الاوله يسعد صباحك وممساك
والثانيه مبروك شهر الصيامي
عساه بالخيرات يسعد محياك
ويزداد خيره معك عن كل عامي
حبيت ابارك لك ولوكنت ملقاك
الا وانا في خايلات المنامي
ياصاحبي لا تحسبنا نسيناك
والله مهي هذي علي الحرامي
اتذكرك واموت واحيا بذكراك
لك حبي وودي وكل احترامي
مغلاك عندي يعلم الله مغلاك
كل المشاعر لجل شوفك ضوامي
قلبي وروحي والهواجيس تهواك
تنسج على شانك بيوت الغرامي
وش حيلتي مقدر لوصلك ولاراك
دونك نشب حولك جلوس وقيامي
الحض منهم هل عيني وبكاك
واللي بكا بسبايبه مايلامي
ماشوف غيرك ياحبيبي ولابغاك
الا عن اعيوني تزيل الضلامي
انت الحياه ونورها عند طرياك
وشلون لاشفتك علي السلامي
ياويل قلبي منك لاحل فرقاك
ماعاد يبقى غير موتي امامي
ماخفت من هذا ولاذا ولاذاك
اذل من يومن يجيب التزامي
بعده تجي واقول يازين ممداك
يومي بحبك قد بلغت الهيامي
جعل العمر والروح والكون يفداك
ياغايتي يادنيتي يامرامي