|
|
|
|
|
 |
 |
 |
|
#1
08-08-2007, 01:12 AM
|
||||
|
||||
::::: أقـــول:::::::
سلام عليكم أولا .. ولو اني زعلان حبتين  وما عندي موضوع ولا هم يحزنون .. عندي تهديد لكم نعم تهديد لكم كلكم يا الزهارين .. واسمعوني كويس ..  أولا ماشا الله كل يوم ونحنا نرد في منتدى التراحيب على ثلاثه واربعه جدد من الاعضاء المنضمين حديثاً .. وهي ذيك الردود ولا عاد نسمع ولا نشوف من احد لا موضوع ولا ردود على باقي المشاركات ولا حتى نشوف اسمه في التواجد .. وش الحكايه ... علموني ....هاه ؟ ماتردون .. طيب ...!! ها اسمعوني زين .... والحاضر يعلم الغايب والعلم ياصلكم ويتعداكم بعد .. هذا منتدى زهران ... زهرااااااااااااااااااان ...... ماهو منتدى البرنسيسه والا منتدي مكاري ووطريخم والا من هذي المنتديات اللي حاطه على الواجهه صورة عيون ناعسه والا وحده متكحله ولاطمه بشماغ هذا منتدى قبيلة زهراااااااااان ... فهمتم ذا الحين .. طيب نخش على المهم انتم عارفين ان عصرنا عصر التكنلوجيه والاتصالات والا لا ؟؟ هاه يعني دخلنا في خلال العشر سنوات هذي من جد من أوسع ابواب القريه الصغيره .. اللي كانت تسمى بالكره الارضيه وما عندنا عذر ابد ما نتطور ونسخر هذي النعمه لمصلحتنا على الاقل أقصد نعمة الانتر نت .. ما اتكلم عن خبزه ومعرق ووصلة لحمه .. آآآه  ليش ما نحيي هذا المنتدى بوجودنا وتواصلنا وتناقل اخبارنا ؟ كل هذا كسل .. والله ان كان كسل والا مشاغل زايده .. ماشي لاكن المصيبه لا يكون عدم معرفه بقدر النت وما وصلت له من تقدم في سرعة الاتصال ووفرة المعلومات وسهولة التواصل والرخص يا شباب انا والله كنت في الابتدائه اكتب رسايل لناس في ساعه واكثر حتى يطلعو بخلاصه مفيده في الرساله اللي يبغون يوصلونها لاقاربهم ومعارفهم في مكان ما وتحتاج الرساله هذي ايام حتى تصل. والحين محدثكم اللي هو انا ( والحمد لله على كلمة انا ) قاعد اتكلم معى نسيبي في بريطانيا ومعى ولد اختي في الصين ومعى ذاك في أيرلندا الشماليه اهرج معى هذا واشوف هذا وش ياكل وهذا إش لا بس ومتى نام ومتى صحى .. ومتى خش الحمام  وكاننا ساكنين في شقق متقابله فاتحه على بعض .. ويجي الحين في هذا العصر وهذا التطور والتقدم الرهيب من يتهاون ويطنش ويهمل النت .. كأنها تحصيل حاصل والسلام .. عجيبه والله ... من جد عجيبه .. وبالاخص من الشباب والشابات بعد ... كمان نقول لهم لا يسوقون قصدي لا يتصفحون انترنت .. هذي والله قمة الجهل .. واسمحوا لي .. اقصد العالم النايمه هذي .. والله ياناس اعرف عالم ما تفك الحرف ولا تعرف حرف الالف من عمود النور وقاعدين قدام الانتر نت .. أحسن من خريجين جامعه مفهين على عيونهم .. وذالحين فيه موقع باسم زهران ولا احد يعبره من افراد قبيلته المنسوب لها صحيح في مواقع اخرى لزهران ولبعض القبايل .. وهذا شي طيب لاكن للاسف حالها مثل حال مجالسنا .. ماعندك احد .. الناس باقي نايمه .. من جد في سابع نومه .. وش اللي يمنع ان كل واحد يخش على مجلس قبيلته ويحكي عن أي موضوع عام .. واقصد عام عن قريته او جماعته او نفسه هو.. وش المانع ما نتناقش في مواضيع تهمنا حنا يالزهارين . ان كان في احداث حاصله او مناسبات او ان شا الله نحل مشاكل بعض ان كان فيه احد عنده مشكله .. ونتناقش فيها بعقلانيه ترون الناس بيسبقونا وبيتعدونا لإثبات وجودهم وترسيخ اقدامهم على النت .. ليه حنا ما نكون سباقين ومبادرين لتسخير هذا الرزق اللي جانا من الله لخدمتنا .. على الاقل نحس فيه بوجودنا نحس فيه بالحميميه والالفه بتواصلنا .. والناس الباقين يعرفونا .. وان ماعرفونا مش مهم.. المهم حنا نعرف بعض.. حبايبي .. والله ابغالكم أرفع القدر واعلى المكانه بين الناس .. وانا مجرد مذكر لكم باهمية هذا الشي وان لا تتهاونوا فيه وفي نفس الوقت محذر من الاهمال والتجاهل بالنت .. لانها الان اصبحت على قدر كبير من الاهميه والعنايه.. ورعان الغرب كل واحد مسويله موقع خاص .. وحنا نايمين .. أفا . . انا ان شا الله ما اعرض مشكله ولا اساهم في حلها .. شوفو عندي محاولات بسيطه للحلول ان لم تكن حلول جذريه للمشكله برمتها ان اخلصنا النيه والعمل والتعاون سوا .. وهذي مجموعة من العوامل المساعد للحل .. . . 