|
|
|
|
|
 |
 |
 |
|
#1
24-01-2011, 01:19 AM
|
||||
|
||||
حوار خاص في الاستراحه
بسم الله الرحمن الرحيم السلام عليكم ورحمة الله وبركاته اووف كيفكم يالشباب وش الاخبار انا جاي ودين امي اخلاقي قافله لوسمحتم ما ابغي اي غثاثة من احد لاني ماراح اتحمل كفايه اللي فيني نفسي ترونها راس مناخيري . ----/ وشفيك سلامات يابو الشباب خير اشبك جاي الاستراحه بهذه النفسيه وش صار لك ؟ ياخوي انبسط وفرفش شوف الشباب كيف مبسوطين ومروقين المنقه على اخر حلاوة وانت جاي عابس الدنيا بوجهك . انبسط وقولي من اللي مكدر خاطك ؟ -----/ اقووول ترى ماني فاضي لتريقتك هذي عاد اللي يسمعك يقول ان عندك في استراحتك ذي شي ماهو موجود في العالم الا عندك قم بس قم وخر انت وشوشتك خليني اشوف التلفزيون ابرك من شوفتك وجهك. -----/ يا ابن الحلال انت وشفيك ماتدري ان الاستراحة لها من اسمها نصيب وبعدين تعال شوف الشباب كيف يسولفون ويضحكون اللي قاعد يلعب بلوت واللي قاعد يلعب سوني واللي قاعد يغازل بالجوال واللي راح فيها خروف ومتخرفن ع الاخر واللي واللي وانت جاي وكن هموم الشعب ومشاكلهم عندك . يارجال والله ماعندك سالفه بس هات العلوم وش عندك اليوم جاي مطنبر وقافلة اخلاقك ؟ لايكون المدام فركت اذنك ؟ والا واحد من الديانه اشتكاك ويطلب فلوسه ؟والا اكيد انك تأخرت في دفع ايجار الشقه ومالميته تراها هذي عوايدك تبعثر الفلوس واذ حل الايجار قمت تتخبط يمين وشمال وتصيح الحقوني . -----/ والله يابن الحلال مافيه انسان الا وعنده مشاكل والديون ماخلت في ايدينا شي . يعني تبغى تقولي انت وجهك انك مبسوط ومرتاح وماعليك ديون لا حبيبي انا ادري والله لوتاخرت عن ابومسامح في قصد الونيت ليقعدلك زي الشوكه الين تعطيه صح والا لا؟ -----/ صح بس الواحد لازم يصبر ويحتسب . -------/ ايه هذا اللي انت فالح فيه اصبر واحتسب . المشكله ياخوي ان هذا الشهر تجمعت مشاكل بقعاء كلها فوق راسي . اول شي المدام بنت عمها بتتزوج وتبغى تحضر الزواج وبفستان جديد هيه شوف قد ايش يكلف ؟ وثاني شي السيارة انتهت الاستمارة ولازم اجدددها والمشكله اني ما اقدر . -----/ ليش ؟؟ ------/ ليش تسوي نفسك ابله ماتدري مخالفات يالحبيب تدري وش يعني مخالفات حوالي 4000 الآف ريال وكل ابوها من ساهر الله لايجزاهم خير . ياولد ذبحوني بالمخالفات الله لايبارك فيهم ماتمشي 70 والا 90 الاوالصورة تكشح في وجهك وخذ لك تسجيل مخالفات والله يعين . ------/ اي والله انك صادق الله يعين . وش كمان ؟ -----/ وثالث شي الاتصالات الله يهلكهم الفاتورة جات بمبلغ ماتتخيله . تصور اني حاط الحد الأتماني 300 ريال وتجي الفاتورة بـ 600 والا 700 ليش ما ادري وتدق عليهم ويلطعونك من ربع ساعة الى نص ساعه وماتطلع بنتيجه . اوووووه ياشيخ خلها على الله هذا من غير اغراض البيت وطلبات الاولاد ... وتقولي وشفيك ؟ خلها على بس . خلني ساكت احسن . ------/ الله يعين المهم شفت المباراة اليوم ؟ ------/ ايو الله شفتها وياليتني ماشفتها ياشيخ يالله عليك هذا نادي؟ وين الانجازات وين المستويات اللي يقولون عنها ياشيخ لامدرب افلح معهم ولا لاعبين ولا ادارة ولاهم يحزنون . لحظه لحظه اشوف من اللي يدق ع الجوال . الوووووووه .... هلا ايش فيه ؟ طيب طيب خلاص الحين جاي . يالله مع السلامه . خلاص صك السماعه .اووووووووووووف . -----/ سلامات يابو عسى ماشر ؟ -------/ لاياسيدي بس كالعادة اسطوانت النكد زي كل يوم المدام ياسيدي . يالله الله يعين تصبح على خير اي خدمه غير الفلوس والاخلاق الطيبه ؟؟ -------/ فارقني هذي عوايدك زي كل مرة تصبح على خير ... ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ولكم كل ودي التعديل الأخير تم بواسطة عيوني لك ; 24-01-2011 الساعة 01:28 AM. 
