يوم الحسم ولا يوم الرياضيات !!

[عالمي زهران]

باقي سته ايام على معرفة من يكون بطل دوري المحترفين السعودي 1430 , والله يعلم من هو البطل , هل تذهب البطوله لمن يستحقها وسعى لها من البدايه , ام تذهب لمن لايستحقها !!
العام الماضي كان الاتحاد يسعى لها من البدايه وايضا هذا العام سعى لها من البدايه , ولكن ماذا حدث العام الماضي وماذا سيحدث هذا العام !!
الدوري الماضي حدث ان قلبت المعادلات , واعيد اثبات قوانين الرياضيات , واعادوا ترتيب الارقام , فاصبح رقم واحد هو اثنين , ورقم اثنين هو واحد !!
العام الماضي كانت نسبة الرسوب في الرياضيات كبيره !!
اللي نعرفه ان 1+1 = 2 ,ولكنه اصبح , 1+1 = 4 ياغشييم !!
ولاتقول 2+2=4 ترى غلط , الصح 1+1= 4 , انتبه لاترسب !!
خلاص الارقام تغيرت والمعادلات والنظريات وينك ترى جابوا الادله والبراهين وقلبوها فوق تحت !!
لايهمك اللي درسته طول عمرك , كلام فاضي !!
الحين اخترع العلماء الزرق قوانين للرياضيات واثبتوها وبرهنوها من العام !!
ترتيب الدوري حتى ماقبل الاسبوع الاخير كالتالي :
2- اللي هو زي ماقالوا _1 _ الهلال 50 نقطه و +33 هدف .
1- اللي هو زي ماقالوا _2 _ الاتحاد 52 نقطه و +35 هدف .

يعني لو فاز الاتحاد بيصير عنده 55 نقطه والهلال 50 نقطه ويصبح الاتحاد في المركز الثاني حسب قوانين العلماء الزرق وبالنظر ان المباراه تقام على ارض الهلال ياخذها الهلال يعني ياخذها !!!

ولو فاز الهلال بيصير عنده 53 نقطه والاتحاد 52 نقطه ويصبح الاتحاد في المركز اللي بعد الهلال وبالتالي بياخذ البطوله الهلال حسب القوانين المعتاده و لانه الاكثر نقاطا وياخذها الهلال يعني ياخذها !!!!!

ولو تعادلوا يبقى الترتيب كما هو حسب قوانين العلماء الزرق ويصبح الهلال البطل والاتحاد بعده , يعني بالعربي ياخذها الهلال يعني ياخذها !!
نبارك لاخواننا الهلاليين البطوله ونقول هاردلك يا اتي تستاهل انت الغلطان !!
غلطتك يا اتي لييه تاخذ الاول من بدري !!
كان ركزت عالثاني بسهوله تاخذ البطوله !!
ماتحتاج تعب ولا شي كلها كم مباراه تفوز وكم مباراه تتعادل , ومن هنا حكم ومن هنا رجل خط تمشي الامور وتجيك البطوله لحدك , ليه تتحمس وتسوي فيها بطل وتنافس عالاول !!
خل الاول للغشمان واللي مايفهمون في الرياضيات الجديده !!
شفنا يالنصراويين خططنا على المركز الثاني وركزنا عليه وجبناه !! لكن فلت منا الله يجازي اللي كان السبب !!
عرفنا السالفه وفهمناها وقلنا بلا اول بلا هم , خذ الثاني واظمن لك البطوله !!
يالله يا اتي لسا ماستوعبت الدرس ولا الشرح اللي العام الماضي , وشفناك متمسك بالصداره من اول الدوري وتروح منك باخر الدوري للي بعدك في الترتيب !!
ماعليه العام راحت عليك , وهالسنه بتروح عليك , كله لانك الافضل بالدوري , ومتصدر الدوري , والاكثر نقاط , والاكثر اهداف , والاقوى هجوم , والاكثر والاكثر !!
الحسم قرب ولا الرياضيات تقرب !!
بنشوف وش يكون يوم الحسم ولا يوم الرياضيات !!!
تحياتي

[العـــطـــــا]

يا اخي كيف استطعت ان تكتب هذه الروايه وقلبك يحترق من الداخل ضد كل ماهو ازرق
ثم ماذا يغيضك لو حققها الزعيم وهو اهل لها مادام ان نظام البطوله واضح وصريح الا اذا كان لديك نظام غير المتعارف عليه

[شعب الحماطه]

لا النظام الجديد كاس الامير فيصل تحت 21 سنه
وهذا الخبر اكيد صدمه للعالميين

[صمـ المشاعرـت]

أشكرك أخي عالمي ,,,

أعتقد إن الرياضيات كلها على ورق .,,,,

يعني مافيه شي عالوااقع ,,,,

يقولون :

اذا تبي تحفظ اقرأ ,,, وإذا تبي تفهم طبق عملي ,,,,

واحنا بصرراحه نبي نفهم ,,,, (((يعني الميدان ياحميدان )))

ويازين الواقع ويازين الميدان ,,,,,


أخوك / صمـــ المشآعر ـــــت ,,,

[الســرف]

رح تجي البطوله بالكايد

ماندوّر الهيّن

انت بس خذ لك " تكيه " وبراد شاي وكيس فصفص واجلس استمتع بفنيات الدعيع ...رادوي ...التايب ...ولي ..ياسر

ارتاح بس

اتوقع ان الهلال له دور كبير في ارتفاع معدلات ارتفاع ضغط الدم وامراض السكري في المجتمع


بإذن الله البطوله هلاليه ولايهون العميد

العميد الذي نكن له كل التقدير والاحترام

رح شوف اللي درسك رياضيات وقول له حسبي الله عليك تراه ظلمك .!


تشاووووو

[زعيم ممنا]

[align=center]طيب وش ذنب الهلال اذا كان النصر مايقدر ينافس في دوري المحترفين ويخليك تحقد وتنزل موضوع رياضيات
وكيمياء ...اقول لايكثر وإن شاء الله الهلال ماخذها ماخذها زي ماقلت انت وزي ماقال ( السرف ) براد شاي وفصفص ويا حبذا لو يكون ( غروي )[/align]

[الهاجس]

عالمي زهران أنت مريض الله يشفيك

الحين وش دخلك في الاتحاد انت نصراوي

وبعدين وشفيها لو أخذها الهلال ليه درع الدوري خارج من حسابك الخاص إذا كان من حسابك فخله لك مانبيه أعطه فريقك مستحقه

((فيه واحد سوداني يشجع النصر تدرو ليه عشان مايقوم يصفق اذا سجل النصر اهداف لان النصر مدري متى يسجل))هههههه))

أتمنى ان تكتب كل ماهو جميل يخص الرياضه السعوديه وخلك بعيد عن التعصب الرياضي لاانت ولاانا بنستفيد من التعصب هم ياخذون

البطوله والفلوس وانت تروح تقيس الضغط والسكر

[زعيم ممنا]

اقتباس: المشاركة الأصلية كتبت بواسطة الهاجس      عالمي زهران أنت مريض الله يشفيك الحين وش دخلك في الاتحاد انت نصراوي وبعدين وشفيها لو أخذها الهلال ليه درع الدوري خارج من حسابك الخاص إذا كان من حسابك فخله لك مانبيه أعطه فريقك مستحقه ((فيه واحد سوداني يشجع النصر تدرو ليه عشان مايقوم يصفق اذا سجل النصر اهداف لان النصر مدري متى يسجل))هههههه)) أتمنى ان تكتب كل ماهو جميل يخص الرياضه السعوديه وخلك بعيد عن التعصب الرياضي لاانت ولاانا بنستفيد من التعصب هم ياخذون البطوله والفلوس وانت تروح تقيس الضغط والسكر

[align=center][/align]

[شبيه الريح]

السلام عليكم

ان شاء الله نشووووف مباراه حلوه بين فريقين يمتعون كل من يشاهدهم ويشجعهم

اذا فاز الاتحاد فهو يستاهل بكل جداره

واذا فاز الهلال فهو ايضااا كفووو لها

وان شاء الله تكووووووووون هلااااااااااااااااليه

لكن .....

وش فائده هذي المواضيع (رياضيات ,كيمياء)

اما انك مشتاق للدراسه او انك تكتب اي شي يحلو لك

انا من اشد الناس اللي احترم وجهه نظر الطرف الاخر

لكن وانا اخوك هذا ليس اسلوب نتمناه في منتدانا

لكن رياضيات وكيمياء !!!!

يعجبني عالمي ممنا باسلوبه الراقي (مع العلم اختلاف وجهات النظر موجوده)

كل واحد يحترم وجهات نظر الاخر

هذي مجرد همسه وان شاء الله الفكره وصلت

ان شاء الله تتقبلها بكل صدر رحب

[العرنين]

احسنت
يا ليت تراجع لنا ترتيب المركز الخامس والسادس

و كيف يتم احتساب ضربات الجزاء ضد الفريق الجنوبي

وبعدها يا ليت تمر جدران النادي تكتب ذكريات

..
خل الهلال عنك ما جاب لك المرض الا الهلال
دمت في خير