لاتحلـــــــــــــــــــــــــــف

[تخيل من انا..؟]

السؤال :

ما القول في قوم اعتادوا على الحلف بالله، واتخذوه مؤكّدًا لكل قول يقولونه، سواء كان مهمًا أو غير مهم ؟

الجواب :

لا يجوز الإكثار من الحلف؛ لأن ذلك يدل على الاستهانة به وعدم احترامه، وقد قال تعالى : { وَلا تُطِعْ كُلَّ حَلَّافٍ مَّهِينٍ } [ القلم : 10 . ] .

وفي الحديث الصحيح : أن من الثلاثة الذين لا يكلمهم الله يوم القيامة ولا يزكيهم ولهم عذاب أليم : رجلاً جعل الله بضاعته؛ لا يشتري إلا بيمينه، ولا يبيع إلا بيمينه .

وقد ورد في تفسير قوله تعالى : { وَاحْفَظُواْ أَيْمَانَكُمْ } [ المائدة : 89 . ] ؛ يريد : لا تحلفوا؛ فهو نهي عن الحلف إلا عند الحاجة وفي حالة البر والصدق .

أجاب عليه العلامة صالح الفوزان غفر الله له



المصدر


......................




السالفه اني قريت مسالة كثرة الحلف ..

وقريت هذي التحذيرات !!

جلست اتامل في كلامي ...

واحصيت نص كلامي ..


70% حلف بدون سبب

مثلا : والله عطشان .. والله جيعان .. والله احس بدوخه .. والله ماعندي احد .. والله السياره خربانه .. والله الكفر منبشر .. والله ثيابي يبغالها كويّ ..

والله طـــفران .... والله طفشان .. والله مريض ...

في بعض الاحيان اقون من النوم >> اقول وربي ظهري وجعان
المفروض اقول : الحمد لله الذي احيانا بعد ما اماتنا واليه النشور ..

خلاص اللسان تعود على الحلف .. وخاصة اذا جيت ابرهن .. !

30% سوالف ..

هذي السوالف >> اغلبها نكت وقصص .. !!

قررت من يوم قريت التحذيرات ان اعدل كلامي بدون حلف ..

والحمد لله نقلصت النسب الى 30 >> ما بقي الا احداث المباريات هههه

وان شاءالله انا ناوي ان ازيل الحلف في كلامي كومبليت ..

.............


الاسئله

ليه نحلف على اشياء ماتحتاج الحلف ؟

هل المبالغه في الحلف فيه نقص في الشخصيه ؟

هل فكرة ان تهجر الحلف ؟



أرجو منكم التفاعل ^^

[ابو مشعل الحريري]

اخي الكريم الله يعطيك العافيه وشكراً لك على هذا الطرح المميز والهادف وجزاك الله الف خير
ووجهة نظري ان الناس تختلف من شخص لاخر وكلً حسب نيته وحسب اسلوبه وتعامله مع غيره ولعل المجتمع او البيئه التي يعيش فيها تكون سبباً في ذلك وقد يكون جهلاً منه وعن حسن نيه كما اسلفت وهناك اسباب كثيره المهم ان الحلف مثل ماتفضلت في طرحك لا يجوز الاكثار منه 0
واسال الله ان يسددنا واياكم وجميع المسلمين في الاقوال والافعال واسئله ان يرينا الحق حقاً ويرزقنا اتباعه ويرينا الباطل باطلاً ويرزقنا اجتنابه 0
خالص الود والتقدير والاحترام 0

[تخيل من انا..؟]

اقتباس: المشاركة الأصلية كتبت بواسطة ابو مشعل الحريري      اخي الكريم الله يعطيك العافيه وشكراً لك على هذا الطرح المميز والهادف وجزاك الله الف خير ووجهة نظري ان الناس تختلف من شخص لاخر وكلً حسب نيته وحسب اسلوبه وتعامله مع غيره ولعل المجتمع او البيئه التي يعيش فيها تكون سبباً في ذلك وقد يكون جهلاً منه وعن حسن نيه كما اسلفت وهناك اسباب كثيره المهم ان الحلف مثل ماتفضلت في طرحك لا يجوز الاكثار منه 0 واسال الله ان يسددنا واياكم وجميع المسلمين في الاقوال والافعال واسئله ان يرينا الحق حقاً ويرزقنا اتباعه ويرينا الباطل باطلاً ويرزقنا اجتنابه 0 خالص الود والتقدير والاحترام 0

اكيد انو لناس تختلف من شخص الا اخر . وانا اققول انو يوجد كثير يحلف من صدق نيته واخلاصه ..

ولاكن اريد ان نبعد عن ذالك..

كل الشكر لك ولمرورك ..مودتــــــــــي..

[فهد سعود الزهراني]

بارك الله فيك اخي

الحلف سببه الاول والاخير انتشارة بين الناس وبالتالي اصبحنا من صغرتنا نسمعه بين الناس في المجالس ومن الاباء والاخوان فكان لابد من التأثر والسير على خطاهم ولكن المطلوب منا فعلا هو تركه او التقليل منه قدر المستطاع ويكفي التحذير الشرعي الذي سقته اخي الكريم
من التمادي في هذا الجانب

بارك الله فيكـ

[يحيى محمد الزهراني]

معضله كبيره الحلف صار عند الكثير عبارات عاديه شبه يوميه
وانا اعتقد انها من اللغو حيث انها تصدر بغير قصد
ولكن الاجدر بنا ترك الحلف ومحاولة ان لا يكون
الحلف مخلوط بكلماتنا اليوميه
تقبل مروري
وتحياتي

[جرحي عميق1]

اقتباس: ليه نحلف على اشياء ماتحتاج الحلف ؟ هل المبالغه في الحلف فيه نقص في الشخصيه ؟ هل فكرة ان تهجر الحلف ؟

1-والله انا مثلك تماما صارت عادهـ فيني والله يستر وان شاء الله نتركها.
2-في ناس تعتبره مثل ماتقووول بس يمكن تأكيد.
3-انا الصراحه توني افكر ويعطيك العافيه على تبيهي.

[سفير العظماء]

المصيبة لو حاولت انك ما تحلف الناس يحسبونك يا تكذب او تمزح ما ادري ليه , عموما انا حاولت بعدة طرق

وحاولت اغير اللفظ الى لفظ متداول لكن ماله مدلول بالنسبة لي

وهو علي الحرام


يعني لما اقول علي الحرام اني جيعان وش معناة اول جزء من الجملة ؟؟

ماله معنى ومااعتقد انها نوع من الحلف صح انه تحريم لكن السؤال وش احرم .... لاشئ.

فقط جملة . اعلم انها ايضا خاطئة لكنها اخف وطئة من الحلف