[زهرانيه والنعم]

وقت دخولي للمطبخ تذكرت عضوه في احد المنتديات ( الله يحفظها ويطول بعمرها على طاعته ):

منزله موضوع بعنوان اخت الدونات من الرضاع

فقلت دام انه للدونات اخت من الرضاع فأكيد للجبنيه اخت من الرضاع

وهذي الله يسلمكم اخت الجبنيه من الرضاع

مقادير وطريقة اخت الجــــبنيه من الرضاع

المقادير /

2 كأس دقيق كويتي واذا ما توفر نستخدم الدقيق العادي - ملعقة كبيره خميرة فوريه (بس ما

تكون مليانه مره) - 3 ملاعق كبيره حليب بورده - 3 ملاعق كبيره سكر مطحون- 3 ملاعق كبيره

جبن سائل وإذا ما توفر حطي بديل عنه 3 حبات جبن مثلث - 3 ملاعق كبيره زبادي - ملعقة كبيره

زيت ( وهنا ما وضعت زيت كثير لأن العجينة بتقلى في الزيت ) – رشه ملح (الملح دوره في

العجينه يعمل على نمو وتكاثر الخميره ويعمل على امتصاص الماء وزياده الرطوبه يعني يخلي

العجينه طريه ومنتفشه ) – 1/4 (ربع ) كأس حليب سائل (لكن يوضع حسب الحاجه )

التـزيين /

حليب مركز - قرفه

الطريقه /

اخلطي الدقيق و الخميرة و السكر و الحليب البورده و الملح مع بعض بعدين ضعي السوائل .

اقصد في الحليب السائل (حسب الحاجه )

هو انك تحطين شوي شوي حتى تلاحظين العجينه متماسكه في يدينك وماتحتاج زياده حليب

بعدين امسحي يدك بشوي زيت

وابدئي في لت وضرب العجينه , حطي حرتك فيها وكل ما طولتي عجن فيها راح

تكون احسن واحسن

واتركيها تخمر نصف ساعه او ساعه ( انا تركتها فقط نصف ساعه متعوده على كذا )

بعدين افردي العجينه مثل الجبنيه وقطعيها بالاشكال اللي تبينها دوائر مربعات مستطيلات

حسب ذوقك , وبعدين اقليها في

الزيت حتى تشقر والحمدلله الجبنيه واختها مايبون وقت في التحمير

بعدين نشفيها من الزيت

وحطي عليها حليب مركز ورشي عليها قرفه

واذا ماعندك حليب مركز فسوويه في البيت

وهو كالتالي ( علبه قشطه – 6 ملاعق كبيره حليب بورده – 6 ملاعق كبيره سكر

ناعم ) اخلطيها مع بعض وحطيها في قدر على النار من دقيقتين إلى ثلاث دقائق

وبصراحه حلو مره ومثل الحليب المركز الجاهز