|
|
|
|
|
 |
 |
 |
|
#1
18-09-2007, 01:03 PM
|
||||
|
||||
أن كيدكن عظيييم .... سبحان اللي سواكم ..
كان يا ما كان في قديم الزمان ………كان فيه أمراة عجوز قاعدة بروحها وفجأة طلع لها ابليس ………(يبى يتحرش ) العجوز خافت وسمت بالرحمن …قالها ابليس :أنتي يا عجوز هل تعتبرين نفسك داهيه؟؟؟؟ العجوز: نعم أنا داهيه ……….. والنساء عموما كيدهم عظيم أبليس: أنا أتحداك……..وبنشوف مين كيده أعظم …..المرأة ولا أبليس العجوز :خلاص أنا اسوي مشكله وأنت راح تحلها واذا ما قدرت أنا راح أحلها وراح أفوز برهان. أبليس:Ok راحت العجوز حق واحد من هالبطاليه اللي ما عندهم شغل ويا كثرهم وقالت أنا بشغلك عندي فترة معينه بس……. اذا تبي فلوس لا تتدخل ولا تتكلم .(وافق الشاب لأنه طفش من البطاله ويبي فلوس ). راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش العجوز: رخص يا بن الحلال … التاجر :اذا أنتي ما عندك فلوس أخذي شيء أرخص العجوز : ما أقدر ….لازم ولا يصير شيء ما صار التاجر :ليش ؟؟ …..لهالدرجه …..شسالفه؟؟ العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها وهو قالي أن عارضتي الزواج بأطردك من البيت وأمرني أني أشتري قماش غالي عشان يعطيها حبيبته ولا راح يطردني من البيت مع أن البيت بالأساس بيتي ولكني غلطت وكتبته بأسمه(العجوز تبكي) التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني العجوز طلعت مستانسه وقالت حق الشاب روح البيت بعدها راحت العجوز لبيت زوجة تاجر القماش وطقت الباب وطلعت الزوجة العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق . رحبت الزوجة ودخلتها وأكرمتها وجابتلها شاي العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت. الزوجة:حرام نست قطعة القماش …أكيد بترجع بعد شوي وتاخذها بروح أحطها بالدولاب.. تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة قطعة القماش وعرف أن المرأة اللي يبيها ولد العجوز هي زوجته يعني تخونه قام عليها وطقها وطردها بالشارع بالهدوم اللي عليها. العجوز كانت تنتظر هاللحظه في أخر الشارع فراحت لها تركض العجوز: وش فيك يا بنيتي ليش تبكين؟؟؟ الزوجه : زوجي طردني …وما عطاني فرصه أتكلم . العجوز: خلاص أنا بأوديك بيتي وأنا بروح أحل المشكله راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها . راحت العجوز للشرطه تبكي وتقول :كنت قاعدة في بيتي وفجأة دخل رجل ومعه مرأة وقعدوا ببيتي حاولت أطلعهم ما قدرت (أحتلوا بيتي ) ذهبت الشرطه وقبضت على الشاب والزوجه ….وقطوهم بالسجن. العجوز: ها ها وش رايك يا أبليس ؟؟ دورك اللحين حل المشكله أبليس : لا لا ما أقدر أحلها السالفه تشربكت مرررررررة العجوز: أنا راح أحلها وكأن شيء لم يكن . وراح أربح الرهان راحت العجوز تزور الزوجه بالسجن وقالت لها :أنتي ساعدتي مرة وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك. الزوجة:مشكووورة ….لكن أنتي ؟؟؟ العجوز: مالك شغل مثل ما طلعتك بطلع نفسي. تمت عملية الهروب بنجاح…. الوالي أمر الحراس يحضرون المسجونين عشان يحكم عليهم حضرت العجوز والشاب وقال لهم الوالي :ليش قابضين عليكم وشو مسوين؟؟ ردت العجوز:احنا ما سوينا شيء كنا قاعدين ببيتنا أنا وولدي ولا الشرطه طابه علينا وماخذينا السجن . عصب الوالي وهزأ الشرطه وما عطاهم فرصه يتكلمون ويقول:غلطانين وتبون تتكلمون.شين و قوات عين طلعت العجوز من الوالي مستانسه وعطت الشاب فلوس وأنهت خدمته عندها. راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه وقالت خذ قماشتك لأن ولدي سافر هو و زوجته الجديدة. رجع التاجر زوجته وتأسف منها و راضاها بعد. العجوز : وش رايك يا أبليس أنا فككت السالفه سهله أبليس :أنتي ربحتي ….يما…يما……يما أن كيدهن عظيم ما يستفاد من القصة : - أذا في يوم صرت تبيع قماش , لا تجيك وحدة عجوز وتعطيها وجه , بتلعب عليك . بس البنات عطهم وجه لأنك تقدر تلعب على اللي جابتهم .خخخخخخ - أذا أنتي بنت وتزوجتي بياع قماش , لا تفتحي الباب ألا أذا عندكم عيون سحرية . - لا تنسدح بالصالة على الظهريات وفي عيال بالصالة . يمكن تروح عليك نومة وأحد من العيال يدعس عليك . - حاول أنك تتجنب أستخدام الجوال أثناء القيادة . يمكن أنا أكون ماشي وراك وأنقهر . عابرأحمدسرير |
