رحلة نقاهه إلى المريخ مع طوق الياسمين

طوق الياسمين · #1 11-12-2009, 11:19 AM

سلاااام

تصدقون .. الظاهر إني امر بحالة اكتئآب مؤقت واضطراب في الحالة النفسيه اللي سببوها لي الناس

خلوني ابدأ بالجوال وكيف كرهته
إذا رن جوالي .. ماعاد اهتم واقوم ارد لأن المتصلين يا اما بنت اختي تستهبل علي او خلود تسأل
وش صار على فكرة تكميل الماجستير وإلا سارة تشتكي من اهل زوجها وماتقفل إلا وراسي مصدع
وإلا امل اللي نفسها ماشاء الله مفتوحه للحياة كل مره تقول خلينا نتقابل بمنتزه نسائي والا بدرية اللي
فاضيه كل ماملت من سواليف خواتها دقت علي رنة وصكرت تبيني اكلمها من يومنا بالجامعه وهي ماخذه
عني فكرة اني كاش وبنت نعمه مدري من زرع هالفكرة براسها ! والا شركة زين كل يوم راسلين لي رسالة
يقولون عندك رصيد اضافي لكن والله والله ماتذوقينه ياطوق لين تكملين رصيدك المتبقي .. خخخخ
يعني افتكينا من نصب الجوال وموبايلي وطحنا بغثة "شين" !
بالله تلموني ؟ قسم بالله صرت اخليه على السايلنت وارمية فوق اقرب تلفزيون بالبيت عشان يخرب ويخرب التلفزيون معه
<<< قمة النذاله
يعني ماعاد يجيني اتصالات تبشر بخير وإلا وحده مثلا تتصل بس عشان تسأل عني وتقفل بدون مصالح وتشكي ووجع راس !

خلصنا من الجوال نجي للتلفزيون
كل ما افتحه إلا والكوارث البيئية تنكب علينا من كل صوب زلازل وفيضانات وحروب اهليه وتهديدات ودعايات كلها إحاءات "طوووووط"
حتى ولدي ابغى القاله قناة اطفال خاليه من الخرابيط الاحاءات والافكار الإلحادية مالقيت ، مسكين مدري وش بيطلع هالولد هو والجيل اللي معه
فتحت mbc3 إلا ولقطات وسخه ! فتحت سبيستون إلا والخزعبلات وابطال الديجيتيل اظن لو يتابعها ولدي بيحاول الطيران من فوق السطوح
اقول بنفسي باشغل له براعم والا الجزيرة للاطفال واللهم ياكافي مالهم ديانه محددة مركزين على الطفل ولا يربون بداخله اي روح اسلامية
قلت ماله الا قناة اجيال الجديدة والله انها زينة لولا ذاك الولد والبنت اللي معه مدري على اي اساس منقينهم المفروض مركبين لهم تقويم اسنان من قبل
طفينا التلفزيون وفصلنا الفيش كله من الجدار .. الين يتعدلون ويجيبون برامج زي الناس واخبار تفتح النفس .!

خلصنا من التفزيون وبادخلّكم الحين بمعمعة الشوارع
زحمه ياناس ولابغينا مشوار داخل الحاره ناخذ لنا نص ساعة مابين اشارات واكشن لمحاولات تصادم وبواري تجيب الصداع في الاذن الوسطى
اجل لو نبغى نسير على احد من الجماعة بالحي اللي جنبنا .. تقول بنسافر الخرج !
واحيانا انصدم بمنظر شاحنه داخل الحارة بعد العشا مدري هو مضيع الطريق والا الطريق مضيعه ..
اهم من هذا كله .. ودي افهم ليه كل شهر يحفرون نفس الشارع ويرجعون يردمونه ويزفتونه

المفروض يخلونه محفور على طول .. بس يحطون لائحه عشان لا يطيح فيها واحد مطفي النور

نجي الحين للمنتديات
الماسنجر ابشركم اعتزلته .. والمنتديات باقي افكر اعتزلها والا لأ ، والله ازعجونا بالحوثيين ثم بكارثة جدة والحين بفزعة الملك طول الله عمره
يعني إن خلاهم قالوا ماتصرّف مع حرامية البلد وإن تصرف قالوا يسكتون الشعب بالدراهم .. احس انه ماعرف لهم .. شعب مدري وش يحس به .!
الله اشغلهم بالحروب والفيضانات ماغير يبلون اقلامهم ويكتبون .. كنهم مادروا أن ماجد المهندس غنى لنا "ذا وطنا يالهبيل" >>> وش دخل الاغنية !

