|
|
|
|
|
 |
 |
 |
|
#1
19-10-2009, 03:17 PM
|
||||
|
||||
الأهم فالمهم ياوزارة التعليم
السلااااااااااااااااام عليكم
مناهجنا ... لوين وصلتنا وأش أستفدنا منها بحياتنا العملية.. الرياضيات 8 حصص بالأسبوع الفيزياء والكيميا والأحياء على 4 حصص التاريخ ... الجغرافياء... و....و.....و.... على أيش هالكم الهائل من الحصص اللي فائدتها مانقدر نكرسها في حياتنا أنا ماأذم المنهج كيفآ ولكن أذم الكم... يعني فية أشياء أبدا من هاللي فوق بكثير بتقولون أنتم طلبة فاشلين ماتبون تتعلمون ولاتدرسون شيء ابد بقول سم وآمر عندنا حصص غير هاللي فوق... حصص التدبير المنزلي الخياطة الرسم أقصد فنية الرياضة البدنية<<< بالله عليكم وش خلاصة الفائدة من هالمواد.. اللي يبي يتعلم الطبخ مو متعلمة من كتبكم الفاشلة فتحت مرة كتاب تدبير ياناس حاطين طريقة مربى تكاليف أغراضة أغلى من الجاهز أشرية من برا أوفر أتحدى وحدة تجي تقول لي انها تعلمت الطبخ من المدرسة اللي تبغى تتعلم الطبخ بتتعلمة من أمها من أختها من مطبخ بيتهم من كتب الطبخ<<< نجي لحصة الخياطه مأساة هالحصة بالله عليكم وش أستفدنا من غرزة السراجة اللي حتى الأعمى يعرفها ولا غرزة السلسلة<<<< ولا...ولا.... ولا..... اللي عنده ميول للخياطة ممكن ينمي موهبتة بالبيت أو بالمعاهد المتخصصة لانو منهجنا في الخياطة ماينمي الموهبة ابد ولا بأي شكل نجي للرسم وهذا بحد ذاتة مصيبة المصائب على غير تكاليف الأدوات اللي تقصم الظهر تجي تقول المعلمة الأسبوع الجاي تجيبون مثل هالألوان وسعر العلبة مايحتاج أقول ترى ادوات الرسم غالية طيب جبناها نستخدمها هالأسبوع وخلاص يالله الأسبوع الجاي جيبي معاك حاجة ثاني بمبلغ وقدرة طيب لية مايقطون 3 أو 4 بنات بعلبة<<<< نرجع لمحور حديثنا الرسم ياعالم هواية يعني اللي عندها موهبة رسم بترسم بدون تعليم وأوامر واللي ماعندها موهبة مالة داعي نضغط عليها ونقول لها أرسمي ومواضيع الرسم المقررة يالله من فضلك تصيح أرسمي شجرة أرسمي بحر أرسمي سفينة أرسمي.........الخ طيب ليش نجي للشيء اللي أتوقع انة هدر كبير للوقت وللفكر وللجهد البدني الجمعيات والريادة<<<< كلنا نعرف انها حصتين في كل اسبوع طيب الفوائد: صلحوا لوح نعلقها على جدران المدرسة طيب انا وش استفدت؟؟؟ يختي استفدتي ان مدرستك صارت تهبل طيب وبعدين...ولا قبلين لاجا التوجية ..قدم خطاب شكر للمديرة على جهودها المبذولة في الإهتمام في المدرسة طيب الريادة: تجيك مربية الصف وتدخل على فصلها وتطلب من البنات كل وحدة تختار مادة وتدور على رسمه وترسمها بلوحة عشان فصلنا يغدي يهبل وعادي 3 أو 4 يتقاطون<<< وكل وحدة تقط من 3 ريال عشان نجلد الطاولات ولاتستغربون انو في سنة من السنين قطينا وشرينا بوية وصبغنا فصلنا<<< وبالنهاية في الحفل الختامي كرموا مربية الصف على اهتمامها بالفصل وبترتيبة وحنا يسحبون على اللي خلفونا والعيال...