رد: اقول يا شين .............يوميات الراس الصغير مع العزوبيه
اليوم السبت
وبعد النوم الثقيل - صحيت طبعا مافيها كلام
مادريت الا برساله على جوالي
طن طن قم قم
في تمام الساعه ثلاثة عصرا واتفطن في الرساله واتمقل فيها زين واحرك عيني واشوف كتابه
تقول ابو خالد علي كفاره اطعام 60 مسكين خلصت من 58 باقي 2 دورت مالقيت غيرك انت وواحد ثاني عزوبي
فتكفون خلوهم يكملون 60
قلت وش السالفه ؟
واعيد اقراء الرساله
وآحك راسي وتوي افهم ان الرجال يبغاني اجيه افطر عنده
وفعلا ارسلت له الرد وقلت جايك جايك مافيها كلام
مسكين مسكين ماعندي مشكله اهم شي اني الاقي احد يفطرني 
وصار
وذهبت وماقصرالرجال والله وافطرنا عنده وسولفنا وظحكنا على سالفة الرساله
لانها رساله عجيبتن جديدتن 
وبعدما افطرنا عند المضيف تفرقنا وكل واحد راح من طريقه
صلينا العشاء وفي بالي اروح لمكتب خطوط جويه عشان اقطع تذكره
المشكلة ان موعد شراء التذاكر الساعه 9 بالزبط ( ياليل الليل وقت غلط
والزبط هذا وقت صلاة التراويح واذا لم اقطع التذكره في هذا الوقت بالزبط بالزبط ابيلغون علي الرحلة
ورقعها عاد اذا زدت لقيت موعد رحلة مره ثانيه -
المهم مااطول عليكم وطيران على مكتب خطوط قريب من السكن
مافي حد مفتوح
ياولد التذكره كيف نقصها 
واستنا الين فتح
فتح مكتب الخطوط الساعه 9 بالزبط
قلت تكفى بسرعه شغل الجهاز واصدر تذكره قبل مايلغون الحجز
قال تطمن ياصديق باقي ما الغوا الحجز
دفعت القروش واخذت التذكره
وارتاح انا نفر مسكين
وبعد ذلك توجهت الى البيت ريحت لي نصف ساعه ولبست لبس العمل
واتجهت الى العمل ويحيى العمل - يحيى العمل
والله يعين يارطوبه عندنا تقول دهانة وجه 
وذهب الراس الصغير البطل الى الدوام عند الساعه عشره والنصف ليلا
والسحور ارسلنا واحد من الشباب الله يجزاه خير عند الساعه الواحده والنصف ليلا
( ماتلاحظون كلها والنصف خخخخخ
راح وجاب لنا كبسة ( ديكتين ورز مضغوط ) وببسي اهم شي
ليه فتره ما اشرب الا ببسي تدرون ليش؟
عشان يمكن الاقي تحت الغطاء جيب
وتسحرنا وشربنا الشاي وسوالف وفرفره الين الصبح
الساعه 6 ونصف خرجنا من الدوام وسيده الى منزلي
واشتقت الى اثنين كانوا دايما اذا رجعت من الدوام الاقيهم عند الباب
بس يسمعون بابا يدق الباب
يجون الاثنين بابا بااابا بابا باااااااااااااااااابا
اتركوني ابكي شوي
ممكن تخلوني ابكي
طيب
اهي اهي اهي
خلاص
فكانوا يستقبلوني بابا ابابا ابابا
والحين مع العزوبيه ماعاد للبيت طعم
وعندي خاطره اقول فيها
ماعاد للبيت طعم من دونهم
صدق لو قصر ماله فاقه من غيرهم
والحين دايخ ابي ارقد وخلصت الحتوته مع اميات ام احديجان على غفلة
صار مسلسل يومي خخخخ
لا وبعد ابو محمديحيى غير العنوان سماه يوميات عزوبي اللين تنتهي
شكلي باصوم رمضان كله مع العيد وانا باقي عزوبي هههههههه
الله يخارجنا بس
ـــــــــــــــــــــــــــــــــــــ
|