والله وتجيني ذيك الفكرة اللي مامثلها بالدنيا
اني اهاجر للمريخ حيث الهدوء والابتعاد عن صخب الحياة واهلها وباصير اجي الكرة الارضية كل ثلاث شهور اسلم على الاهل في الرياض وارجع
قررت واتصلت على مكتب الخطوط واحجز على كوكب المريخ ودرجة اولى بعد عشان اوصل بسرعه ، طبعا رفضوا اني اسافر بطياره قالوا في صاروخ
عندنا واقف تحت في الباركينق جهزت عفشي وبكيت شوي على الاهل ، كان ودي آخذهم معي بس المشكلة الصاروخ مايكفي الا شخص واحد ومن يوم اركب
لين اوصل وانا متمدده او واقفه آني وي المهم ماقدر آخذ معي احد هذا كلام مكتب الحجز لي >>> تخاف احد يتشره عليها

انطلقت بعون الله

كانت رحلتي الساعة 2 الصباح يوم الخميس ووصلت مطار المريخ الساعة 2وربع >>> قايله لكم تراي باركب صاروخ يعني مدة الرحلة ربع ساعة
وصلت ولقيني لابسه كذا

متى بدلت ملابسي او متى شريته اصلا هاللبس والله مدري !

ولقيت مكان العالم الله انه مكتب استئجار للدبابات .. المهم اني لقيت لي دباب بطل واخذته ورحت افرفر فيه بالمريخ لحالي ماحولي احد حتى المخلوقات
الفضائية اللي نشوفها بالافلام ماشفت شي منهم .. يمكن نايمين ، وآخرتها لقيت لي طعس وقفت دبابي فيه وهذي صورة للذكرى "صورته بجوالي"

لا تقولون من صورني لأني مسويه توقيت للكام وحاطتها فوق التل ّ

قمت عاد اسوي لي شاهي بالنعناع واحط لي شوية مكسرات شريتهم من الرفاعي مع اصبعين كيندر بوينو واضبط الجلسه عشان اروق
لاني حسيت اني اول مره انتعش لا ازعاج ولا ناس ولا دخان سيارات ولا روائح كريهه مثل ماكنت اشم يومي بالرياض
شوي إلا وصوت ألييييييم بغى يصمخ اذني .. واشوف من بعيد مركبه فضائية تبي تحط رحالها على ارض المريخ

وانا اقول بنفسي ياليل اليييييييييل اكيد هذولا بيكيمونات والا مخلوقات فضائية بتجي تهاوشني يحسبون اني بطق لي بيت شعر في ارضهم مايدرون اني بس ابي استجم
وقفت وانا خايفه .. وينفتح الباب .. من تتخيلون نزل علي من المركبة الفضائية ؟

قولوا مييييييييييين ؟

<<< مييييييييين !

والله مدري منهم
بس اي احد طفشته الكرة الارضية باللي فيها اكيد بيهاجر للمريخ وبيقول لنا وش مطفشه
هيا بنا الى المريخ حيث الاسعار الرخيصة والبنية التحتية الممتازة المزودة باجهزة تصريف السيول
والاخبار المفمعه بالخير والبركة ولكل مريخي راتب وقدره
ترى هناك اي شي تبغونه تحصلون عليه بسهولة : اراضي/وظايف/
حتى شوفوا هالحجازي شكله بعد كارثة جده رحل هناك يترزق الله ويبيع البليلة بريال ومخلله ومبهرة

وإلى لقاء آخر نكمل فيه باقي رحلتي أنا والشعب المهاجر إلى هناك ..
>> يعني افهمومها وش رايكم تهاجرون معي وتقولون وش السبب ؟!

