منتديات زهران

منتديات زهران (http://www.zahran.org/vb/index.php)
-   الإستراحة (http://www.zahran.org/vb/forumdisplay.php?f=37)
-   -   الشايب و الوايت .... (http://www.zahran.org/vb/showthread.php?t=83531)

FedEx 03-08-2010 06:08 PM

الشايب و الوايت ....
 
الشايب والوايت



يسولفون عن شايب نوى يشتري له وايت علشان يسقي الحلال , وذالشايب متقاعد

وشاريله رعية غنم



وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال

فقام و توكل على الله وعزم يروح يدور له وايت.



صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.

عجب خوينا

الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح

أوصلهم وأشوف كم هو واصل سومه و إذا هم حادينه اشوف كم هو عليه.



وصل عندهم الشايب ووقف يسمعهم يحرجون , وأستانس بالحيل لأنه ماهو بغالي.



ولا ذاك الرجال

ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.

وخش معهم بالحراج ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80



هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!



يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب

وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك

بمليون ريال ذالحين ,,ذالحزه

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..وش السالفة..؟؟؟

مليون ريال ..وليه..؟؟



قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.



وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري

وش السالفه!!!.

طيب وش العلم علمني ..؟؟

علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب) خش عليهم عرض

ولايدري وش العلم.



وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..



وهو ماصدق. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك


******

الله يرزقنا بمخطط بالغلط.

ماحولكم وايت للبيع هههههههههه....


ملطووو ووو ش

بن الطامي 03-08-2010 11:09 PM

رد: الشايب و الوايت ....
 
هههههاااي ياليت القى وايت زي وايت ابو الشباب
مشكووور على الموضوع

شذى الريحان 04-08-2010 03:08 AM

رد: الشايب و الوايت ....
 
:biggthumpup::D
يابخته ماادري ممكن تصير القصة ولا من الاساطير


تسلم

أبوعدي 06-08-2010 02:15 AM

رد: الشايب و الوايت ....
 
مشكوووووور والله يعطيك الف عافيه

FedEx 10-08-2010 11:38 PM

رد: الشايب و الوايت ....
 
اقتباس:

المشاركة الأصلية كتبت بواسطة بن الطامي (المشاركة 1002333)
هههههاااي ياليت القى وايت زي وايت ابو الشباب
مشكووور على الموضوع


شاكر لك إضافتك

FedEx 10-08-2010 11:39 PM

رد: الشايب و الوايت ....
 
اقتباس:

المشاركة الأصلية كتبت بواسطة كت كاته (المشاركة 1002470)
:biggthumpup::D
يابخته ماادري ممكن تصير القصة ولا من الاساطير


تسلم


شاكر لك إضافتك

FedEx 10-08-2010 11:40 PM

رد: الشايب و الوايت ....
 
اقتباس:

المشاركة الأصلية كتبت بواسطة أبوعدي (المشاركة 1003555)
مشكوووووور والله يعطيك الف عافيه


شاكر لك إضافتك

الهوى والنور 12-08-2010 12:24 PM

رد: الشايب و الوايت ....
 
انا بصير زي صاحب الوايت <<< امش المهايط

زهرانيه والنعم 12-08-2010 12:41 PM

رد: الشايب و الوايت ....
 
هههههههههههه
على نياتكم ترزقون
يسلمووو


الساعة الآن 04:31 AM.

Powered by vBulletin
Copyright ©2000 - 2025, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved