نصيحة للبنات بمناسبة قرب موسم الزواجات

[الوليدنت]

نصيحة للبنات بمناسبة قرب موسم الزواجات

هذه نصائح نقلتها لكم قد اختلف مع كاتبها في بعض الجزئيات وأتفق معه في جزئيات أخرى نقلتها لكم لما جمعته من المصداقية والتنكيت .
هي أمامكم :-
بمناسبة قرب الصيف وانتم عارفين الصيف وموسم الزواجات اهديكم هالمقال اللي نقلته لكم إن شاء الله ينفعكم ...يا بنات اتركوا عنكم النعفقة عاد مانيب قايل (((.....))) عساها تثمر فيكم هالنصيحة اللي في هالمقال واتمنى انكم تشغلون مخكم شوي ((من زينة عاد)) شكلي بنطق هههههه عموماً اتمنى لكم وقت ممتع
الى كل وحده طايحه في كبد أهلها وما تصرفت
إليك عصارة راسي وبنات أفكاري أضعها بين يديك
كيف تصطادين تمساح
للإجابة على هذا السؤال إليك مايلي :
أهم نقطة :نشني على العجوز اللي حاطة عينك على ولدها ثمن نفذي مايلي :
1-خليك مع أمك لا تروحين مع البنات وتهيبلين ماورى ماتهيبلتي اصبري عنهن كم شهر لين تتم العملية
2-امشي وانتي حاطةراسك بين كتوفك لا ترفعينه أبدا حتى لو يصير كله صعارير عشان يقولون مؤدبة ومب متكبرة
3-كلمة خالة خليها على لسانك وخاصةلأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا ما نجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )
4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس ما لقيت غيره
5-إخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (جعلهم عقبك)
6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )
7-اذا جيتي بتمدين ايدك جعلها الكسر< (خربتها) اعبطي خشتك وتويجعي (مب قوة علشان مايقولون كذابه ) وخلي أمك تقول :قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )
8-دايم ارتزي كأنك بالعة قصبة علشان ماينقص من طولك ولا سنتيمتر (للقصيرات)
9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق
10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة
11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن
12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم
13-في العروس لاترقصين اربضي واقضبي ارضك واعتبري الرقص عيب وشق جيب
14_ اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )
احتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )
الحين بتكون العجوز وقعت باالفخ
نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا والا نانسي( ترى الاخيره مهبله فيني )هالي مطيراتن عقول عيالنا
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار بوالديه )
عاد الله يوفقك ولاتنسينا من حلاوة العرس والكليجا واياني واياك تعلمين الولد من اللي معلمك هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني
تحذير

ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى

نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله تدرين ليه؟؟خوفا من سرقة الفكرة الادبية

والله يوفقكن يابنات

وإلى اللقاء

منقوووول

[فراشه شفافه]

هههههههههههه
ههههههه

نقل موفق

[بنت شيوخ]

هههههههههههههه

نصائح بصراحه مهمه

لا وصيكم بناااات طبقوها

مشكور اخوي

لاعدمناك

[طوق الياسمين]

ههههههههههههههه
بس حلوه امشي وراسك بين كتوفك !!
اجل راسها وين ؟!



عز الله تزوجوا البنات





يعطيك العافيه الوليد

[بعيدة المدى]

أهم نقطة :نشني على العجوز اللي حاطة عينك على ولدها

الله واكبر

يامحسن الهزاني