~~ملف ضآيع~~ · 11-12-2009, 11:38 AM

[ALIGN=CENTER][TABLETEXT="width:70%;"][CELL="filter:;"][ALIGN=center]وش ذا يآطوق

وش افطرتي من صباآآح الله خير

عيوني صغرت ونآ أقرأ ,, الفتي كتاب تاريخ روحي وحطية بقسم الكتاب

وش هالزين يــ طوق غطيتي على حقين قبصني واقبصكـ انتي وهالموضوع

موضوعك لمحت له لمحة بسيطة ,, مآتعرفين تسوين توقيت حآطه مووضوع عند صلاة الجمعة

لي عــــــــودة لموضوعك لمحت فيه فصلااات واجد ,, ابروح اصلي وبعدها نجي نتغداء
وبعدها يمكن نجي نخلخل اسنانآ بموضوعـك << ماعندهم فرشيآت بالبيت

ودي اضحك والله اعجبتني صورة الهندي اللي في الاخير

حسبي الله عليهم ابو هنودهـ في كل مكآن مسنترين

وصلوآ للفضآء

حتى عندهم مشروع متطوعين يودونهم الشمس على بالهم فيه ناااس بيطلعون الشمس

طق طق دوووك لك انتي وموضوعـك الفآصل

لي عـــــــــــــــودة

[/ALIGN][/CELL][/TABLETEXT][/ALIGN]

~~ملف ضآيع~~ · 11-12-2009, 11:39 AM

[ALIGN=CENTER][TABLETEXT="width:70%;"][CELL="filter:;"][ALIGN=center]نسيت اقلكـ مآفيه تفكير انك تغييرين لووون الخط

[/ALIGN][/CELL][/TABLETEXT][/ALIGN]

طوق الياسمين · 11-12-2009, 11:45 AM

اقتباس:

المشاركة الأصلية كتبت بواسطة ملف ضآيع

	[ALIGN=CENTER][TABLETEXT="width:70%;"][CELL="filter:;"][ALIGN=center]وش ذا يآطوق وش افطرتي من صباآآح الله خير عيوني صغرت ونآ أقرأ ,, الفتي كتاب تاريخ روحي وحطية بقسم الكتاب وش هالزين يــ طوق غطيتي على حقين قبصني واقبصكـ انتي وهالموضوع موضوعك لمحت له لمحة بسيطة ,, مآتعرفين تسوين توقيت حآطه مووضوع عند صلاة الجمعة لي عــــــــودة لموضوعك لمحت فيه فصلااات واجد ,, ابروح اصلي وبعدها نجي نتغداء وبعدها يمكن نجي نخلخل اسنانآ بموضوعـك << ماعندهم فرشيآت بالبيت ودي اضحك والله اعجبتني صورة الهندي اللي في الاخير حسبي الله عليهم ابو هنودهـ في كل مكآن مسنترين وصلوآ للفضآء حتى عندهم مشروع متطوعين يودونهم الشمس على بالهم فيه ناااس بيطلعون الشمس طق طق دوووك لك انتي وموضوعـك الفآصل لي عـــــــــــــــودة [/ALIGN][/CELL][/TABLETEXT][/ALIGN]

انت والله الفاصل ههههههههه
طيب منتظرتك بعد الغداء .. لا تتأخر

ايه اسمع ..
التوقيت غبي وهذا يدل على اني من جد حاسه بكتئآآآآب شنيع

عشان تعذروني بس

تسلم طارق وترى البنقالي اللي يبيع بالكوشك اشك ان بضاعته موبـ بليلة

طوق الياسمين · 11-12-2009, 11:50 AM

اقتباس:

المشاركة الأصلية كتبت بواسطة ملف ضآيع

	[ALIGN=CENTER][TABLETEXT="width:70%;"][CELL="filter:;"][ALIGN=center]نسيت اقلكـ مآفيه تفكير انك تغييرين لووون الخط [/ALIGN][/CELL][/TABLETEXT][/ALIGN]

بصراحه لأأأأأأ

لأن حياتي رماديه
وقت اللي تتعدل هي اغير لونه

وبعدين قل ماشاء الله على طول الموضوع
اخذ مني ساعتين بس كاسة الشاهي شافت شغلها

الراس الصغير · 12-12-2009, 02:27 AM

قايل لكم من أول تعالوا

هاجروا الى الكواكب القريبه بس توكم تعرفون السبب

انا هاجرت قبلك الى كوكب عطارد وبنت الوادي جت تدور لها اراضي عندي وطردتها شر طرده وقلت لها

