اخطأت يا ايلي .. فمكانها جبين ابوثنين ..!!

[قلبي كبير]

--------------------------------------------------------------------------------

.. السلام عليكم ..

.
.
.

أول شي هاردلك الخسارة ولاهي نهاية العالم يا جماهير الوفاء ..
تظل مباراة وخسرناها وقدر الله وما شاء فعل ..

ثاني شي واللي دفعني لكتابة الموضوع هو نغمة الوطنية الرنانة واللي ماشي سوقها هاليومين في الشارع الرياضي السعودي عامه والهلالي خاصة ..!!
وطبعا ً ماهمني كونه هلالي لكن اللي يهمني هو كون هالوطنية ماتطلع إلا قدام النصر !!

حقيقة قبل ما ابدأ في شرح وتفصيل الموضوع يحز في خاطري النقص في عقلية بعض مشجعين نادي الهلال وهم من هواة التطبيل وقاعدتهم في الحياة مع الخيل ياشقرا .. إلا من رحم ربي !!
لما يجيك شخص ويسب النصر ويمدح ويمجد في كل ماهو هلالي تلقاه بشكل يكسر الخاطر مدرعم ايه كلامكم صح اصلن النصر وع !!
ومن هذا المنطلق راح أكون حقاني وأشرح الموضوع من كافة جوانبه ولا راح أخذ اللي ابي واترك اللي مابي عشان اخدم مصالح فريقي ..!!
فريقي خسر نعم .. يستاهل الخسارة نعم .. لكن هل اللي حصل اليوم يتعلق بالفوز ولا الخسارة ؟!

كلنا شفنا الاحداث والمهزله اللي صارت في مباراتنا ضد نادي الوصل الاماراتي ..
والمفروض اول شي يخطر ببالك كمشاهد نصراوي او سعودي او وطني !!
هو وقت حدوث الشغب في الملعب ..؟! الجواب بمنتهى البساطة كان لما النصر فايز في المباراة !!
يعني بالعقل وبالمنطق انا فايز استفزهم ليه ؟!
طيب ولما نبي نستفزهم مافيه إلا طبيب النادي يقوم بهالمهمه خخخخخخخ ؟!

طيب احداث وصارت في مباراة وقضينا ..

يطلع لنا الشاب اللطيف فيصل ابوثنين ويقول لا انتم اللي غلطانين
يا سـاتـر لاحظو انه ما شاف المشهد من بدايته واطلق الحكم الغير قابل للإستئناف
حصل مكالمه بسيطة طريفة جميلة من الوليد بن بدر
عشان يناقش الرجال في رأيه بما اننا نحترم الاراء حتى لو كانت ضد الوطن !
ومن مبدأ انه كان يعتقد انه يكلم شخص فاهم وممكن تقنعني او اقنعك صار ياخذ ويعطي معه ..

فيصل : الاخصائي اخطأ بإستفزازه للجمهور ..
الوليد : يعني انت تتوقع النصر فايز وهو يعالج لاعب بيلتفت على الجمهور وبيتكلم هو قاعد يعالج لاعب !!
فيصل : اللقطه طلعته يلحق واحد بيضربه !
الوليد : طبيعي بيضربه لأنه قد انضرب قبل
فيصل : انت النتيجة لصالحك تتحمل وتمشي الامور
خالد جاسم : بس قاعد يدافع عن نفسه يافيصل !!
الوليد : ياطويل العمر انت لو يقوم يرفع العقال عليك عليك وش بتسوي ؟!
فيصل : لا بقوم اسلم عليه <<< هنا انقفط البطل المغوار ههههههههههههههه

طيب ياخوي من البداية دامك ماترضى هالشي على نفسك وشوله ترضاه على غيرك

طبعا ًَ هالشي ما يقلل من قيمة ابوثنين و وطنيته
صحيح انه ناقض نفسه بنفسه بس ولو ذا هلالي
صحيح انه أثبت انه بليد جدا ً ومتناقض جدا ً وغبي جدا ً بس ولو
صحيح انه اعتذر لأخواننا الاماراتيين عن احداث المباراة مع انهم هم اللي اعتذروا
لكن ابو ثنين يأبى خخخخخخخخخخخ
ياشبه اليوم بأمس ؟!
امس متهاوش مع الاماراتيين في المجلس ليه تغنون على ياسر وسب ولعن !!
واليوم يعتذر لهم لأنهم طقو طبيب النصر ههههههههههههههههه
ياربي ارحمني من عقولهم

