|
والله حالتنا قشرى
قالوا العيد على الأبواب والبس ثوبي وامسك الباب وأنا نازل من الدرج جاري أبو محمد خرج شفته يضحك وشايل كرتون قلت الرجال متأثر بسبيستون قال على وين ياجار قلت مستعجل عندي مشوار رايح السوق أدور ضحية رجع يضحك فيه ذيك الحِية استغربت من الرجال ضحك لين طاح العقال المهم مشيت وخليته راح ودخل بيته توجهت للمجلبه أدور خروف أجلبه وصلت عند الشبك جاني راع الغنم ابك ابك قلت ابغى ذبيحة قال الخرفان طيبة مافيه القبيحة نزلت شفت هرفي حليل وأعطاني سعر شفت النهار ليل قلت ياخوي أنا مقصد الحاشي زعلت واطلع من الشبك ماشي زهم علي زول قال لاتزعل وتمشي على طول أنا داير أراعيك فرحت قلت الله يرضى عليك اجل عطني ذاك الطلي الأدرع قال عشانك خذه بألف وأربع استغربت من الأسعار شابه علينا تقول النار المشكلة زيه قبل شهر تاخذه بتسعمائة والله قهر والله حالتنا قشرى مقومات الحياة ماعاد تشرى وأنا أقول وشب جاري أبو محمد أثره دور ذبيحة وأشترى دجاج مجمد وسلاااااااااااااااااااااااااامتكم اخوكم /الثميدي |
رد: والله حالتنا قشرى
مقطوعة فنية رائعة بروعة من كتبها لنا
إلفاظها خفيفة و معانيها ثقيلة أقول يالثميدي لا تخرعنا .... خلها إلى ذاك اليوم ويحلها ألف حلال |
رد: والله حالتنا قشرى
ارجوزه جميله يالثميدي تحكي الوضع
بارك الرب فيك |
رد: والله حالتنا قشرى
مشكوور الثميدي
شكل الضحية بتكون دجاج هالسنه هههههه |
رد: والله حالتنا قشرى
الأخ عساف الأخت غربة مشاعر الأخ مجوديـنـتـش السفاح218 شرفني مروركم |
رد: والله حالتنا قشرى
[ALIGN=CENTER][TABLETEXT="width:80%;border:6px inset blue;"][CELL="filter:;"][ALIGN=center]من طول الغيبات جاب الغنايم
والله ولا أروع إبداع x ابداع الله يعطيك العافية أخوك .. S T C [/ALIGN][/CELL][/TABLETEXT][/ALIGN] |
| الساعة الآن 09:50 PM. |
Powered by vBulletin
Copyright ©2000 - 2025, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved