اجتماع مغلق فقط لبنات المنتدى .!

[طوق الياسمين]

السلام عليكم ورحمة الله وبركاته
كيف حالكم يابنات
ان شاء الله انكم طيبات وفي صحة وعافية .!



بما أن بنات الرياض ودهم يجتمعون في مجمع نسائي داخل الرياض
فياليت كل وحده تجي تسدح لنا اقتراح للتواصل هنا ، حتى البنات ياللي مو من الرياض
اتمنى يشاركونّا اقتراحاتهم
بشرط ..
أن لا يكون من ضمن الاقتراحات هو تبادل الإيميلات والتواصل عبر الماسنجر
فأنا كمشرفة ارفض ذلك لأن المنتدى سيتضرر قبل أن اتضرر أنا وجهازي ، فيما لو اخترق إيميلي
فأرجو ألا ّ اتعرض للإحراج ( لا أَحرج ولا أُ حرج )

بالنسبة للتواصل عبر الجوال فكل وحده حرّه في نفسها ..
ونشوف من اللي حـ تتواصل بهذي الطريقة
وبإنتظار اقتراحاتكم ..

عـ فكرة
يمكن احضر ومن الحين اقولكم لو حضرت نادوني أم مفرّح



ملحوظه /
أي رد استفزازي أو من اخواننا الاعضاء "بإستثناء الإدارة" أو لا يفيد الاجتماع
سيحذف فورا ً .. وشكرا ،،،

[نور بالخزمر]

وعليكم السلام
الحمد للة طيبة دامك طيبة
ثانى شى التواصل صعب انت تقولي لاميلا ت ممنوع ورقم الجوال صعب كيف اجل انا من الشرقية وعلى حسب وضعي فكيف التواصل اعطينا انتى اقتراح كونك مشرفتنا ياحلووووووة زنقتك صح ههههههه

[طوق الياسمين]

هههههههههههههه
حسستيني اني حاشرتكم بزاوية


شوفي ياقمر ..
بالنسبة للماسنجر اكيد ماراح اقدر احكمكم يمكن تتبادلون الماسنجر بالرسائل الخاصة
لكن لا احد يتخذ من اجتماع بنات الرياض عذر له لأني بريئة من اي تهكر للمعرف تبعها عن طريق اختراق البريد
وكل وحده وثقتها بالثانية
أنا عن نفسي ماودي احد يحرج نفسه معي ولا راح احرج احد / يعني ما اقبل اضافات عالماسن "آسفة" ولا راح اطلبها من احد
وأما التواصل عن طريق الجوال .. ماراح اتدخل ، النصيحة وجهتها في موضوع آخر سابق
واللي تبغى تجازف .. تقول لنا هنا كيف الطريقة
ولازال الباب مفتوح لاقتراحات الجميع ..
كأن توحدون اللبس >>> مثل طالبات المدارس
أو اي شي يميزكم عشان تعرفون بعض ..!

وشكرا

[بنت القعاشرة]

طيب كيف ياختي طوق الياسمين التواصل واتمني يكون الأجتماع قبل اجازة الحج لانك أكيد عارفة الي بيسافر يعيد مع اهله والا بيحج والي ما تقدر تجتمع ايام الاجازة بحكم ارتباطهامع الأهل والأقارب ............................



شكرا لك جزيلا علي اهتمامك بالموضوع وحرصك الجميل علي التعارف بين بنات المنتدي

[أم يـــــزن]

معليش عندي سؤال
وش الأستفاده من هذا الأجتماع ؟؟
هل هو للتعارف بين عضوات المنتدى؟؟
أم في موضوع مهم لهذه الدرجه ولاااازم الأجتماع؟؟؟

هي المسأله عاديه جداً بس فيها مجازفه للي ماودها أحد يعرف عنها شيء يعني من خلف الستار..
ياليت صاحبة الفكره للأجتماع أنها توضح لنا أكثر السبب الرئيسي لهذا الأجتماع النسائي ومالأستفاده من ذلك حتى تتضح لنا الرؤيه ويكون في دافع قوي للجميع لحضور الأجتماع النسائي..
وبعدين ليه الأجتماع بالرياض ليه مايكون بجدة عروس البحر الأحمر هههههه
ربي يوفقكم ويقويكم..

