يا عمران نزل شيشتي ___جديد

[بن حكمان]

يا عمران نُزِّل شيشتي وأزهم القرسون
انا عندي الليله قصيده هجائية
يا عمران ساد الجاهل الخبل والمجنون
وصرنا نشوف العالم الفوق تحتيه
وبعض البشر ما يحسب حساب للدندون
يفكّر صفات الكفو حاجات وهميه
وصرنا نقدِّم شي فارغ بلا مضمون
ونجعل وضيع القوم من ضمن عليّه
فلا تقول وش مزْعلك والا عليّ بالهون
انا اشوف لي حاجات ماهي طبيعيه
فـ سبحان ربٍ منزل التين والزيتون
قراها الرسول الهاشمي في علانيه
فـ ليش التكبّر والتكبر يحطّك دون
يحطم مع العالم صلات اجتماعيه
ولا نعتبر من حالة الميت المدفون
وناسٍ تبي بالمجتمع انفتاحيه
وناس تصوم وتعبد الله ويصلون
وبقلوبهم نيّات سودا و مخفيه
وانا اشوف ناس كنها تصبح ويمسون
بوجه النفاق الممتلئ كل كيديه
وناسٍ على بيع الشيم نالت العربون
يشوفون عادات الكرام انغلاقيه
وناسٍ (كثير عيوبها) لكن يعيبون
عقول مضله ضايعه بالانانيه
نشوف الغني في منزلة خالد وهارون
لكّن الفقير نشوفه بكل فوقيه
وناسٍ تشوف الهاوي الغاوي المفتون
يعيش الحياه اللي بْنظرهم حقيقيه
وناس تطالب كشفة الجوهر المكنون
وتسقط بعد عِزه الى كل وضعيّه
واذا كان ما يدرون ياليتهم يدرون
ترى هالحياه ماهي الحياه الأساسيه
عليكم بـ شرع الله ومتابع المضمون
ولا ننتحي للشمس ونخلّي الفيّه

[منبع الطيب]

صح لسانك
نسأل الله السلامة والعافيه من شرور الفتن

مع اطيب الامنيات ،،

[بن حكمان]

[QUمنبع الطيب;1722388]صح لسانك
نسأل الله السلامة والعافيه من شرور الفتن

مع اطيب الامنيات ،،[/QUOTE]

صح بدنك
امين
تسلم