|
|
|
|
|
 |
 |
 |
|
#1
13-11-2007, 09:27 PM
|
||||
|
||||
كهلة ذكية بالمرة
عجوز ....... بس خطيرة
كان يا ما كان في قديم الزمان … كان فيه امرأة عجوز قاعدة بروحها . وفجأة طلع لها إبليس … العجوز خافت وسمت بالرحمن . قالها إبليس : أنتي يا عجوز هل تعتبرين نفسك داهية ؟؟؟؟ العجوز : نعم أنا داهية … والنساء عموما كيدهنّ عظيم . إبليس : أنا أتحداك … وبنشوف مين كيده أعظم … المرأة ولا إبليس العجوز : خلاص أنا بسوي مشكلة ، وأنت راح تحلها وإذا ما قدرت أنا راح أحلها وراح أفوز برهان . بليس قال ok : . راحت العجوز حق واحد من هالبطالية اللي ما عندهم شغل ويا كثرهم . وقالت له : أنا بشغلك عندي فترة معينة بس ، إذا أنت تبي فلوس لا تتدخل ولا تتكلم ... وافق الشاب لأنه طفش من البطالة ومحتاج فلوس . راحت العجوز ومعاها الشاب لمحل قماش وقالت له انتظرني عند باب المحل … دخلت المحل ... وأخذت قماش غالي وراحت تكاسر تاجر القماش . العجوز : رخص يا بن الحلال . التاجر : إذا أنتي ما عندك فلوس أخذي شيء أرخص . العجوز : ما أقدر … لازم ولا يصير شيء ما صار . التاجر : ليش ؟؟ … إلى هالدرجة … والشسالفة ؟؟ العجوز : شفت الشاب اللي واقف عند باب المحل … هذا ولدي يحب له وحده متزوجة وهي تحبه ولما تتطلق من زوجها … ولدي بيتزوجها . وهو قالي أن عارضتي عن الزواج بأطردك من البيت وأمرني أني أشتري قماش غالي عشان يعطيها حبيبته ولا راح يطردني من البيت مع أن البيت بالأساس بيتي و لكني غلطت وكتبته بأسمه التاجر : خلاص هونيها وتهون والله كسرتي خاطري … خلاص أنا بأعطيك القماش ببلاش … وعسى الله يؤجرني . العجوز طلعت مستانسه وقالت حق الشاب روح البيت . بعدها راحت العجوز لبيت زوجة تاجر القماش وطقت الباب وطلعت الزوجة . العجوز : آه يا بنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق رحبت الزوجة ودخلتها وأكرمتها و جابتلها شاي . العجوز : مشكوووووورة ما تقصرين إن شاء الله أردها لك ( تعمدت تنسى القماش) وطلعت . الزوجة : حرام نست قطعة القماش … أكيد بترجع بعد شوي وتأخذها بروح أحطها بالدولاب . تاجر القماش رد لبيته وتغدى ذاك الغدا السنع ونام شوي . قام العصر وفتح الدولاب بغير ملابسه عشان يروح محله … مفاجأة قطعة القماش … وعرف أن المرأة اللي يبيها ولد العجوز هي زوجته يعني تخونه . قام عليها وطقها وطردها بالشارع بالهدوم اللي عليها . العجوز كانت تنتظر هاللحظة في أخر الشارع فراحت لها تركض . العجوز : وش فيك يا بنيتي ليش تبكين؟؟؟ الزوجة : زوجي طردني … وما عطاني فرصه أتكلم . العجوز : خلاص أنا باوديك بيتي وأنا بروح أحل المشكلة . راحت العجوز لبيتها ودخلت الزوجة في غرفة بينما الشاب كان في غرفه ثانية وأمرته أنه ما يطلع منها . راحت العجوز للشرطة تبكي وتقول : كنت قاعدة في بيتي وفجأة دخل رجل ومعه مرأة وقعدوا ببيتي حاولت أطلعهم ما قدرت ( احتلوا بيتي ) . ذهبت الشرطة وقبضت على الشاب والزوجة … وحطوهم بالسجن . العجوز : ها ها وش رأيك يا إبليس ؟؟ دورك أللحين في حل المشكلة . إبليس : لا لا ما أقدر أحلها السالفة تشربكت مرررررررة . العجوز : أنا راح أحلها وكأن شيء لم يكن . وراح أربح الرهان . راحت العجوز تزور الزوجة بالسجن وقالت لها : أنتي ساعدتيني مرة . وأنا أللحين بساعدك … يلا ألبسي عباتي وغطي نفسك وأطلعي من السجن كأنك أنا وأنا بجلس مكانك . الزوجة : مشكووورة … لكن أنتي ؟؟؟ العجوز : مالك شغل فيني مثل ما طلعتك بطلع نفسي . تمت عملية الهروب بنجاح . الوالي أمر الحراس يحضرون المسجونين عشان يحكم عليهم حضرت العجوز والشاب وقال لهم الوالي : ليش قابضين عليكم وشو مسوين؟؟ ردت العجوز : إحنا ما سوينا شيء كنا قاعدين ببيتنا أنا وولدي ولا الشرطة طابة علينا وماخذينا السجن . عصب الوالي وهزأ الشرطة وما عطاهم فرصة يتكلمون ويقول : غلطانين وتبون تتكلمون شين و قوات عين . طلعت العجوز من الوالي مستانسه وعطت الشاب فلوس وأنهت خدمته عندها . راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئة . وقالت خذ قماشتك لأن ولدي سافر هو و زوجته الجديدة . رجع التاجر زوجته وتأسف منها و راضاها بعد . العجوز : وش رايك يا إبليس أنا فككت السالفة بكل سهوله وذكاء . إبليس : أنتي ربحتي … ان كيدكنّ عظيم . أنحاش إبليس وهو خايف منها . ..... وآسف على الاطاله 
|
 |
 |
 |
|
|
|
|
|
13-11-2007, 09:39 PM
|
#2 |
|
موقوف
 |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه
<< هـذآ المــستخـدم يتـسـدح مـن الضـحـك << هـذآ المـستخـدم طـآح مـن الكـرسـي مـن قـوة الضحـك << هـذا المـستخـدم مــآت مـن كثـر الضحـك < ( اللـه لايـعوقنـآ بـ شـر ) هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه يسسسلمـو عالمـوضـوع عـز اللـه إنـي تكـرفسـت مـن الظحـك عـلـى ذي الكـهلـة التعديل الأخير تم بواسطة صــــآحــب الــسمــــو ; 13-11-2007 الساعة 09:41 PM. سبب آخر: تعديل |
|
|
|
|
|
|
|
|
|
|
|
14-11-2007, 06:04 PM
|
#4 |
|
خخخخخخخخخخخخخخخخخخخخخخخخخخخخخخخ
والله هذي الكهله والا بلاش مشكور يالفاهم |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : كهلة ذكية بالمرة
|
||||
| الموضوع | كاتب الموضوع | المنتدى | مشاركات | آخر مشاركة |
| كهلة المساء شوفوا وش صار لها ..ياحيل الله | الراس الصغير | الإستراحة | 11 | 17-05-2008 04:29 PM |
| 20 ألف وظيفة في أول وأكبر مدينة ذكية على مستوى العالم لتقنية المعلومات والإتصالات | الحائر | التدريب والتوظيف | 3 | 30-12-2007 02:07 AM |