1 : عرفوا من حوليكم من كبار وصغار باهمية الانترنت . 2 : حفزوا من لا يملك جهاز بشراء جهاز كمبيوتر.. بالف ريال الحين كامل .. وان كان مستعمل بثلاث ميه وحولها  3 : وضحوا لهم ماذا يمكن ان تعمله النت في سهولة التواصل وتناقل الاخبار بين الناس .. وهذا اهم شي تعرفوهم به. 4 : بينوا لهم المخاطر في عدم معرفت الانترنت .. لان في القريب العاجل بيصير كل شي عن طريق النت .. حتى لو خش حرامي بيتك بامكانك تعرف عن طرق انترنت الهاتف وانت متسطح على شواطي تونس والا قاعد ان شا الله تلغ سوشي في يكوهاما .. وتبلغ الشرطه عن دخول شخص غريب لبيتك .. صح ؟  وهات ياطاش ما طاش انت والشرطه  5 : لا تبخلو على كل من حوليكم بالتعليم . علموهم واكسبوا اجرهم قصدي اجر الحسنات من الله .. واللي يتبخشش ليه النص ... وكل الشغله كيف يشغل الجهاز ويطفيه و يمسك الماوس .. بس مافيها تدريب على قفز مضلي وانقاض رهائن .. ووالله عندي كلام كثير ابغى اقوله لكم عن اهمية تواصلنا وتكثير اعضا المنتدى بالدعوه والزياره والتصفح .. وانا عارف اني ما طولت عليكم لأاني كلامي كله عسل على قلوبكم وتبغوني اواصل كمان .. بس للاسف ما كل ما يتمنى المرء يدركه .. انا جيعان الحين ارتحكم بسلام وتحيه .. وحيلوا كذا عنيه حقوق الحفظ والطبع والنشر ... ضايعه .. |
 |
 |
 |
|
|
|
|
|
08-08-2007, 01:32 AM
|
#2 |
 |
كان بأمكانك تختصر هالكلام كله بأربع كلمات لاثالث لهم.. *&ياشباب شاركوا هذا منتدى قبيلتكم ولايهونو الزوار&* خخخخخخخخخخخخخخخخخخخخخخخ.. أمزح,,, هريري كفيت ووفيت والله ينطيــج العافيه.. كلامك من القلب للقلب.. لاحرمت الاجر.. %عابرسرير& |
|
|
|
|
|
|
|
|
|
|
08-08-2007, 01:54 AM
|
#3 |
|
اقول والله انك ذيب وياليت الناس تسمع كلامك الي كله درر
انا عجزت في بني عامر ان يتحركوا مثل باقي المجالس والله تقول نشحذ |
|
|
|
|
|
|
|
|
|
|
|
08-08-2007, 02:25 AM
|
#4 |
|
حراااااااااام انك ذيب
ايوالله ياخي والله مدري وش معهم يسجلون في اليوم يجي 5 ويكتبون في الترحيب ... ولا أحد يكمل مدري وش السالفه لكن بأذن الله أنهم يرجعون وبقووووة <<< حلوه بقوه ذي بعد الاجازه تقبلوا تحياتي |
|
|
|
|
|
|
|
|
|
|
|
08-08-2007, 05:11 AM
|
#5 |
|
[عضوية شرفية خاصة] 
|
بيض الله وجهك يالهريري
كلنا ندري انها طالعه من قلب ولكن لا حياة لمن تنادي هذا موضوع مشابه كتبته قبل يومين http://www.zahran.org/vb/showthread.php?t=5380 ويعطيك العافية |
|
|
|
|
|
|
|
|
|
|
|
09-08-2007, 05:14 AM
|
#6 |
|
بيض الله وجهك
على الطلاق انك كفيت ووفيت مايعني اني الصح فيهم وانا من اول المقصير ن لكن ان شالله بيتعدل المنتدى ويصير احسن من الحين تقبل مروري |
|
|
|
|
|
|
|
|
|
|
|
09-08-2007, 05:34 AM
|
#7 |
|
شاعر
|
هريري
بيض الله وجهك وفعلا ما طرحته يستحق ان نقف عنده بجد خصوصا وهو يخص المنتدى والقبيله . يعطيك الف عافيه |
|
|
|
|
|
|
|
|
|
|
|
14-08-2007, 12:07 AM
|
#9 |
|
شاعر 
|
شكرا شكرا لكم كلكم على تعليقاتكم الطيبه
ووالله إن ودي حتى كهيلنا وشيباننا يتعلمون الإنترنت .. هههههههه |
|
|
|
|
|
|
|
|
|
|
|
14-08-2007, 07:05 AM
|
#10 |
|
مشكور ياهريري على هذا الحب وهذه الغيره على زهران بس الله يخليك لا عاد تكتب وانت زعلان عشان تعرف تختصر  وبصراحه كأنك توجه الكلام ليه. . لأني مسجل قبل 5 اشهر ويالله إني اشارك بس ابشربي و أنا الأسيف بحول الله أخلي اللي مايشتري يتفرج تحياتي |
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
