[البرنسيسة]

يابو ناهس شفت وعيونـي بكنـي
الظواحي والشعيب اللـي نزلنـا
وحزم ضبعه والوداعي شرق مني
والجذيب اللي بريضانـه حللنـا
وعقدة الزلفي وضلعه غرب عني
والنفـود اللـي نزلنـاه ورحلنـا
وشفت حطابه وضلعانـآ زمنـي
وشفـت رسماتـا لقلبـي تلتلنـا
قلت عصرا فات ياقلب ارجهنـي
قال نبضاتـي لجـردان اشملنـا
اربعين العـام بالضبـط اكملنـي
الله اكبـر كـم حطينـا وشلـنـا
قبل ماسافر هجوسـي ماشغلنـي
ماضـي الايـام فيهـا مانشعلنـا
مير عصر اليوم حن القلب حنـي
افتكرت اللي فقدنـاه مـن اهلنـا
مايعيد اللي مضى كثـر التمنـى
اللـيـال المقفـيـه مايقبـلـنـا
لو بغيت انسا السنين اللي مضني
اختفن السـود والبيـض اشعلنـا
كيـف ننسـا والمـواري بييننـي
مافرق معهن رضانا مـن زعلنـا
كيـف ننسـا والركايـب قيدنـي
ياعسى عند الولـي يقبـل عملنـا