[حسين المعنى]

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياطير دامك تعشق البعد ياطير=وش حيلتي يومك بديت الهزيمه
صبرت صبر العود تحت المناشير=لجلك ومن شانك رضيت الضليمه
ابيك تشعر كل ماقلت كم هير=انه بقلبي لك محبه عضيمه
وانته ولاحسيت فيني ولاغير=صاحبك ماله قدر عنك وقيمه
لو كان لي عندك معزه وتقدير=ماكان لك بالعد عنا عزيمه
لكان تبحث لي بدق النواضير=ويكون روحك فالمواصل كريمه
روح بحفض الله ياطير ياطير=والحب خله للقلوب الرحيمه
باصورك في لوحة العمر تصوير=صورة محبه كره فيها مقيمه
قربك عنا بعدك عذابن وتكسير=الخاطر اللي فيه طيبه وشيمه
دربن مسكته دون لفه وتدوير=خذيت مايكفي حليمه حليمه
تموت تحيا دون طاعه وتغيير=ماهمها الحيه تعود هشيمه
غرور ماهو نور تمشي به العير=تعرفه حتى الجاهله والفطيمه
ماحد يخلي صاحبه بالتحاسير=الا قلوبن من المحبه سليمه
هذا الفضا من وين مايعجبك طير=حقق طموحاتك وانا معك غيمه
تضلك من واهج الشمس والخير=مضمون فيها وانت روحك عليمه
تعبت من كثر السهر والمشاوير=حسيت قدري معك مثل البهيمه
جبرتني بالبعد ومعاكس السير=حديت روحن من غلاتك سقيمه
مات الرجا والياس زاد المسايير=رغم الهوى دايم يذعذع نسيمه
لا ليل لاصبح ولا ضهر واعصير=كل العواقب ياغرامي وخيمه
تلاعبت في حالتي والتفاكير=ان كان ماعلت فوادي تضيمه
ابعدت قلبي عن جميع الغنادير=ركبت في روح المحبه جريمه
ذبحتها من دون ذنبن وتبرير=تركتها بين الجروح الاليمه
وحدتني بين الرجال المناعير=فرحته لقانا منك صارت يتيمه
سامحك ربي واعتبرها مقادير=التاليه والا الليالي القديمه
ماني بمخطي غير منك المعاذير=قربك وبعدك ماتجد به غنيمه[/poem].
.
.