ابنشدك عن نور القمر وشلون نوره

[السلطانة]

حنكة وذكاء في العرب ..
هذي قصة حقيقة حصلت في قرية قريبة من مدينة الرياض ، قبل أن تسمى الرياض. كان هناك شاب اسمه "عايش" يعيش في هذه القرية وكان يحب بنت اسمها " نوره" .

وفي يوم من الأيام ذهب عايش لكي يخطب نوره ، ولكن أبو نوره رفض لأن "عايش" كان على قد حاله وما عنده مال وحلال. فشاف "عايش نوره" عقب ما طلع من عند أبوها وقال لها: " نوره " أنا راح يصير عندي فلوس وراح اشتغل وراح ارجع أخطبك وأتزوجك ، ونوره كانت تحب عايش فوافقت أنها تنتظرهـ.

سافر "عايش " إلى منطقه تجارية وصار يشتغل في التجارة ومرت الأيام وصار عنده فلوس ، ورجع لقريته عشان يطلب يد " نوره " من جديد ويتزوجها ، ولكن لما رجع القرية تفاجئ إن نوره تزوجت لان أبوها أصر عليها أنها تتزوج. وكان عندهم البنت لازم تتزوج إذا جاها شاب قادر على الزواج. وتفاجئ أيضا انه موو بس تزوجت لا بعد هاجرت إلى مكان ثاني مع زوجها ، ولا احد من القرية يعرف المكان.

فقام صاحبنا عايش وقال بيت شعر
(أبنشدك عن نور القمر وشلون نوره)
وقرر يسافر ويدور على " نوره". ومر على قرية وراح وسلم على أمير القرية وقال له: أنا عندي لغز واللي يجاوب عليه بعطيه كل حلالي فقال الأمير وشو اللغز قال: (أبنشدك عن نور القمر وشلون نوره؟) احد الجالسين قال له ابيض ،واحد ثاني قال: اصفر وكل الأجوبة غلط ، محد عرف حل اللغز. فسافر لقرية ثانيه وطرح عليهم نفس اللغز ومحد عرف الجواب .

راح للقرية الثالثة وكان تعبان من السفر فقال لهم أنا عندي لغز واللي يعرف يحله بعطيه كل حلالي واللغز هو (أبنشدك عن نور القمر وشلون نوره؟) محد عرف الجواب فقال لهم أنا اليوم بنام عندكم لأني تعبان ، واللي يعرف الجواب يقوله لي الصبح قبل ما أسافر .
ومن بين الحضور كان زوج " نوره " موجود ،
فرجع للبيت وقال لها " نوره " قالت له سم قال: جانا اليوم واحد خبل يقول عندي لغز واللي يحله بعطيه مالي وحلالي كله فقالت له قلي وشو اللغز يمكن أحله قال لها(أبنشدك عن نور القمر وشلون نوره؟) فابتسمت " نوره " وقالت له: عرفت الجواب. قال لها صدق؟
قالت له :قل له
(مثل السمك في البحر وش لون عايش؟)
فقام الصبح زوج نوره وراح وقال له: أنا عرفت الجواب فقال له وشو الجواب؟ قال له(مثل السمك في البحر وشلون عايش؟)
فبتسم "عايش" وقال له:
هذا مالي وحلالي وسلّم لي على" نوره" .

[حكــ حنين ــآية]

(مثل السمك في البحر وش لون عايش؟)



رائعه القصه ياسلطانه يعطيك العافيه ....

[ابراهيم السعدي]

قصة رائعة وطريفة


بارك الله فيك

[السلطانة]

حكاية حنين/صوت الحق

شكرا لمروركم

[الشلال الازرق]

قصه راايعه ومفيده
دمتي دايمآ مبدعه

[السلطانة]

الشلال الازرق
تسلم ع المرور

[أبو مراد الزهراني]

فبتسم "عايش" وقال له:
هذا مالي وحلالي وسلّم لي على" نوره" .

هنا عذب الكلام أشكرك أختي السلطانه وننتظر جديدك بارك الله فيك ..،،،

[عبد الكريم العدواني]

ألف شكر لك أختي ...
إختيار أكثر من رائع...

[السلطانة]

ابو مراد العمري/ ابو فيصل.k.a.z
اسعدني تواجدكم
شكرا جزيلا لمروركم الكريم