|
 |
 |
 |
|
|
|
|
|
24-01-2011, 01:30 AM
|
#2 |
 |
رد: حوار خاص في الاستراحه
وش الموضوع يالخآل
تراني زي الاطرش في الزفه ^_^ |
|
|
|
|
|
|
|
|
|
|
|
24-01-2011, 12:56 PM
|
#3 | ||||||||||||
|
رد: حوار خاص في الاستراحه
ويش اسوي لك اذا انت زي الاطرش في الزفه بحلق عيونك وانا خالك واقراء زين وانت تعرف وش السالفة.. |
||||||||||||
|
|
|
|
|
|
|
|
|
|
|
|
24-01-2011, 12:58 PM
|
#4 |
|
.
|
رد: حوار خاص في الاستراحه
وينك يا رجل من زماان ما شفناك ... وإلا أنا ما كنت أجي الإستراحة
حيا الله عيوني لك مع النظارات ... غالي وزاد الغلا انك خال مجودينتش تراني سطر أضحك منه وسطر أبكي منه وعلى بعضها بعض الله يعطيك العافية أصبت الهدف وتكلمت بواقع نسمعه في المجالس والإستراحات وهذا هو الواقع الذي يخابط بنا في صعيد الواقع وفوق هضاب الوطن .... يا بلادي واصلي والمشكلة فينا أنا ما نتجاوب مع مشكلنا منذ بدايتها أو ننتظم في تجديد او سداد الفواتير وإستمارات والمخالفات ... خذ عندك عندي سيارة مطوفه استمارتها لها 4 سنوات ولاعليها فحص و لا تأمين ومسوي فيها حادث قبل أسبوع > بس كويس طلع اللي صدمني هو المخطئ وكل أوراقه مضبوطه جتى عنده تأمين شامل ... سيارتي جاها دقشه في الصدام .... سامحته وكني ما سلمت ، خلاصة الهرج يا عيوني اننا كلنا ذاك الرجل ...ولكننا ما نقعد في كل جلسه نتشكى ونندب ونلوم ... والحمد لله مادام الصحة و الأمن تمام فكل ما سواها يعتبر ثااانوي المهم يا عيوني أنت وصاحبك هذا المتذمر من الحياة ومن كهلته يا تغيرون سوالفكم وتخلونها فلة حِجاج وفرفشة وإلا ترى الإستراحة تتعذركم ... بالعربي لا عاد تطبونها على خير و إلا تسلم على ولدكم مجودينتش ،،، واخير تقبل مروري وبهارات الحكي يا عيووووني لك |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : حوار خاص في الاستراحه
|
||||
| الموضوع | كاتب الموضوع | المنتدى | مشاركات | آخر مشاركة |
| أول يوم في الاستراحه | ام الضفاير | الإستراحة | 19 | 20-09-2010 11:55 PM |
| حوار مع الشيخ عوض القرني (حوار قوي) | عاشق المستديرة | الإسلام حياة | 9 | 21-02-2010 01:14 AM |
| قال ايش قال الاستراحه | عبدالله العدواني | الإستراحة | 6 | 08-11-2009 02:26 PM |
| حوار بين رجل وامراءة اكثر عنادا حوار شيق وغلبه لمين ؟؟؟ | ابوالقرون | المنتدى العام | 1 | 14-12-2008 01:15 PM |