يالله توكلي على الله مالك مقريه عندي

وراحت تدور لها كوكب أخر

ووجدت كوكب الزهرة واستقرت فيه

وصار معها نسيم السروات تحاوشها بالكوكب كله غبار

وما اتفقنه الثنتين وتخارجنه في الكوكب

وصار من نصيب بنت الوادي وصارت لحالها في كوكب الزهره تتفرج في التلفزيون وتضحك

المهم

انا قريب منك في كوكب عطارد اذا تبغين مويه والا قشرن والا دقيق اجيبها لك طيران كما ذيه

~~مطفوقهـ~~ · 12-12-2009, 02:59 AM

والله ماينفع ياطوق يطلعون للمريخ تدرين ليه
انا اقولك ليه
انزلي بس شووي تحت معليه بتعبك بس حركي الشحوم واللحوم
7
7
7
7

اللي معلق التيس ويصلخه
وكله كوم وكوووووووم ثاني الحطب في الصاروخ >> تخيلي عاد
واللي لابس فروه ذابحه البرد
يلعن يومهم البرآد الاصفر باقي عايش
و اللي يمدد الكهرباء من كبوت الصاروخ
ههههههههههههههههههههه
ولا يفوتكم زيت عافيه و الملح جنبه
وقدر الضغط لا تعلييييييييييق

لذلك ياطقطق شيلو فكرة المريخ من رووسكم بيكفي فضايح عالارض خخخ

&طيف& · 12-12-2009, 03:05 AM

الله عليك يا طوق الياسمين

هادي الأفكار ولا بلاش

عن نفسي ودي برحله يوم 15/ 1 ميلادي أكون خلصت اختبارات

تخيلي قاعدين نختبر دوري وبعدها بأسبوع بنبدأ النهائي غير تسليم الواجبات يا الله معونتك

المهم احجزيلي بالتاريخ هذا أنا بس أبغى أطلع أسبوع وأرجع

مالي غنى عن الكره الأرضيه ولسه ما حققت أحلامي فيها

ورايه دراسه وبعد الدراسه ناوية عالسياسه والهجره إلى أمريكا وبعد ما آخذ الجنسيه الأمريكيه

باشتغل عليهم هناك وأجمع أكبر عدد من الشعب في صفي ( أم الأيادي البيضاء ) أصلا بس بطالب بإلغاء الضرائب وكلهم بيوقفون بصفي

بعدين بانتخب نفسي للرئاسة وأكيييييييييييييييد رح أفوز >>>>>>>>>> لا احد يحطمني خلوني أحلم

وبعد جهودي الجباره بحول أمريكا إلى دوله إسلاميه واللي ما بيسلم بنفيه لإيران وبعدين بقضي على إيران

ومن ثم ببدأ برؤساءنا وحكامنا الأفاضل باستلمهم واحد واحد وعالمحكمه الدوليه وما بعدم أحد بس بأفضي لهم مكان واحبسهم فيه سوا

لحد ما ينعدلون ويتوبون وبعدها يصيرون من عامة الشعب

آآآآآآآآآآآآآآآآآآآآآآه أحلامي كثيييييييره على المستوى السياسي مع اني ما أطيق الأخبار بس فيه أشياء بديهيه أي واحد يتمنى يغيرها

أدري جبت لكم الصداع

بس ودي أكتب اللي بخاطري

يا زين الأحلام يا طوق ولو ان حلمي على قدي مو زييك ناويه عالمريخ

الراس الصغير · 12-12-2009, 03:38 AM

المهم

انا قريب منك في كوكب عطارد اذا تبغين مويه والا قشرن والا دقيق اجيبها لك طيران كما ذيه

[/COLOR][/SIZE][/QUOTE]

اذا تبغين استشارات من كوكبي فتفرجي في الملف حق النداء

وشوفي وش سويت في كوكب عطارد
ماتعبت في حفر القواعد ولا صبيت صبه ولا جبت مليسين ولا بويه بس من استشارات الارض

