نــظـــرات عـــبــدً خـــان فـي عــهـــد سِـْــيـــده !!
 

[poem=font="Simplified Arabic,5,darkblue,normal,normal" bkcolor="transparent" bkimage="" border="double,6,black" type=2 line=0 align=center use=ex num="0,black"]
أطلقت لافكـاري لجـام الاعنـه=حتى تبلور من نسمهـا قصيـده
قررت أقطّع قيـد الافكـار لنـه=تزهِد ليا حبْسِت نفـوسً زهيـده
دام الجمال أغطاه والشعـر فنـه=أمنتـك الله يالافكـار العنـيـده
طيف الخيـال بغيهـن وهقنـه=في ظرف نظره الف فكره جديـده
روحً تبوح السر .. روحً تكنـه=من كنته للبوح صـارت تِسْيـده
أما فهمت اللي ذكـرت ونسنـه=والا أكـرر ماتقـول وتعـيـده
لقيـت عـذرك للمواعيـد كنـه=يقـول ماكانـت وعّـوده أكيـده
مثل الجميل اللـي تقفـاه مّنـه=حت الورق والريح صاح بجّريده
خيول فكـري قيدهـن حطمنـه=وبين الامل واليأس حطمت قيـده
أطلقت زرقـن وبلهـن سيلنـه=مقسوم لي لو كان ماكنت أريـده
خانن رمـوشً دمعهـن وقفنـه=ياصعب والله دمع خطو الوليـده
رجيتهـن مايرسلـن وأرسلنـه=حتى غرق خدي بنـار الوقيـده
حسبي عليهـن بالعهـد خوننـه=وخانتني الدمعه وصارت أكيـده
لمحتها من فـوق رمـشً بلنـه=نظرات عبدً خان في عهد سيـده
آهات صدري والجروح الاسنـه=تزارقن صدري بغصـت وريـده
عزيت خفـاقً همومـه حدنـه=وشح الامل وخان العضيد بعضيده
عزآه من جـور الليـال أبعّدنـه=يلين لو قلبـه سـوات الحديـده
لاصار ماهدومك جسدك أسترنه=من عاد ترجي هم قلبـك يفيـده
وكلن على الثاني حسامه يسّنـه=ملعون راعي التفرقه والمكيـده
الاسئلـه وحلولهـن دوّرنــه=وضاع الجواب بظل جمله مفيـده
[/poem]


القصيدة للشاعر منصور الرويلي

صح لسان الشاعر منصور
وسلمت يمناك يالعنزي والله ان اختيارك رائع فالقصيدة مليئة بالمعاني والصور الشعرية الجميلة
دمت في خير ومحبة

.......................
 

ابو نضال الدوسي



أطـرائـك الجميل كفـيل أن يـزيدني بهاء

دام تـوهـجـك ودمـت كـما أنـت أكثر من رائع

[رجيتهـن مايرسلـن وأرسلنـه=حتى غرق خدي بنـار الوقيـده
حسبي عليهـن بالعهـد خوننـه=وخانتني الدمعه وصارت أكيـده


[ياسلام ياخوي والله من القصائد
المميزه لا عدمناك يا الذيب
تقبل تحياتي

أخوي العنزي

صح لسان قايلها وسلمت يد ناقلها

مشكور يا غالي لاتحافنا بهذه الرائعة ..

لك ودي ؛؛

الاخ العنزي

اختيار راقي من انسان راقي لشاعر راقي

سلمت يالغالي

وصح لسان الشاعر منصور الرويلي

والله ان قلت صوره وان قلت معنى وان قلت مغنى
وش ما قلت قليل في حق الروعه
صح لسان الشاعر
ومشكورعلى نقلك الراقي مثل شخصك
.
.
دمت بالف خير

يعطيك العافيه

صح لساانه ومشكووور اخوي العنزي

تحيااتي

جميل جدا حتى في ردودك

لك كل الود والتقدير

وسلمت يداك لردك الذي زادني تشريفا

لك كل الود والتقدير