من اجل يتحرك المنتدى

[هريري]

الغزالـه حلحلتـنـي حُلتيـهـا=حُلة المكسي وحُله مـا انكشـف
فاتنه وزينـات حـوا تفتتيهـا=في مقاييـس الأناقـه والترف
ذاق نار الحـب زاير جنتيهـا=وان يتوب يعيد ثاني مااقتـرف
واستحذ الشعر همتـه وصتيهـا=يسرد التالـي وتاليـه انكسـف
.=.
استعاره كاملـه فـي وجنتيهـا=من ورود الحب الاحمر تنقَطـف
راويه مترقرقه فـي صفحتيهـا=ناصعه متوريه فـي المنتصـف
ماتُقـارن بالنواعـم وردتيهـا=والحرير ان مسها رق ورهـف
ينطبع لمس الأصابـع بأدمتيهـا=كالقطن تنهس ، زلقه كالخـزف
.=.
فـي شفايفهـا تسطـر آيتيهـا=وارمه، وبلون بمبـي مانشـف
غايـه بدقـة بـراوز حفتيهـا=في سكاكرها الريحق المرتشـف
إن حكت نـط الـدلال بشفتيهـا=والخجل في صمتها ينطق لهـف
همسها نغمات تطرب منصتيهـا=مايعوا وش قايله من ما انعزف
.=.
العيـون بكحلهـا وبحالتيـهـا=صنع ربي مثل ماهـو ماختلـف
والرموش اتزاحمت في رصتيها=رفرفت من فوق رف وتحت رف
الوساع الناعسـات بصطوتيهـا=صافيه كالماسه حره أو أشـف
ساحره باعراضهـا وبطلتيهـا=سحرها من نوع نادر ماانعـرف
.=.
والشعر حدر وغطـى متنتيهـا=كل ما هفت نسايـم فيـه هـف
كستنائي شق مَفـرق لُمتيهـا=كالشعاع اشتق عُتمه ما انحرف
ماتسرح أو تعصـب ظفرتيهـا=وين لفت جيدهـا مـوج ولـف
عطر باقـه فايحـه بجديلتيهـا=نفح جوري ..إن تطاير أو وقـف
.=.
هي جميله من نواحـي قِبلتيهـا=أدبرت أو جات واكبها شغف
من يراهـا لا شعوريـاً ياتيهـا=من رأها حاز مرتبـة الشـرف
أسرتني وتهت فيها كـل تيهـا=مستحله القلب والعقل استخـف
والقصيده مايلـه فـي كفتيهـا=وصفها بالضبط صعباً ينوصـف
ماتوصفها بلاغة أٌمتيها=من بشرة او جن فيما ينصرف
هي كأسطوره حوتها جلدتيها=أو خرافه من أساطير الخرف
يوسفيه أنثويه برمتيها=في التعالي والتسامي والأنف
لا القلم والشعر وفـوا أبيتيهـا=أنكسف الثانـي والأول أسـف
عاذليها وحاسديهـا وشامتيهـا=أسأل الله يزيدهم غبن وحسـف

[Mansour Al-zahrani]

صح لسانك