[البرنسيسة]

أشم ريحة بخورك في طـرف شالـي
وأقول هذي بقايـا ريحـة الغالـي
أضمها شوق في صدري واداريهـا
واشمها..كل ماتخطـر علـى بالـي
تبقى معي منك ريحة طيبك وعودك
ريحة من شذاها العذب يحـلا لـي
ياريحة من شذاها تنتعـش روحـي
مثل انتعاش المشاعر وانتـه قبالـي
أهيم بك شوق يا ود سكن قلبـي
نشوة غرامي وهاجس وقتي الحالـي
نشوة قصيدي وهوجاسي واناشيدي
أنغام شعري...وترنيمـي وموالـي
جديد شعري إذا ما زاد بي وجدي
يحلا لي أنظم على منوالـك أمثالـي
في خافقي لك غرام مـا تناسيتـه
يبقى معي وأنت في حلي وتر حالـي
وتبقى معي غالي كـل ماتذكرتـه
أشم ريحة بخوره في طـرف شالـي