بعد انشودة المطر .. والسيل ياسدرة الغرمول يسقيك .. وااه ما ارق الرياض تالي الليل
اهديكم الجديد والمميز ..
انشودة سكان الرياض .. ااه ما غرق الرياض .. تالي السييل ..
كلمات / امانة امانة الرياض
الحان / المشاريع
اخراج / شركات الباطن

اتذكر سيل جده .. والضحايا اللي راحوا .. والخساير اللي جات .. والروس اللي جاوبت !!
عندها قلت الحمد لله .. رب ضارة نافعه .. فما حدث .. صحى اللي نايم .. ونبه جيرانه !!
اتذكر بعد .. استنفار الساحل الشرقي .. والاجتماعات والنحشات !!
عقبها قلت .. يااه .. يالرياض .. وش زينك !!
نمت الظهر .. صحيت العصر.. لقيت الرياض .. غرقان !!
الرياض .. غرق .. يابن عياف .. تصدق !!
لايكون كنت نايم مثلي !!
اول مره .. اشوف الرياض .. تغطيه المياه .. بحور .. وشواطي .. ياااه .. حلم تحقق !!
ياما تمنينا ان يكون لدينا بحر .. اسوة بالغربيه والشرقيه .. تحققت الامنيه بالامس .. ياسلام يابن عياف .. كفو والله !!
تحديت المستحيل .. وحققت الاماني .. وجابهت الصعاب !!
منظر مخيف .. شي يهول .. امر يدعو للتفكير !!
معقوله .. هذا هو الرياض !!
شوارع مقفله .. اشارات عطلانه .. كباري انهارت .. سيارات غرقانه .. بيوت تطفح .. فلوس برا !!
الرياض غرق .. وعقبه .. غرق الغرقان اكثر !!
الغرقان الاكثر هذا .. مو غرقان في موبه .. ابدا .. انه غرقان .. في الوناسه !!
غرق في المسرحيات .. والمهرجانات .. والزينات !!
هو يغرق .. وحنا نغرق !!
والفرق بيننا .. شعور بس !!
نشعر بالالم .. ويشعرون بالونس !!
وشف قد ايش الفرق بيننا !!
دراسات وخطط .. كلها عبط !!
نتايج الخطط .. ظهرت .. في الشوراع .. في الطرق .. تخيلوا حتى عيون القطط .. تنقزت !!
اربع ساعات لتجتاز مسافة خمسه كيلو فقط .. من شارع لشارع .. من حاره لحاره .. من فين تروح .. ومن في تجي .. الدمام اقرب !!
تصريف مياه .. تصريف مواطن .. تصريف دراهم .. للجيران والحبايب !!
تصريف مياه طل !!
تصريف مواطن سهل !!
تصريف دراهم للكل !!
كم مليون ريال تنصرف برا !!
وكم مليون جرح لسا مابرا !!
جروح جده .. توها مابرت !!
وجروح الرياض .. توها ابتدت !!
ردوها يابحرين .. رجعوها يابيروت !!
كبارينا طاحت .. شوراعنا طفحت .. حنا اولى .. حنا الاقربون !!
ررد يابن عياف ردد ...
اااه .. ماغرق الرياض .. تالي السيل !!