تدرون ليش الشباب يفضل القطاع الحكومي
 

تدرون ليش الشباب يفضل القطاع الحكومي عشان الاتي :
1- الدوام 8 ساعات
2- العلاوات سنوية
3-الامان الوظيفي
4- الخميس والجمعة اجازة ذي تكفي لحالها
5- اجازات الاعياد تأخذ كاملة
6- الراحة النفسية والبدنية قي الحكومة الله يعزها
7- القطاع االحكومي سعودي 100%
اما القطاع الخاص او الرخيص رغبة الشباب صفر :
1- دوام 10 ساعات
2- العمل طوال ايام الاسبوع والجمعة تحصل مرة ومرة ما تحصل
3- الامان الوظيفي لللسعودي معدوم اما الاجنبي هو الباقي ونحن الذاهبون حسب تجربة شخصية.
4- الرواتب ضعيفة فوق المستوي المطلوب حيث لا تغطي الا لحفظ الحياة
5- الزيادات انسي
6- الراحة النفسية سيئة والبدنية اسؤ.
7- القطاع الرخيص نسبة الاجانب 80%

والشابات كمان يفضلون العمل في القطاع الحكومي
وعندهم زيادة عنكم
اجازة الأمومة
ومشكوووووووور جدا على هذا الموضوع المميز

الشباب /يعني الذكور والاناث وليست مقصوره على الشباب فقط
وثانيا الله يهنيكم على أجازة الامومة
وشاكر مرورك الوفا طبعي انا بعد
ابو باسل

تحياتي لك عابر سرير وشاكر على التعليق
وصدقت والله
الشكوه لغير الله مذله
أخوك
ابو باسل

في الكويت الوضع مشابه لكن باختلاف بسيط
نسبه لقله الوظائف الحكوميه و توزيعها على الواسطات
فصارت النقله الى القطاع الخاص
انا معاكم بتفضيل القطاع الحكومي
وظيفه مضمونه و معاش مناسب و اجازات مريحه و راحه جسديه على الاخر
لكن احباط نفسي
يعني الوظيفه الحكوميه بالكويت كل من يتوظف بغير تخصصه و يشتغل بتخصص مو عارف عنه شي و يقعد كأنه اطرش بزفه
غير هذا انا جامعيه و تعبت سنين عشان اتخرج بتفوق و يصير معاشي مثل معاش الدبلوم الي دارس اقل مني؟؟؟؟؟؟
غير هذا المديرين الله على المديرين اذا حبتك عيني ما ضامك الدهر يعني اذا عجبت مديرك كتب فيك تقارير زينه و اذا ما عجبته اخذ الخصومات
الطلعه من الدوام بحساب و الاجازه باحساب ماكو طبيه يعني لو مريض بتداوم غصبا عليك لان من حقك باجازه مرضيه يوم واحد فقط

خل نيي لي القطاع الخاص
في مميزات و في مساوئ
المميزات تتوظف على تخصصك و غيره يعطونك دورات تفيدك بالمستقبل بشغلك
الراتب قوي و زياده عليه دعم العماله و لي بدل سفر و بدل فني و بدل شاشه و بدل سماعه و كل بدل قيمته 30 دينار غير التأمين الصحي لاحسن مستشفيات خاصه بالكويت
غير مستقبلك مضمون و خصوصا اذا كان القطاع الخاص الي تشتغل فيه قوي
و من الناحيه الاجتماعيه 100% لانك بتعرف على ناس وايد يفيدونك بميادين مختلفه
و جهد تشكر عليه و معترف فيه و تقدير من مكان العمل

اما العيوب
ماكو اجازات لو شنو الا الي من حقك بالسنه
و مجهود بدني كبير و نفسي بعد
كل شي بحسابه و ماكو تفضيل عند العقاب
و اذا خسرت المؤسسه انت مطرود بدون اي تعويض

طبعا هالحجي موجود بالكويت

هذا انت قلتيها موجود بالكويت مو السعودية
وعدم الخلط بين الانظمة في الدولتين
واشكرك حيل بنت السني
ابو باسل

يعطيك العافيه
وانا معك من ناحية الامان الوظيفي
ونسبة السعوده
.
دمت بالف خير

الله يعطيييييك العااافيه



دمت في خيرررر

تحياتي لكم احبتي
العرنين العتمه
اخوكم
ابو باسل