بس نرجع ورا بذاكرتنا شوي يوم البطولة الاسيوية الاخيرة يوم مباراتهم مع الاهلي الاماراتي
يوم ينطرد ياسر ويغني عليه الجمهور الاماراتي .. هنا الوضع يختلف

ليه تغنون عليه ؟ ليه تسبونه ؟ وفوق هذا كله كلامكم عنصري
يابني ادم وش دخل العنصرية ؟ لا هذي عنصرية .. هذا هلالي ترا خخخخخ
طيب يابن الناس الجماعة ضاربين الرجال وطابين عليه لا هو مخطي المفروض يسكت
طيب يا ابن الحلال هذي حادثة اجتماعية مالها دخل بالعنصرية .. لالا ولو استرو على الرجال !
طيب كلامكم حلو بس ليه ماتطبقونه على انفسكم اول
كلنا نتذكر حادثة الكابتن سامي الشهيرة في الطيارة
من اللي فضحه فيها مهوب الاعلام الهلالي من اللي قال ان سامي فاقد بالطيارة
مهوب الاعلامي الهلالي عيد الثقيل في مقالته طيش وطاش سامي ولا انا غلطان ؟!
طيب كلامكم حلو نستر على اخواننا المسلمين ليه ماسترتو على سامي ولا مهوب مسلم ذا بعد ؟
(( اللهم اني لا اسألك رد القضاء ولكني اسألك اللطف فيه ))

ويجونك مطفين النور ماشين مليونين لقد ألجمتهم يا أبا إثنين !!
يجب ان نرى حلا ً لهذا الوضع لأن الدعوى مصخت !!
المضحك المبكي في الأمر وعلى الرغم من التناقض الواضح في عبائة الوطنية انها ما تبين
في كل مايخص النصر لكن اي شي للهلال علاقة فيه لا هنا يختلف الموضوع
ومن بكرة بنشوف الحملات الاعلامية الهلالية على النصر ومع ابوثنين وتبدأ مسرحية
مضحكه الضحيه فيها هو جمهور مغلوب على أمره مع الخيل يا شقرا !!
احيانا ًمن قوة العزف على وتر الوطنية تحس ان مؤسس ناديهم كان مع العشرين رجال اللي دخلو الرياض مع الملك عبدالعزيز

طيب وش مقياس الوطنية عندكم ليه تتهمونا اننا محنا وطنيين وانتم قمة الوطنية ؟
يقولون لك وبكل قوة وجه وبجاحه نضرب لك مثال ليه لأ لأننا نحب الواقع ولا نتكلم الا بالواقع !
انتم ما اعترفتو ان الهلال نادي القرن خخخخخخخخخخخ !!
طيب يا جماعة الخير حنا مالنا دخل في الهلال ولا لنا علاقة فيه بسلامته عسل على قلوبنا
حلال عليكم ولو يظل أسمكم سعوديين بس الجهه اللي عطتكم اياه مهيب رسمية ولاهو معترف فيها واذا دقيت عليهم ترد عليك شغاله واعطو الاهلي المصري لقب نادي القرن ويوم مادفع لهم سحبوه منه واعطوه نادي ثاني عادي الحياة حلوة
بينما لما تقول لي الاهلي المصري نادي القرن في افريقيا اقولك يستاهل .. لأن الاتحاد الافريقي بنفسه منحه هاللقب وهو الجهة الرسمية والمخوله لمثل هالالقاب !!

فـ لما تجي ترد عليهم وتقولهم طيب انتم تقولون ان النصر مايستاهل يتأهل لبطولة اندية العالم
يقولون لك اها لا هنا يختلف الموضوع .. اصلن البطولة تجريبية هههههههههه
ويجيك الجمهور المدرعم وخذ لك تعزيز هههههههههه
يا جماعة الخير وش اكبر جهة كروية معتمدة في العالم ؟
اعتقد انه المفروض انها الفيفا اذا انا غلطان صححو ملعوماتي ؟!
طيب الفيفا مسجله عندهم انها بطولة رسمية ..!
لالا حتى ولو .. طيب ياجماعة الخير حتى لو كلامكم صحيح عززو لنا شوي بما اننا
نمثل الوطن خارجيا ً .. هاه لا ذي مالها دخل بالوطنية هههههههههه
اجل وش اللي له دخل بالوطنية

طيب عزيزي المشجع الوطني .. ما سألت نفسك ليه الاعلام الهلالي وبعد 10 سنين
من تأهل النصر لهالبطولة وهو مازال يكتب عنها ؟!
يارجل حنا نسيناها وانتم الحين الحين عت ولجن فيها
صحيح اننا تأهلنا وانتم مازلتم تحلمون
صحيح اننا لعبنا مع ريال مدريد وانتم مازلتم تحلمون انكم تفوزون على ام صلال
بس وش ذنبنا حنا طيب والله العظيم مالنا ذنب باللي قاعدين تحلمون فيه !!

