عــ عربجــي مع عربجيــة ــرس!!!!!

[البرنسيسة]

عــ عربجــي مع عربجيــة ــرس!!!!!

ابقول لكم وش صار في ليلة عرس دحيم


الولد دحيم مشاكل 24 سااعه وتفحيط وخرابيط و هجوله
المهم ابوه قرر انه يزوجه يمكن يعقل الولد !!!!
ويقوم يخطب له ابوه بنت عمه حصه !!!
عاد حصه خبله مثله
المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه
الاب: الووو دحيم وينك؟
دحيم : هلا والله طالع مع الشباب لثمامه
!!! الاب: جعل تطلع روحك بلا تعال اليوم عرسك
دحيم : طيب العرس في اليل يمديني ارجع المغرب
الاب: اقول امش جعلي امشي العصى على ظهرك
دحيم : طيب خلاص جاي
ويقفل التلفون
المهم ويجي دحيم ويلبسونه الخبل ناوي يروح بقميص نوم وطاقيه
المهم ويمسكونه اخوانه ويلبسونه ويودونه للقصر
>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)
ويلقطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا ريال
( قايل لكم مهوب وجه زواج)
المهم ويدخلونه على الحريم
يوم دخل
(وهو الي يفتح كشرته ( ابتسامه عريضه
ويناظر في ذا البنيات
المهم يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا!!!!
المهم ويجلسه على الكرسي
وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص امه مسيكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول صح يا الرقص مهوب رقص العيال في الاستراحه امحق رقصصص ؟
الا وابوه يصفقه على جبهته
دحيم : طيب خلاص انطم
المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له
حصيصه : دحيم ابسالك سؤال؟
!!! دحيم: اسالي
حصيصه : انت الحين تعرف تفحط ؟؟؟
(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي
حصيصه : والله ورني ابي اشوفك تفحط
(دحيم : توهق
(دحيم : خليها بعدين موب اليوم ( يبي يصرف
حصيصه : افا شكلك ما تعرف هههههههههههاي
دحيم : اوريك من الي ما يعرف
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123
قسم الكسور
الزياره من 9 الى 12 ظهرا و 5 الى 9 مساء
ان شاء الله تهنيتوا بالعرس ؟ هههههههههههههههههههه

[بزوغ الفجر]

ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟


افتحي لك شررركة لانتاج افلام كرتون شرررهتك علي سنه وانتي تنافسين الوليد بن طلال


تششششكرات كبيررررررررررررات

<< دحيم وحصتهههههههه

[عابرسرير]

ههههههههههههههههههههههههههههههه..

كركركركركركركركركركركركركركركركرك..

رهيييييييييييييييييييييبه..

يسلموووووو..

[البرنسيسة]

تشكرااااااااااااااااتي
على مرور الجميع**

[الزهراني2007]

يعطيك العافيه قصه روووووووعه
والله اني ضحكت لين بغيت افطس
الله يقطع سوالف ابليسك
تقبلي مروري

[البرنسيسة]

هلابك يالزهراني2007
نورتناااااااااااا
يسلموووووووو
اي كذا فرفشوووووووا

[سعيد بن سالم]

ههههههههههههههههههههههههههههههه


الله يهنيهم والله رح تكون حياتهم سعيده لا هموم ولا مشاكل من البيت الى السجن والعوده في نفس الاتجاه

وعاد اولادهم بيطلعون زاحفين وعرابجة من الدرجة الراقية


.....................

غنوجه ...

اسعد الله قلبك فكم استمتعت بقراءة هذا الموضوع


تحياتي ومودتي

[البرنسيسة]

اقتباس: المشاركة الأصلية كتبت بواسطة سعيد بن سالم      ههههههههههههههههههههههههههههههه الله يهنيهم والله رح تكون حياتهم سعيده لا هموم ولا مشاكل من البيت الى السجن والعوده في نفس الاتجاه وعاد اولادهم بيطلعون زاحفين وعرابجة من الدرجة الراقية ..................... غنوجه ... اسعد الله قلبك فكم استمتعت بقراءة هذا الموضوع تحياتي ومودتي

ياهلابك يانورنا***
اي كذا فرفشووووووووا
يسلمو***

[cute bo0oy]

هع هع هع هع هع هع هع هع هع

والله انهم منسمين

بس حقت الثمامه والبلوت
احسن شي بالموضوع

الله يعين الي باتزوجه
بتجي على ضرتين
خخخخخخخخخخخخخخخخ

[][ هـيـكـ‘ـتـ‘ـوـوـر ][]

اصلا بشير شنان ماايغني كسرااات بس شعبي

كسراات ابو فيصل وظاافر الشهري وعبزوز وموسى الزهراني خخخخخخخخخخخخ

مشكووره

وياالبى الدجه

هع