 |
 |
 |
|
|
|
|
|
18-09-2007, 04:10 PM
|
#2 |
|
شاعر 
 |
هههههههههههههههههههههههه عابر .. ياعابر فرات موضوعك الآنف الذكر بعاليه .. واستنتجت التالي .. كل هذا من التفكير في الزواج ؟سوالك حساسيه من الدرجه الثالثه وألهب أبو سحايا المخ عندك لدرجة الغليان ؟؟  والا هو من الصوم وآثاره الناجمه على الإبداع الفكري في الفتره مابين القيلوله وغروب الشمس في الفتره الراهنه ؟؟ ماعليك عبوري ..  أعرف طبيب شعبي مشهور حائز على الزماله من شرشورة جده .. ممكن يريحك من كل الأعراض والآلام اللي تعاني منها .. والناجمه عن العزوبيه المفرطه والغير مقننه لديكم .. وصدقني .. عمر ما أحد اشتكى منه بعد ما يعالجه  ولو حبيت تمشي الحال خلال هذي الفتره الحرجه والمؤلمه في نفس الوقت بزواج المسيار .. فممكن جداً جداً نتقدم للمسؤلين ونلتمس لديهم النظر بصوره إستثائيه لحالتكم الإضطراريه .. ونشوف لك وحده كذا سريع سريع من حارةالكرنتينه والا من حارة الثعالبه بجده.. لتوفر نوعيه جيده من النساء العاطلات الجاهزات الشاغرات وذوات الصفات الممشيه للحال المستعجل على صيغة وفورمات ( كل فطير وطير ) .. وكل هذا من قلبي عليك .. .. ياحبة عيني ياعابر سرييييير أهي أهي أهي آآآآآآآآآآآآه ... لأني مريت بنفس الاعراض الشديده اللى تمر فيها حالياً ونفسي انتشلك نشلاً مؤزراً من النكسان العصبي اللي تعانيه وأفزع لك فزعه محترمه يتكلم عنها كل المنتدى .. ياعابر يابن سرير  قصة العجوزه حلوه .. بس .. بليفمي مانستني شخصكم الكريم وما تمرون به من فترة عصيبه عليم بأوضاعها المستجده....  رد عليه وطمني ياعابر ...  |
|
|
|
|
|
|
|
|
|
|
18-09-2007, 04:26 PM
|
#3 |
|
الإشراف العام
|
رغم ان الموضوع يستحق وقفة جادة لاخذ العبر
الا ان عابر وهريري نسونا المهم وقلبوه نقد ساخر واجادوا وضحكونا اضحك الله سنيهما....مدري راكبة كذا ولا لا الف شكر وتقبلوا عاطر التحايا |
|
|
|
|
|
|
|
|
|
|
|
18-09-2007, 04:33 PM
|
#4 |
|
عابر
الله يسهل لك معبر للجنة قل آمين هههههههههههههههههههه |
|
|
|
|
|
|
|
|
|
|
|
18-09-2007, 05:14 PM
|
#5 |
|
عضو متميز
|
عابر
الله يوفقك ويسعدك وانت بعد ياهريري |
|
|
|
|
|
|
|
|
|
|
|
18-09-2007, 05:26 PM
|
#6 |
|
هههههههههههههههههههههههههههههههههههههههههههههههههه هههههههههههههههه
|
|
|
|
|
|
|
|
|
|
|
|
18-09-2007, 07:59 PM
|
#8 |
|
[مشرف سابق]
رئيس فريق التحرير والنشر [اللجنة الإعلامية] 
|
[glow=#000000]يعطيك العافيه
قصه رائعه ان كيدهن عظيم [/glow] |
|
|
|
|
|
|
|
|
|
|
|
18-09-2007, 08:08 PM
|
#9 |
|
تسلم اناملك ياعابر ........بس دو دايم البنات ينضحك عليهم هههههههههههههههههه
|
|
|
|
|
|
|
|
|
|
|
|
18-09-2007, 09:12 PM
|
#10 |
|
ههههههههههههههههه
<<< من جد عابرسرير البناات ياكثر ماينضحك عليهن0000 يسلموووو عالطرح المررررررح000 تقبل تحيتي*** <<< ولاتنسى تباركلي عالاســــــم الجديد0000 |
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : أن كيدكن عظيييم .... سبحان اللي سواكم ..
|
||||
| الموضوع | كاتب الموضوع | المنتدى | مشاركات | آخر مشاركة |
| سبحان من صورك | اسيرة البعد | الشعر المنقول | 2 | 02-05-2008 08:05 AM |
| صبيان بني فهم ((شكر خاااااااااااااص)) | فهد سعود الزهراني | مجلس دوس بني فهم | 7 | 28-04-2008 10:11 AM |
| سبحان الخالق !! | قلم صريح | الإستراحة | 4 | 08-02-2008 03:53 AM |
| اللي يقدر يسكته هذا الطفل له اللي يبي......... | العريفي8 | الإستراحة | 9 | 20-10-2007 08:41 PM |
| سبحان الله | الجنتل | الإسلام حياة | 8 | 31-07-2007 08:12 PM |