دمتم بخير,,,

[طوق الياسمين]

اقتباس: المشاركة الأصلية كتبت بواسطة بنت القعاشرة      طيب كيف ياختي طوق الياسمين التواصل واتمني يكون الأجتماع قبل اجازة الحج لانك أكيد عارفة الي بيسافر يعيد مع اهله والا بيحج والي ما تقدر تجتمع ايام الاجازة بحكم ارتباطهامع الأهل والأقارب ............................ شكرا لك جزيلا علي اهتمامك بالموضوع وحرصك الجميل علي التعارف بين بنات المنتدي

حياك الله بنت القعاشرة
وين الغيبات ياعسل ؟

معك حق للي يبغون يلتقون ياليتت يقدمون الموعد
ولتوضيح المعلومة أنا ماني حريصة على هذا الاجتماع بس في بنات ودهم يلتقون
قلت اطرح الموضوع هنا في قسم شقائق الرجال بحكم اني مشرفة محافظة على خواتي من بعض ردود الاخوان
التي قد لاتليق بهن كما حصل في موضوع الاخت غربة مشاعر بالقسم العام .!

أنا انتظر غربة ونسيم والباقيات يدلون بدلوهم حول اقتراحاتهم في التواصل
والف شكر على تواجدك

[طوق الياسمين]

اقتباس: المشاركة الأصلية كتبت بواسطة أم يـــــزن      معليش عندي سؤال وش الأستفاده من هذا الأجتماع ؟؟ هل هو للتعارف بين عضوات المنتدى؟؟ أم في موضوع مهم لهذه الدرجه ولاااازم الأجتماع؟؟؟ هي المسأله عاديه جداً بس فيها مجازفه للي ماودها أحد يعرف عنها شيء يعني من خلف الستار.. ياليت صاحبة الفكره للأجتماع أنها توضح لنا أكثر السبب الرئيسي لهذا الأجتماع النسائي ومالأستفاده من ذلك حتى تتضح لنا الرؤيه ويكون في دافع قوي للجميع لحضور الأجتماع النسائي.. وبعدين ليه الأجتماع بالرياض ليه مايكون بجدة عروس البحر الأحمر هههههه ربي يوفقكم ويقويكم.. دمتم بخير,,,

هلا بك اختي ام يزن
بإمكانك مراجعة ردي اعلاه
ثم زيارة هذا الرابط ربما تجدي إجابات على اسئلتك :
http://www.zahran.org/vb/zahran63030.html
فلست انا صاحبة الفكرة وربما لن احضر للسبب الذي ذكرتي .. أن البعض لا يحب أن يعرف عنه الآخرون شيء .!
طرحت الموضوع لأن بعض من اعرفهن معرفة شخصية خارج المنتدى يرغبن في حضور هذا الاجتماع لو تم ..
واحب أن ابني حاجزا ً لرشقات البعض بحكم صلاحياتي هنا .

والف شكر لك لمداخلتك

[غربة مشاعر]

انا جيت والله كاني بطوق منتظرتني
بس انا مخاصماها ولاتجلس جنبي
ابقول لكم اش رايكم نتقابل الخميس القادم بحديقة الحيوانات بالرياض(قوية صح)
شوفوا
بلا ايميلات ولامسنجرات ولاجوالات
نتقابل الخميس مو هذا اللي بعدو يمكن 25 /11
بس نحدد المكان
واللي بتجيب امها بكيفها
بشرط
لاتدخل وحده متغطية وتقول ما ابكشف والله تكشف غصبا عنها
ومن عند الباب وتنادي انا فلانه بالمعرف
انا جايه جايه مافيها كلام
وبتشوفون المفاجأة منو غربة اللي جننتكم صح
انتم بس حددو الموقع بس لابد يكون خاص بالعائلات فقط
ولازال الباب مفتوح لنقاشات اخرى
اذا فية ايميلات او مسنجرات او جوالات فتكون بعد اللقاء احسن

[&طيف&]

الله يعطيك العافية يا طوق على المبادره الجميله >>>>>>>>>> أحس الموضوع ما بيتم هههههههههههههههههه


رح أفيدكم بتجربتي

أنا مشاركه في أحد المنتديات وفيها قسم خاص ببنات المدينة وجلسنا سنه تقريبا نعرف بعض عن طريق النت فقط

لما أردنا الاجتماع ما تبادلنا الأرقام ولا شيء

كتبنا عالعام الموعد والمكان وللاستفسارات اكتفينا بالرسائل الخاصه

طبعا اجتمعنا في ملاهي في اليوم الخاص بالنساء وجلسنا بمكان محدد قرب الباب حتى الكل يستدل

على المكان بدون الحاجه لتبادل الأرقام


وتم اجتماعنا على خير وكل وحده جابت ما تجود به نفسها بدون كلافه



ودمتم في حفظ الرحمن

[فراشه شفافه]

اللاي فكره جهنميه مافي اروووع من كذاااا

بس وين بشوف خشتكم


الله يعطيكم العافيه


و ان شاء الله تشوفوا بعض و خبرونا عن اللقاء

كيف كان وش سويتوا و في من حشيتوا