يالله من فضلك وشوله حصص بدنية انا أشوف انو مايحتاج ولو مرة مهم مرة وحدة بالأسبوع وحصة وحدة لانو عيالنا سلمكم الله كل وقتة يلعب كورة حتى بالبيت يقلبون القواطي والمخدات كورة غير كذا كل عصرية يلعب كورة بالحارة ومايجي آذان اعشاء الا وتشمين روائح الجزم في انحاء المنزل طبعآ هذا إذا كان ذرب ومؤدب ومافصخ الجزمة ولعب حافي القدمين<<<تكرمون والله مايصير صارت أمخاخ عيالنا كورة كورة كورة....... من جد صار أكبر إهتمامهم كورة نجي للمهم والبديل اللي اتمنى من كل قلبي انهم يعطونة ولو جزء بسيط من الإهتمام مع انو المفروض انو ياخذ الإهتمام كلة ياأنهم يضيفونة بطريقة مناسبة أو أنهم يقشعون هالطقة اللي تردح فوق تدبير تفصيل فنية تربية بدنية تجي لأول نقطة مهمة الإسعافات الأولية بنت أخو زوجي أم 8سنوات غرقت بمسبح بشاليةلأنو وللأسف المهمل صاحب الشاليه ماكتب لوحه جنب المسبح وكتب المسبح مخصص للكبار والصغار ولاحط بالشالية التعبان رجل إسعافات أولية للحالات الطارئة طلعوها من المسبح بعد ماشربت كمية من الموية للأسف الشديد كان في الشالية حولنا100شخص من الجنسين بس ولا واحد فيهم عرف يساعد البنت ويطلع الموية ويعطيها تنفس صناعي لانو وللأسف ماعندهم خلفية عن الأسعافات الأولية اللي يمكن تغير حياة انسانة أقرب مستشفى للشالية يبعد عنة ساعة كاملة لما شالها أبوها وصل المستشفى الا البنت ودعت مين المسؤول هنا؟؟؟ لهالدرجة ارواحنا رخيصة مستكثرين علينا تعلمونا أشياء بسيطة تساعدنا وتساعد اللي حولنا علمونا أشياء نستفيد منها انا محاكيتكم الى الآن ماأعرف أستخدم طفاية الحريق فرضآ يوم من الأيام شب البيت نار وياكثر اللي ماتوا بالحرق والسبب عدم وجود طفايات وعدم معرفتنا الكافية في استخدامها لما نشوف حادث بالطريق يقولون لنا لحد يحركهم لين يجي الاسعاف طيب علمونا وشلون نتعامل مع الوضع على مايجي الإسعاف في ظل هالزحمة يمكن يكون فية وفيات عطونا الثقة وخلو يدنا بيدكم الكسور كيف نتصرف معاها الماس الكهربائي الحروق عاد حكاية اللي يحط بيض واللي يحط عسل واللي يحط معجون اسنان وأنت وحظك طيب وش الصح فهمونا نجي للإقتراح الثاني اللي مايقل أهمية عن الإسعافات الأولية التربية النفسية تجيك الوحدة دفشة بالكلام...طيب علمونا آداب الكلام آداب الإنصات علمونا اللباقة علمونا الاتيكيت علمونا الحوار<<<أهم نقطة الواحد منا بيتزوج مايعرف يتعامل مع الطرف الآخر لية نسبة الطلاق كثرت عندنا لانو الكل ماخذها زعطة كلمة تجر كلمة تجر كلمة بعدين مع الغضب انتي طالق مافي حوار هادف عقلاني الكل يبي يصير الكل بالكل سواء الرجال او البنت طيب لية نتزوج وحنا ماعندنا الصورة الكاملة عن الزواج وعن اهداف الزواج الرجال يقول الحرمة بس تطيعني والحرمة تقول ابوي ماتحكم فيني عشان انت تجي تسوي فيها رجال علي بالله هذا اسلوب وين الرقي بالتعامل وين الألفة وين الحنان الزواج مو حلبة حرب الزواج حلبة حب لية في المدارس مايعلمونا كيف نربي أطفالنا كيف نتعامل معاهم كيف نخاويهم لية مايعلمونا طرق للتعامل مع شرائح الأطفال المتعددة المزعجين/ العنيدين/ الخجولين /الكئيبين /القياديين /الإنطوائيين......