بس اضغطي هون
واسترقي الملفات والمعلومات والرقم السري هوا

اضغطي هون

http://www.zahran.org/vb/zahran51687.html

~~ملف ضآيع~~ · 12-12-2009, 07:53 AM

[ALIGN=CENTER][TABLETEXT="width:70%;"][CELL="filter:;"][ALIGN=center]آنآ رجعـت بالبدوي ,, وبـــــآكـ بالحضري

عشآآآن قلتي مسافرة للفضاء ,, قلت عشان مايضحكون عليك حقون الفضاء
ويلغون حجزكـ ,, اعطينآكـ هالمقطع للعبرة

||
أنتي موب بنت منيــــــــرة

مآشآء الله بدرية و خلود و سارة و أمل ,, مآشآء الله درزن ذولآ ,, تسنهم في لستة تقويم مستمر

اقتباس:

	فاضيه كل ماملت من سواليف خواتها دقت علي رنة وصكرت

اصفطيهم مثل هالنوعية وارسلي لهم رسايل " ابو رنة مايشوفش الجنة "

كرهيني اللي مثل كذا لو كانت مرة اوووكي بس اللي يجونك مرة مآخذين الشغلة حلى
ارسل كول مي يمكن تهون

اقتباس:

	تبيني اكلمها من يومنا بالجامعه وهي ماخذه عني فكرة اني كاش وبنت نعمه مدري من زرع هالفكرة براسها

عندي فاتورة ماودكـ تسددينهآ لي

بالنسبة لي ذي الايااام معا هالدوام صرت اطنش الجوال وماااصير اشغله الا بالـ اوفااااات يعني في الاسبوع حسنة
حتى اني افكر استغني عنه واصير اول سعودي بدون جوال

اقتباس:

	مسكين مدري وش بيطلع هالولد هو والجيل اللي معه فتحت mbc3 إلا ولقطات وسخه !

ياحليلهم اللي يشتغلون في هالقناة مسوين قمة البراءة ,, صايرة عندي افلامهم احلى من
ام بي سي تو ,, بس وشهو له الظلم عندهم توم و جيري وش حليلهم بس يخربون
بللقطات القطوة " انثى القطو

" يعني لزززوم حركات حتى في توم وجيري

ام حقين قناة (اجيال) والله انهم تحف واحد مسوي عضل واحد مايتروش الا بـ جيل الشعر
وذيك مايعجبهآ الا لما تطق ذآآكـ المكيآآج وضروسهآ تسنها طلقة رشاش عيار خمسين

وغييير تتميلح باقي يحطون لها اغنية " العنب العنب العنب " مدري عنهآ كل شوي وتهز بخصرها
مدري وش بلاء هالبنية

ودي أدق عليهآ وتميلح وقول معك الشيخ الفلاني اغديك ,, بتستر

||

اقتباس:

	خلصنا من التفزيون وبادخلّكم الحين بمعمعة الشوارع

من جد الدنيآ معد هي مثل اول زمااان طريق كورنيش الخبر اللي يبي يجرب قوة موترهـ
يروح فيه من الفضاوة ,, اللحين لله ياكافي يالله امشي وترص فرمل وخاصة اني محاتسيكم
اكل في هالحوادث لما قال بس وصرت اخااف اني اسررع من باب الركادة زينة

خاااصة لما انزل الرياض واسمع واحد(ن) يفحط بالشارع الثاني على طول اخش في اقرب رصيف
كله خوف مايجي يصدمني ,, نعنبوا قلوبهم ذولا اللي يفحطون وش القلوب اللي عندهم
يازين شقراء والبدااوة كلهم دداسن و جيوب ربع حقين أبل بس

ولا جدة حلفت اني معد اطلع بموتري هنآآك كل ماارحت هناك لازم اغيير قطعة مرة طايح بحفرة
ومرة مكسر الشارع ويقطع كفرك

فيه مناااطق على طريق الشمال شبابهم همج وشكالهم تخووف ,, تتفأجيين بمطبات قدامك
وتركبينهآ وبعد ماتركبي المطبات تجيك لوحة مكتوب " هههههه خلفك مطبات "

اقتباس:

	نجي الحين للمنتديات

ويقول اجتهدت وكتبت

آحيييه لو فييه تفجييرات بعد كان قامت القيامة بالمنتديات

|||
|||

STOOP << يعرف يحتسي انقلش

قايلك من اول موضوعك طووويل يبيلك توقفي وتعبي وتمشي
هذي المحطة الاولى نوقف ونعبي ونرررجع

لي بااااااااااااااااااك << فيه خمة نووووووووووووم

[/ALIGN][/CELL][/TABLETEXT][/ALIGN]

11-12-2009, 11:38 AM	#2
~~ملف ضآيع~~ موقوف	رد: رحلة نقاهه إلى المريخ مع طوق الياسمين [ALIGN=CENTER][TABLETEXT="width:70%;"][CELL="filter:;"][ALIGN=center]وش ذا يآطوق وش افطرتي من صباآآح الله خير عيوني صغرت ونآ أقرأ ,, الفتي كتاب تاريخ روحي وحطية بقسم الكتاب وش هالزين يــ طوق غطيتي على حقين قبصني واقبصكـ انتي وهالموضوع موضوعك لمحت له لمحة بسيطة ,, مآتعرفين تسوين توقيت حآطه مووضوع عند صلاة الجمعة لي عــــــــودة لموضوعك لمحت فيه فصلااات واجد ,, ابروح اصلي وبعدها نجي نتغداء وبعدها يمكن نجي نخلخل اسنانآ بموضوعـك << ماعندهم فرشيآت بالبيت ودي اضحك والله اعجبتني صورة الهندي اللي في الاخير حسبي الله عليهم ابو هنودهـ في كل مكآن مسنترين وصلوآ للفضآء حتى عندهم مشروع متطوعين يودونهم الشمس على بالهم فيه ناااس بيطلعون الشمس طق طق دوووك لك انتي وموضوعـك الفآصل لي عـــــــــــــــودة [/ALIGN][/CELL][/TABLETEXT][/ALIGN]

11-12-2009, 11:39 AM	#3
~~ملف ضآيع~~ موقوف	رد: رحلة نقاهه إلى المريخ مع طوق الياسمين [ALIGN=CENTER][TABLETEXT="width:70%;"][CELL="filter:;"][ALIGN=center]نسيت اقلكـ مآفيه تفكير انك تغييرين لووون الخط [/ALIGN][/CELL][/TABLETEXT][/ALIGN]

12-12-2009, 02:59 AM	#7
~~مطفوقهـ~~ موقوف	رد: رحلة نقاهه إلى المريخ مع طوق الياسمين والله ماينفع ياطوق يطلعون للمريخ تدرين ليه انا اقولك ليه انزلي بس شووي تحت معليه بتعبك بس حركي الشحوم واللحوم 7 7 7 7 اللي معلق التيس ويصلخه وكله كوم وكوووووووم ثاني الحطب في الصاروخ >> تخيلي عاد واللي لابس فروه ذابحه البرد يلعن يومهم البرآد الاصفر باقي عايش و اللي يمدد الكهرباء من كبوت الصاروخ ههههههههههههههههههههه ولا يفوتكم زيت عافيه و الملح جنبه وقدر الضغط لا تعلييييييييييق لذلك ياطقطق شيلو فكرة المريخ من رووسكم بيكفي فضايح عالارض خخخ

المواضيع المتشابهه للموضوع : رحلة نقاهه إلى المريخ مع طوق الياسمين
الموضوع	كاتب الموضوع	المنتدى	مشاركات	آخر مشاركة
حرف من قلب الياسمين .!	الســرف	المنتدى الأدبي	17	03-12-2008 02:06 PM
عودة لمنتدانا الغالي بعد فترة نقاهه	طلال أبو ألين	مجلس بني عدوان	18	16-05-2008 10:52 PM
على سطح المريخ	علي المفضّلي	السياحة والرحلات العام	11	29-04-2008 03:20 PM
متى سنسكن المريخ!!!!!	سكون	منتدى الحوار	10	25-04-2008 09:04 AM
نساء من الزهرة.. رجال من المريخ	كنانة	منتدى الكتاب	6	21-02-2008 01:47 PM

