إذا سلمت ناقتي ما علي من رفاقتي

[ولدعشفل]

. أمس جاني خبر بأن هناك متعدين في الاراضي في الديرة .
طيب : احنا السفرية نشتغل برا ، وياغافل لك الله . وغيرنا هناك يمتر في اراضي القبيلة اللي احتماها جدي وجده وجدك ويقتطع منها على كيفه لصالح نفسه ولأولاده فقط .
طيب ، الأرض ماهي لنا جميعنا . ليه واحد يمتر فيها ويقتطع على كيفه ، والباقين ساكتين . العملية فيها بيعه اذا .
اليس من حق كل منا ان يقتطع مثل مايقتطع فلان وعلان ؟؟؟
اليست هذه ارض القبيلة ولا لأحد عليها صك او وكالة ؟؟
أخواني :
لن يصلح الحال الا بأن نتعاون معا ونقف صفا واحدا نحن ممن يريدون حقوقهم التي يسلبها الغير أو يعتدي عليها آخرون في غيابنا ودون علمنا ،
والنظام والشرع بيننا وبينهم ، نرفع ونطالب ، ونتقدم للجهات بمطالباتنا وإعتراضاتنا . ومن يخالف الأنظمة سواء في التعديات أو المعارضة للمصالح فبيننا وبينه الشرع والجهات . وخذ حق وأعطي حق.
أما قولة نظام جماعة ، والا عزير ، والا قطعه ، والا قرارات مجلس والا لجنة ..... فهذه تصرفات غير نظامية اطلاقاً وقد ولى وانتهى زمانها - وممنوعة تماما – وهناك مسؤليه قانونية على من يطبقها أو يتعامل بها.
ولا تنتظروا كبير او صغير ان يدافع عن حقوقنا او عن ديرتنا لأن كل واحد يقول ، ليش انا اخذ الشرهة والمنقود عنهم والا عن غيرهم ؟ .
ولا تنتظروا جهة أن تقدم خدماتها دون مطالبة او متابعة ، والأمور الآن تؤخذ بالنظام والمتابعة .
مرة أخرى ، الحل بيد كل واحد منا ، وليس بيد " الجماعة " أو " اللجنة " الذين نسمع بهم ولا نراهم .
و ..... قوم تعاونوا ماذلوا . ،،
بالنسبه للتعديات فهذي من زمان يعني اكثر من عشر أو خمسة عشر سنه والله يعني لا تنتظروا ما يسمى بلجنة القبيله لأنها لو بتتخذ إجراء كان من زمان سوته لكن الظاهر إنها لجنة ماعندك أحد........
لو ان المعتدي على املاك القبيله شخص واحد قلنا معليش يمكن ما شافوه لكن العدد تعدى اكثر من عشرة أشخاص وبصراحه فيهم ناس عندهم دراهم وناس لهم كلمه عند الجماعه وهذي اعتقد أنها من الأسباب اللي خلت الناس تسكت عنهم. لكن وش ذنبي انا وغيري اللي لا دراهم ولا رأي لو واحد فينا سواها قامت الدنيا عليه وخذ من العزير والتشهير وغيره.
وقد بلغني ان العدد كبير ممن تعدوا على اماكن كثيرة ومنهم من دخل حمى المخطط ، في مظاهرة تعدي لم تشهد لها الجرداء .
أخواني :
الوضع متأزم في الديرة ،
وهيبة " شيــــخ " القبيلة و " أعيان " القبيلة على المحك .
نرجو التوجيه لبلدية المحافظة بحل أعظم وأهم مشكلات أهالي الجرداء وهي المسكن الحضاري الحديث وذلك بتوزيع المخطط الحالي بأقرب فرصة ممكنة

[صدق المشاعر]

علما ان موضوعك متشعب وله عدة اتجاهات ولكن يوجد بعض النقاط الحساسة سوف يكون لي رجعة لها ان شاء الله وشكرا اخي ولد عشقل لتطرقك لموضوع حساس جدا وهو ليس بالجديد وانما يتجدد كل فترة 0

[عبدالرحمن الدوسى]

مرحبا اخوي ولد بن عشفل

ياليت توضح موقع التعدي ومن هم المعتدين اذا امكن ليكون الجميع في الصوره

وتتسع دائرة النقاش..

