[عساف]

اقتباس: المشاركة الأصلية كتبت بواسطة نسيم السروات      أخي عساف وين المركب اللي تقول عليه أحولت عيوني أدور مركب وما أشوف إلا كرتون بلايستيشن وشنط من ناحية الأسعار فعلا والله أن تجار الباحة أكبر نصابين وكل ما قلنا لهم السعر في الرياض بكذا قالوا أنتم في الباحة مو في الرياض يعني الباحة غير على رأسها ريشه . تذكرت شائب زمان جيت أخذ من عنده حاجة وقلت له بق لي 5 ريال فقط ياعم رد عليه بكلمة ( في وجه الله ) بصوت عالي هو شائب مشهور في وسط سوق الباحة مات قبل 3 سنين الله يرحمه ماودي أذكر أسمه وصار في محلة واحد هندي برضة شيبه أشد من عمه في الأسعار جيته هذه السنة أخذ منه حاجة تراثية وغلاها قلت له هذه قديمة ماعد أحد يشتريها قال لي بهذه اللهجة : اليوم صبحا بعنا منها طاقة كاملة كلي مافي أحد يبيها أنا بغيت أنحشر من الضحك أنا واللي معي من كلمة (صبحا) صار زهراني الأخ أو غامدي مثل عمه الراحل . الله يعطيك الف عافية عساف على أتحافنا بتلك الصور الجميلة .

أختي الكريمة

الكبر شين ..... الله يحسن الخاتمة لكل الشيبان و الكهيل في كل الدول الأسكندنافية

عدلنا وحردنا في الصورة من اجل تشوفين الموقد ( المركب ) اللي سعره يزعل الحليم و يضحك الجاهل منه ،

وهذا صورته في الأسفل و الشنط يوضع بداخلها من باب الشياكة و الحفاظ عليه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

عموما الأسعار هذي السنة غير في الباحة في كل شيْ

وزيادة غير مبررة وحتى لقيت كرسي عندهم يصلح للرحلات أو في الحدائق قيمته 250 ريال واعتقد ان سعره في الشرقية بـ 180 ريال هذا واسعار الشرقية نار ،

اقول نصيحة لكل ابناء منطقة الباحة الذين يزورنها في الصيف تحت مسمى السفرية وتحت فيزة سائح

السنة القادمة اشتروا اغراضكم وحاجاتكم من المدن التي انتم بها مقيمين واشحنوا كل فرشكم وهتافيركم و خراميطكم مثل أهل الشام يوم يجيبون الزيتون و الزعتر من ديارهم ومدنهم ويقعدون ياكلون فيه و لايشترون ولا حبة زيتونة من عندنا ،،،

ليش كذا يا تجار الباحة .... تسلخون فينا ... كفاية الرطوبة و أجواء الصيف صلختنا وجيناكم نستجير ونبرد معكم يا ...... مثل الذي يستجير بالنار من الرمضاء .