قصيدة : حرّة ..

[عبدالله الحديبي]

يابحر جدة تبردك النسايم
وانا في صدري من الايام حره

جيت لك بعد العصر و الجو غايم
اكتب من الشعر و بصوتي اجره

وابن عيضه صاحبك و يجيك دايم
لا تضايق من مجيه ولا تشره

جيت لك في صدري الام وسقايم
ليت صدري وسعه ب وسع المجره

والذي مثلي من الايام ضايم
ماله الا البحر ياجيه و يمره

ضيقة ما هي بمن كثر القسايم
ولاهي من ديّان له ف الباب جره

ضيقتي من شي بين الناس قايم
بالتنافر والتباغض والتشره

القرابه مالها فينا غنايم
والبعيد نقدره .. لله دره

والاخو على وصال اخوه صايم
والقطيعه عيد ل ابليس و تسره

استوت عقولنا مع البهايم !!
والزمن هذا كفانا الله شره

يا قلوبٍ بين صاحيها و نايم
سنة الايام من حلوه ل مره

الاخو و الابن و عيال العمايم
لو يطول الوقت ما منهم مضره

يالعقول اللي تحت طي العمايم
ما دريتو ان الزمن ما يسوى ذره

بكره بعد الموت ما تفيد الندايم
ما يجيب اللي رحل دمعه و حرّه

عبدالله الحديبي

[منبع الطيب]

صح لسانك شاعرنا الجميل ..
ابيات جزله وذات معنى وقيمة ..

صدقت في ما ذهبت اليه
نسأل الله العفو والسلامة .

[غلا الشيخي]

تسلم الايادي ابيات أكثر من رائعة
غلا الشيخي

[مترف]

صح لسانك

[عبدالله الحديبي]

اقتباس: المشاركة الأصلية كتبت بواسطة منبع الطيب      صح لسانك شاعرنا الجميل .. ابيات جزله وذات معنى وقيمة .. صدقت في ما ذهبت اليه نسأل الله العفو والسلامة .

صح بدنك منبع الطيب
والله يصلح الحال

[عبدالله الحديبي]

اقتباس: المشاركة الأصلية كتبت بواسطة غلا الشيخي      تسلم الايادي ابيات أكثر من رائعة غلا الشيخي

الله يسلمك

[عبدالله الحديبي]

اقتباس: المشاركة الأصلية كتبت بواسطة مترف      صح لسانك

صح بدنك