو كان سامي درس الموضوع قبل ان يصبح مدرب للهلال كان افضل لاني اخشي يجي اليوم ويقول له جمهور الهلال كفى ياسامي تدريبك للهلال . والحين ربما يأيدني في كلامي . ايضاً لايفوتك بان جميع الفرق متقاربه ومتذبذب مستواها الفني فالاتحاد الذي ماعاد ابي اشوف مباراه يلعبها اما ان يفوز باربعه او ينهزم باربعه ومدربه ماعندك احد . كذلك الاهلي مستواه غير راضي وحتى النصر ماشيه معه بالبركه ولو يرجع الهلال والاتحاد لمرستواهم صدقيني مايوصل المركز الثالث . اتمنى التوفيق لجميع الفرق وان شاء الله يرجع الهلال والاتحاد لمستواهم لاننا بحاجه الى كلاسيكو الكوره السعوديه

بالعكس في ضل هالتخبصات مايصبر الجمهور
الله يصبرنا باقي الموسم بس

الاتحاد وضعه مختلف عن باقي الانديه
الاهلي مو اسوء من الهلال ومستواهم و نتايجهم مرضيه نوعاً ما
اختلف معك بالنصر
من بدايه الدوري وهو يلعب بمستويات رائعه ونتايج يستحقها الا بمباراه الشباب
ولو اخذ البطوله يستاهلها

مشكله الهلال واضحه مدرب يخبص وتعاقدهم مع *اشباه لاعبين*
الهلال من بدايه الدوري ما قدم مستوى يشفع له حتى وصيف !
الهلال هالموسم يقف معه الحظ
ولا الطبيعي ترتيبه الخامس

اسعدني مرورك انا السليمي

اقتباس: المشاركة الأصلية كتبت بواسطة * كاتلوني *      المهم اتمنى انك تقول الحقيقه و ماتهضم حق النصر اللي يعتبر اقوى فريق سعودي حالياً .

فعلاً
الا بمباراه الشباب ما استحقوا الفوز
سُلب الفوز من الشباب بكارثه تحكيميه

اسعدني مرورك كاتلوني

[طيــر السعـــد]

اقتباس: المشاركة الأصلية كتبت بواسطة انا السليمي      صادقه اختي فيما ذكرتيه ولكن لابد ان يصبر جمهور الهلال على المدرب سامي فربما يكون هناك امور مخفيه وبتكاتف الادارة والمدرب ستنحل . كنت في جلسه مع بعض اخواني الصحفيين وكان فيهم اخ عزيز وصديق هلالي وقلت له لو كان سامي درس الموضوع قبل ان يصبح مدرب للهلال كان افضل لاني اخشي يجي اليوم ويقول له جمهور الهلال كفى ياسامي تدريبك للهلال . والحين ربما يأيدني في كلامي . ايضاً لايفوتك بان جميع الفرق متقاربه ومتذبذب مستواها الفني فالاتحاد الذي ماعاد ابي اشوف مباراه يلعبها اما ان يفوز باربعه او ينهزم باربعه ومدربه ماعندك احد . كذلك الاهلي مستواه غير راضي وحتى النصر ماشيه معه بالبركه ولو يرجع الهلال والاتحاد لمرستواهم صدقيني مايوصل المركز الثالث . اتمنى التوفيق لجميع الفرق وان شاء الله يرجع الهلال والاتحاد لمستواهم لاننا بحاجه الى كلاسيكو الكوره السعوديه

تمنيت انك وقفت عند سامي ولم تصل لنصر ومستواه ولكن اظن انك تتابع كورة الماء وليس كورة القدم ( وكمل جلستك مع الصحفيين ) .

[الدوسـي]

[Mansour Al-zahrani]

مشكووووووووووووور و الله يعطيك العافيه على النقل الجميل