قصيدة : أشياء مشروعه ..

[عبدالله الحديبي]

صباح الورد وانفاس الشتاء البارد اللي حلّ
تراجف منه كف الوصل مشتاقة و ممنوعة

يمد ْبها حنين وشوق لاحلى أيامنا وأجمل
وتسحبها كرامتنا وعزة نفس مرفوعة

تكبّرنا على بعض وحسبنا ف المكابر حل
وفي سلم الغرام اللي يكابر يجني اللوعة

وانا يوم اني اكتب لك قصيدي ماهو لك ، للكل
حقوق الحب محفوظة / حقوق الشعر مطبوعة

احبك ايه احبك حتى لو نتصالح و نزعل
احبك لو شفاه البعد صار ، وقبلت كوعه

احبك ايه احبك بس ( ماء الوجه ) شيّ يظل
جذوره في مبادينا ولا قد جف ينبوعه

ترى هذا نظامي لا تقول اش فيك ويّا الوصل ؟
اذا ما طاعني يبطي عظم ما جيت في طوعه

وأنا ما كنت أريد من الوصال أشياء ما تعقل
اريد الحب والالفة ومعها أشياء مشروعة

تخلي عن غرورك واتركي بدر السلام يهل
وخلي العاشق الصايم بوصلك ينطفي جوعه

اعرْفك حلوة وحتى سواليفك خفيفة ظل
يعدّي الشهر مع حكيك كأنه نصف اسبوعه

وحرام الزين هذا يمر يوم وفيه م اتغزل
اقلّده القصايد بين مكتوبة ومسموعة

تعالي ناظري فيني وردّي في سؤالي .. هل
عيونك تستحق الحزن ؟؟ لابو الحزن ودموعه

تريني ما اريد مْن الوصال اشياء ما تعقل
اريد الحب يا عمري ومعه اشياء ممنوعة

عبدالله الحديبي
25/4/1440 ه

[جسد بلا قلب]

وتسحبها كرامتنا وعزة نفس مرفوعة

حرف نابض بالجمال أيه المبدع