12-12-2009, 02:27 AM	#6
الراس الصغير	رد: رحلة نقاهه إلى المريخ مع طوق الياسمين قايل لكم من أول تعالوا هاجروا الى الكواكب القريبه بس توكم تعرفون السبب انا هاجرت قبلك الى كوكب عطارد وبنت الوادي جت تدور لها اراضي عندي وطردتها شر طرده وقلت لها يالله توكلي على الله مالك مقريه عندي وراحت تدور لها كوكب أخر ووجدت كوكب الزهرة واستقرت فيه وصار معها نسيم السروات تحاوشها بالكوكب كله غبار وما اتفقنه الثنتين وتخارجنه في الكوكب وصار من نصيب بنت الوادي وصارت لحالها في كوكب الزهره تتفرج في التلفزيون وتضحك المهم انا قريب منك في كوكب عطارد اذا تبغين مويه والا قشرن والا دقيق اجيبها لك طيران كما ذيه ـــــــــــــــــــــــــــــــــــــ التوقيع لا اله الا الله أخر مواضيعي

12-12-2009, 03:05 AM	#8
&طيف&	رد: رحلة نقاهه إلى المريخ مع طوق الياسمين الله عليك يا طوق الياسمين هادي الأفكار ولا بلاش عن نفسي ودي برحله يوم 15/ 1 ميلادي أكون خلصت اختبارات تخيلي قاعدين نختبر دوري وبعدها بأسبوع بنبدأ النهائي غير تسليم الواجبات يا الله معونتك المهم احجزيلي بالتاريخ هذا أنا بس أبغى أطلع أسبوع وأرجع مالي غنى عن الكره الأرضيه ولسه ما حققت أحلامي فيها ورايه دراسه وبعد الدراسه ناوية عالسياسه والهجره إلى أمريكا وبعد ما آخذ الجنسيه الأمريكيه باشتغل عليهم هناك وأجمع أكبر عدد من الشعب في صفي ( أم الأيادي البيضاء ) أصلا بس بطالب بإلغاء الضرائب وكلهم بيوقفون بصفي بعدين بانتخب نفسي للرئاسة وأكيييييييييييييييد رح أفوز >>>>>>>>>> لا احد يحطمني خلوني أحلم وبعد جهودي الجباره بحول أمريكا إلى دوله إسلاميه واللي ما بيسلم بنفيه لإيران وبعدين بقضي على إيران ومن ثم ببدأ برؤساءنا وحكامنا الأفاضل باستلمهم واحد واحد وعالمحكمه الدوليه وما بعدم أحد بس بأفضي لهم مكان واحبسهم فيه سوا لحد ما ينعدلون ويتوبون وبعدها يصيرون من عامة الشعب آآآآآآآآآآآآآآآآآآآآآآه أحلامي كثيييييييره على المستوى السياسي مع اني ما أطيق الأخبار بس فيه أشياء بديهيه أي واحد يتمنى يغيرها أدري جبت لكم الصداع بس ودي أكتب اللي بخاطري يا زين الأحلام يا طوق ولو ان حلمي على قدي مو زييك ناويه عالمريخ ـــــــــــــــــــــــــــــــــــــ التوقيع اللهم ارزق والدي نعيم لا ينضب وملائكة رحمه تحيطه من كل جانب وبرزخ محمود ﻻ يمسه فيه عذاب ولا سوء أخر مواضيعي

12-12-2009, 03:38 AM	#9
الراس الصغير	رد: رحلة نقاهه إلى المريخ مع طوق الياسمين المهم انا قريب منك في كوكب عطارد اذا تبغين مويه والا قشرن والا دقيق اجيبها لك طيران كما ذيه [/COLOR][/SIZE][/QUOTE] اذا تبغين استشارات من كوكبي فتفرجي في الملف حق النداء وشوفي وش سويت في كوكب عطارد ماتعبت في حفر القواعد ولا صبيت صبه ولا جبت مليسين ولا بويه بس من استشارات الارض بس اضغطي هون واسترقي الملفات والمعلومات والرقم السري هوا اضغطي هون http://www.zahran.org/vb/zahran51687.html التعديل الأخير تم بواسطة الراس الصغير ; 12-12-2009 الساعة 03:46 AM.

الذين يشاهدون محتوى الموضوع الآن : 1 ( الأعضاء 0 والزوار 1)

رحلة نقاهه إلى المريخ مع طوق الياسمين

الإستراحة