طيب عزيزي المتابع النصراوي ما سألت نفسك سؤال ؟
على الرغم من ان فريقهم توه محقق بطولتين وحنا طالعين من كل البطولات الى الان
ومع انهم فايزين اليوم وحنا خسرانين .. ومع ذلك يدورون اي فرصة انهم يمجدون في
هلالهم على حساب النصر ليه ؟!
يعني المفروض التلميع في الهلال يكون على حساب الهلال نفسه وانجازاته بس ليه دايم
النصر تفرد له المواضيع وقضية المؤامرة الشهيرة خخخخخخ
ليه حنا وع وهم حلوين ؟ ليه اكبر همهم تقييم اخضر هههههههههههههههههههه
ليه يستغلون اي فرصة عشان يتدخلون في شؤون البيت النصراوي ؟!
المسألة ترا مهيب في الاعلام وبس لا !
ولا في المنتديات وبس اكبر همهم النصر لا !
يارجل وصلت بهم ان رئيسهم بكبره داخل بيوزر انتحاري لكحيلان في البالتوك عشان يسمع وش يقول ههههههههههههههه

ماسألت نفسك ايها النصراوي مهما وصل الهلال ليه انت عقده له ؟
اذا بغيت تعرف الجواب اسأل اي هلالي ويعلمك ههههههههههههههههه

[ابو عبدالله العمري]

مدني وابو اثنين يصطادون في الماء العكر وموقفهم مخجل ومخزي

لو الاتحاد او الهلال تعرضوا لنفس الموقف كان شفت مدني يصايح عليهم.. يبويا... يبويا

وابواثنين يدافع عن الهلاليين ولو هم مخطين ..

ولكنه النصر ياسيدي ولذلك لن يقف مع النصر الا عشاقه فقط...

شكرا

[من انا]

انتم هياط منتديات بس

[أحمد العدواني]

فيصل أبو ثنين ذو تاريخ أسود للأخلاق والسلوك في الملاعب ومثله آخر من يحق له الحديث عن مثل تلك الأحداث

لا اتألى على الله .. لكن والله لو حصلت تلك الأحداث للهلال لرأينا منه موقفاً مغايراً وسبق له وفي المجلس أن استنكر هتافات بعض الجماهير الإماراتية على ياسر

كما لم نسمع له رأياً حين بصق التايب على جمهور الوحدة ولا حين هتفت جماهير الهلال ضد الإتحاد وكان وقتها يحلل بالقناة السعودية

فسبحان الله كيف تتلاعب الأهواء والعواطف بالبعض

[أحمد العدواني]

العضو من أنا

لست بملزمٍ بالتعليق على المواضيع التي لا تروقك

ردك دون أي إضافة قيمة .. وفيه تجاوز على أعضاء آخرين .. وعليك احترام القوانين والشروط والتقيد بها

[قلبي كبير]

اقتباس: المشاركة الأصلية كتبت بواسطة من انا      انتم هياط منتديات بس

من اقوال الامام الشافعي رحمة اللله عليه :


لا تجادل الأحمق فقد يخطئ الناس في التفريق بينكما
لا آفة على العلوم وأهلها أضر من الدخلاء فيها وهم من غير أهلها
فإنهم يجهلون ويظنون أنهم يعلمون ، ويفسدون ويقدرون أنهم يصلحون

[من انا]

اقتباس: المشاركة الأصلية كتبت بواسطة أحمد العدواني      العضو من أنا لست بملزمٍ بالتعليق على المواضيع التي لا تروقك ردك دون أي إضافة قيمة .. وفيه تجاوز على أعضاء آخرين .. وعليك احترام القوانين والشروط والتقيد بها

عجبين والله انتم ماخليتم هلالي مانهشتم فيه هذا ساذج وهذا مترزق وهذا صهيوني
مشكلتنا عاطفين زياده ع اللزوم لو ياخوي احمد تركز شويه وتشيل التظاره الصفراء بتحصل 100 كلمه
تجريح في كل هلالي ولا اجد هنا بالذات اي حقوق للهلالين واذا مشينا نفس دربكم اقمتم الحد
انا معاك ان كلامي غلط ولا غبار عليه
بس ياحبيبي اول نقطه العنوان وش يقصد مو اسئاهـ لفيصل ابو اثنين
اجل يقول مكان البصق جبين ابو اثنين وين الحياد لو قلت نفس الكلمه انا وحطيت بدال ابو اثنين رئيسكم فيصل بن تركي وش بيكون رده فعلك ؟؟؟؟؟؟؟؟؟؟