(عنوان اكثر من رائع لكن الشخص الذي ما عنده ناقه ولاجمل ماذا يقول)

تحياتي

[ولدعشفل]

اقتباس: المشاركة الأصلية كتبت بواسطة صدق المشاعر      علما ان موضوعك متشعب وله عدة اتجاهات ولكن يوجد بعض النقاط الحساسة سوف يكون لي رجعة لها ان شاء الله وشكرا اخي ولد عشقل لتطرقك لموضوع حساس جدا وهو ليس بالجديد وانما يتجدد كل فترة 0

اشكرك على مرورك ياصدق المشاعر وانا هنا بصدد نقف صف واحد ممن يريدون حقوقهم ولا يهم ان كان

موضوعي جديد اوقديم نحن نريد التكاتف والتشعب والتفرقه ماتجي بحقوقنا

[ولدعشفل]

اقتباس: المشاركة الأصلية كتبت بواسطة عبدالرحمن الدوسى      مرحبا اخوي ولد بن عشفل ياليت توضح موقع التعدي ومن هم المعتدين اذا امكن ليكون الجميع في الصوره وتتسع دائرة النقاش.. (عنوان اكثر من رائع لكن الشخص الذي ما عنده ناقه ولاجمل ماذا يقول) تحياتي

مرحبا اخوي عبدالرحمن موقع التعدي على الاراض والمخططات في الجرداء عليك ان تقول من اسفل المثناه حتى

حبس ابو قشعه وكلهم بني علي يريدون حقوقهم بالذات احنا يالسفريه حقنا ضايع

وبالنسبه لشخص الذي ماعنده ناقه ولاجمل يقول خل الدرعى ترعى ؟؟؟

[صوت البرق]

والله بالنسبه لااراضي وتملك بعض المعتدين عليها انا معاك في كل شي قلته المشكله يوم تكون بعض الاراضي للفخذ او لحمه معينه وتكون بينهم خلافات والحسد يلعب دوره بعض يكرهون لولد عمهم منهم وفيهم ان ياخذ حقه او يطالب بحقه وحق جماعته علما ان بعض المعتدين تملكو في اراضيهم وهذا الامر لا يخلو من دهن السير وان شكيت وانت بعيد عن اراضيك متغرب عن الديره وكل شهر وانت تراجع الواحد مو فاضي عنده دوام ومصالح وبالنسبه للشكاوي نادر ناتوصل الشكاوي للجهه المسؤله ياتي قرار بمنع وفجاءه نرى هذا القرار في مهب الريح لان وراه ناس ذو مصلحه بالعامي اصحاب كروش والساكت عن الحق شيطان اخرس ويد وحده ماتصفق ولد عشفل الكلام سهل والكل يقدر يتكلم حنا نبي فعل نبي وقفه واحده وقفه شجااعه ماعلينا من فلان وعلان
ونشهر كل واحد له مصلحه مع احد المعتدين في تمكينه لااعتداء على احد الاراضي في غياب اهلها عنها .
ولد عشفل في بعض الاراضي بيضتها الحكومه وفجاءه نلقى بيوت ماشاء الله تبارك الله راسيه اكيد عنده مصلحه مع احد في بعض الدوائر الحكوميه بدون ذكر اسماءهم يلعبون ويهمون لا حسيب ولا رقيب


انا مافترى على احد ومسؤل عن كل كلمه قلتها وعندي ثوابت ولوحابين شهاد موجودين والله ان في بعض الخليقه لو توصل اوراقهم للجهات المختصه اظن ابو زعبل ينتظرهم بس اكرر يد وحده ماتصفق

[ولدعشفل]

اقتباس: المشاركة الأصلية كتبت بواسطة صوت البرق      والله بالنسبه لااراضي وتملك بعض المعتدين عليها انا معاك في كل شي قلته المشكله يوم تكون بعض الاراضي للفخذ او لحمه معينه وتكون بينهم خلافات والحسد يلعب دوره بعض يكرهون لولد عمهم منهم وفيهم ان ياخذ حقه او يطالب بحقه وحق جماعته علما ان بعض المعتدين تملكو في اراضيهم وهذا الامر لا يخلو من دهن السير وان شكيت وانت بعيد عن اراضيك متغرب عن الديره وكل شهر وانت تراجع الواحد مو فاضي عنده دوام ومصالح وبالنسبه للشكاوي نادر ناتوصل الشكاوي للجهه المسؤله ياتي قرار بمنع وفجاءه نرى هذا القرار في مهب الريح لان وراه ناس ذو مصلحه بالعامي اصحاب كروش والساكت عن الحق شيطان اخرس ويد وحده ماتصفق ولد عشفل الكلام سهل والكل يقدر يتكلم حنا نبي فعل نبي وقفه واحده وقفه شجااعه ماعلينا من فلان وعلان ونشهر كل واحد له مصلحه مع احد المعتدين في تمكينه لااعتداء على احد الاراضي في غياب اهلها عنها . ولد عشفل في بعض الاراضي بيضتها الحكومه وفجاءه نلقى بيوت ماشاء الله تبارك الله راسيه اكيد عنده مصلحه مع احد في بعض الدوائر الحكوميه بدون ذكر اسماءهم يلعبون ويهمون لا حسيب ولا رقيب انا مافترى على احد ومسؤل عن كل كلمه قلتها وعندي ثوابت ولوحابين شهاد موجودين والله ان في بعض الخليقه لو توصل اوراقهم للجهات المختصه اظن ابو زعبل ينتظرهم بس اكرر يد وحده ماتصفق

الاخ صوت البرق والله انا ماكتبت هذا الموضوع وانا اريد البهرجه لاابد يااخي انا طلبت التكاتف من الجميع

ولوتكاتفنا يد واحده لاما سار الحال على ماهو عليه ولكن الحقيقه مازل في امل كبير في اهل السفريه الذين

لايوجد لديهم قطعة ارض اومسكن حتى لوطلع الديره في الاجازات فما بالك بكثير اعرفهم يفكرو بعد التقاعد

العيش في مسقط راسه ولكن المانع هو هذا الي نعاني ونصيح منه
وكلامك صدق بدون اثبات نحن وانت عارفين الوضع لكن الحل

[راعي المزرعه]

اخي ولد عشقل كل ماقلته صح وحقيقه بس وين الي يسمع لك
ولي قلت عنه صح الكل له مصلحه عند الثاني ولايهمهم مصلحت
احد انت تكتب وغيرك يكتب بس ؟؟؟؟؟؟؟؟؟؟؟؟؟؟
المشاكل هاذي ماينفع تطرح على المنتدى بتقول ليش انا اقولك
اولآ اغلب اهل الديره وبذات الي يعتدون على الاراضي
لايعرفون الامجلس فمن اضروري ان تطرح على اهل الديره
مباشره من خلال المسجد ويكون يوم الجمعه وكل الناس تعرف
اواجتماع يعلن مسبق وحيكون له نتايج جميله جدآالى اذ كان المعتدي
عنده خدمة افيتو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هاذي مشكله عويصه
والله يخارجنا من الفيتو
ويعطيك العافيه
اسف على الطاله

[عبدالرحمن الدوسى]

اقتباس: المشاركة الأصلية كتبت بواسطة ولدعشفل      مرحبا اخوي عبدالرحمن موقع التعدي على الاراض والمخططات في الجرداء عليك ان تقول من اسفل المثناه حتى حبس ابو قشعه وكلهم بني علي يريدون حقوقهم بالذات احنا يالسفريه حقنا ضايع وبالنسبه لشخص الذي ماعنده ناقه ولاجمل يقول خل الدرعى ترعى ؟؟؟

عزيزي ابو عشفل

بما انك طرحت هذا الموضوع فلابد من تبادل الحوار بكل شفافيه وو ضوح لديه سؤال اتمنى الاجابه عليه بكل صراحه

ماهو السبب وراء تزايد التعديات على الاراضي البيض في الجرداء وعلى من تقع المسؤليه في ذلك!!!!

اعتقد لو وصلنا الى اجابه مقنعه وحقيقيه لهذا السؤال لربما نجد تسويه ترضي الجميع...

تحياتي

[ولدعشفل]

اقتباس: المشاركة الأصلية كتبت بواسطة عبدالرحمن الدوسى      عزيزي ابو عشفل بما انك طرحت هذا الموضوع فلابد من تبادل الحوار بكل شفافيه وو ضوح لديه سؤال اتمنى الاجابه عليه بكل صراحه ماهو السبب وراء تزايد التعديات على الاراضي البيض في الجرداء وعلى من تقع المسؤليه في ذلك!!!! اعتقد لو وصلنا الى اجابه مقنعه وحقيقيه لهذا السؤال لربما نجد تسويه ترضي الجميع... تحياتي

الاخ عبدالرحمن اهلا بك مجددا

سبب تزايد التعديات على الاراضي هو سبب عنوان الموضوع السكوت عن مايشوفونه والمجاملات وكل واحد يقول حالي حال نفسي واشياء كثيره لاتعد ولاتحصى لكن من يوقف هذه الظاهره؟؟؟؟؟؟؟