الخ ترى حنا نبي نربي جيل بيخدم البلد وعشان عيالنا يكونوا بارين فينا وصالحين أنا محاكيتكم ماأعرف اتعامل مع اطفالي وتجيني حالات أنهار وأقعد اشاهق والموضوع كلة مو مستاهل لية لانهم ماعلمونا في المدارس كيف نحتوي اطفالنا لاتقولون هذي أشياء تعلموها من أهاليكم لا مو كل شيء اهالينا يصلحونة يكون صح عندي أخوي<<<غير ذاك بصراحة أغبط عيالة علية للأمانة هو عذب ابوي وامي في مراهقتة ومرة من المرات لما جاة أول مولود قعد ابوي في المستشفى يمازحة يقول لة ياويلك من ولدك بعد يطلع عيونك مثل ماطلعت عيوننا عاد اخوي اخذها على محمل الجد وصحصح لعمرة وعيالة عيالة: ثاني ابتدائي وأولى أبتدائي تعالو اشرح لكم حياتهم يقومون صلاة الفجر ويصلونها بالمسجد بعد الصلاة يقعد ابوهم معهم يقص لهم قصص انبياء أو يراجع لهم القرآن يروحون المدرسة يرجعون الظهر يتغدون وبعدين يذاكرون ويحلون الواجبات آذان العصر يصلون بالمسجد ويقعدون بالمسجد حلقة تحفيظ القرآن قبيل المغرب يخلصون يرجعون البيت يلبسون لبس الرياضة يروحون يصلون بالمسجد بعدين يوديهم سواق اهلي للنادي لين العشاء يرجعون البيت يتعشون وينامون وعلى فكرة برمضان حتى التراويح مايخلونها ابد شفتوا كيف اشغل وقت عيالة بشيء مفيد ومسلي وماخلى الفراغ يلعب بعيالة لبى قلوبهم لاتقولون اخوي متفرغ ابدآ دوامة فترتين عاد خميس وجمعة مايروح مشوار الا وهم معه حتى لخويانة بس بجد لا اله الا الله عيني عليهم باردة فيهم من الذكاء واللباقة اتمنى اكون الميت بأشياء بسيطة حنا محتاجينها عشان تكون الفائدة مستمرة بحياتنا العملية نداء: وزير التعليم ... وزيرة التعليم أنقذونا ووعونا خلاص اللي راح راح لحقوا على الباقين  دمتم سالمين منقووووووووووووول |
 |
 |
 |
|
|
|
|
|
20-10-2009, 03:09 AM
|
#2 |
|
[عضوية شرفية خاصة]
 |
رد: الأهم فالمهم ياوزارة التعليم
تعليمنا فاشل بجميع المقاييس اذكر بالرياضيات في المتوسط وكان فيه شي اسمه الجا والجتا وطبعاً الحل باستخدام الاله الحاسبة وش الفائدة منها وهذا مثال والكيمياء والفيزياء وغيرها اللي اغلبها نسيناها بعد الشهادة باسبوع قابلت في احدى الايام وكيل وزارة في احدى الدول العربية فجلسنا نتكلم عن التعليم بالعالم العربي وكان يسالني عن تعليمنا وطلع الفرق بيننا مو بعيد قال لي انا كنت مبتعث دراسة لورسيا فقال تعليمهم جداً منظم قلت كيف قال زي عندنا بس هم عندهم دراسة الابتدائية 9 سنوات وبعد الـ 9 سنوات تخصص 7 سنوات او 8 سنوات يعني حسب ميول الشخص مهندس يتجه للهندسة طبيب للطب وهكذا يقول انا قابلت طبيب في روسيا عمره 24 وش ببتوقعون بعد دراسة وتخصص في مجال معين 7 سنين او 8 سنين اكيد بيكون مبدع في مجاله |
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : الأهم فالمهم ياوزارة التعليم
|
||||
| الموضوع | كاتب الموضوع | المنتدى | مشاركات | آخر مشاركة |
| عاجل: دبــروا أنفسكم ( اللهم إني بلغت اللهم فاشهد ) | ابو يزيد الحريري | المنتدى الرياضي | 3 | 22-05-2009 06:53 PM |
| خــط الجــرادء ياوزارة المواصلات ... | المرباوي | مجلس دوس بني علي | 13 | 27-07-2008 01:33 AM |
| بلدية جرداء بني علي ][ ياوزارة البلدية ][ | المرباوي | مجلس دوس بني علي | 9 | 30-06-2008 04:59 PM |
| إحذروا .. رسائــل الوسائط Mms .. اللهم بلغت اللهم فأشهد ..! | سعودي وافتخر | الاتصالات والجوالات | 29 | 16-03-2008 06:04 PM |