[العود الازرق]

نعم ان تسكت على الوطنيه النصراويه فانت ضدهم 00سيكون لي رد كامل على هذه التجاوزات من الوطنين النصراويين 000نعم الوطنيه نصراويه واما غيرهم فلا000
نعم لقد تذكرت وبعد هزيمة الجار و مداخلة المحلل أبو ثنين
كلمة رئيس الولايات المتحدة بوش قبل عدة سنوات عند ما قال أما آن تكون مع أمريكا أو ضدها
ولا يمكن آن تكون محايدا
وهذا ما حصل لا أبو أثنين عند ما حاول آن يبدي وجهة نظره المحايدة
ويوضح بعض النقاط في سياق الأحداث
إذا مستقبلا سيكون القلم النزيه على خطر
وهل يأتي اليوم الذي تقف الأقلام مع المخطئ مخافة شره
نحن في الهلال يتعرض نجومنا ونادينا لتجريح والإساءة ولم نرى ردة فعل من شتم وسب من هذا القبيل لأن الزعيم يفرض
نفسه بنفسه وليس في حاجة لأبواق كهذا
ولقد شاهدنا التناقض العجيب في من يطبلون بأن حب ناديهم تعدى الحدود إلى الدول الشقيقة كيف في الأمس جردوا شعب كامل من إنسانيته وجنسيته بسبب أن قلة من جماهيرهم انتصروا لكرامتهم أمام إساءة من ينتسب لنادي الجار ورفضوا الإهانة
ونعيش ونرى العجب 000000 حتى الحكم يكذب في تقريرهم عندما ادانهم
http://www.alittihad.ae/details.php?id=18324&y=2010

[ملف ضآيع]

[ALIGN=CENTER][TABLETEXT="width:70%;"][CELL="filter:;"][ALIGN=center]

اقتباس: المشاركة الأصلية كتبت بواسطة أحمد العدواني      فيصل أبو ثنين ذو تاريخ أسود للأخلاق والسلوك في الملاعب ومثله آخر من يحق له الحديث عن مثل تلك الأحداث لا اتألى على الله .. لكن والله لو حصلت تلك الأحداث للهلال لرأينا منه موقفاً مغايراً وسبق له وفي المجلس أن استنكر هتافات بعض الجماهير الإماراتية على ياسر كما لم نسمع له رأياً حين بصق التايب على جمهور الوحدة ولا حين هتفت جماهير الهلال ضد الإتحاد وكان وقتها يحلل بالقناة السعودية فسبحان الله كيف تتلاعب الأهواء والعواطف بالبعض

مبروك الخسارة قصدي هاردلك

اجل ابو اثنين ملفه اسود ,, مرة يبو حميد مسنتر عند ابو اثنين وتطرد وراهـ
والله جنن فيكم ابو أثنين ,, وافصلوا عنهم الصفر ,,,

قايل من الالف نصراوي تحصل واحد فاهم ويتكلم بالحقيقة ,, حتى كتابكم ولا واحد يتكلم بالحقيقة
الا عيشوا الجماهير ورفعوهم فوق وعيشوهم احلام ,, صحيفة كاملة حتى السباكين اللي فيها صاروا
يدقون ولهم الشرف طبعا يكلمون ابو اثنين
بندر الدبيخي واللي بعدهــ فهد الفارس والله فششششششششششيلة


هاردلكم قايل من اول مب متعودييين على الخسسسارة انتم دايمن البطولات في انتظاركم
والدوخي مستعجل كان يبي المنصصصة


يبو حميد أبو أثنين أعتبرتموهـ مباراة لوحدهـ نسيتم المباراة و نسيتم الهزيمة ونسيتم الضرب ورحتم
لــ أبو أثنين ,,, والله ولعب فيكم ابو اثنين ولعب في اعصابكم



" اذا حكى غصـــبــ(ن) يسكتون ,, لانه يتكلم بالحقيقة وليس طعن في شخصية "


يحفظك ربي من كل شر يبو اثنين
[/ALIGN][/CELL][/TABLETEXT][/ALIGN]

[السلطانة]

شكل قصة النصر مع الوصل بتنتهي وقضية الحقد الهلالي على كل عالمي ماتنتهي

الله يستر وش التالي من ذا كله............؟؟؟؟