[نور الجنوب]

بسم الله الرحمن الرحيم




السلام عليكم ورحمة الله وبركاته
يا اخواتي انا سافرت للديره ورجعت ودخلت مطبخي لقيت اثار للفار قلت يبنت هذا فار والله في فار في بيتي واكلم عطيه وابكي اقوله في فار في مطبخي المشكله ان مطبخي جديد قبل رمضان بيوم فصلته
والمشكله قاعده افكر من وين دخل هذا الكلب مافي فتحه له باب المطبخ مسكوك .
في الاخير عطيه يناديني ويقولي تعالي شوفي الفار من فين دخل ياستي من طاقة الحمام اكل الشبك وشوفي اثارو .والله اني كل يوم في نكد وقبل سنه كذا سار معايا والله ما ادخل المطبخ كل مادخلت صحت باعلا صوت واحلف ما اطبخ ولا اسوي فطور ...
والله هم اذا دخلو قرف ماخلينا شي اشترينا اشتريت الغرا يمشي من فوقه لانه كبير واخذت سم الفيران ماتاكله وبعدين اخذت القفص وقعدت اسبوعين مايدخل فيه حطيت عيش شريك وجبن وبسكوت يعني دلعته ولا راضي يدخل واقول لجاراتي شوفولي حل ماستفدت منهم ماغير يدعولي المهم بعدين اختي قالت حطي بصل حطيت بصل وقعدت اسبوع مادخل الحيوان بعدين وحده قالتلي ترا بعضها ذكيه ماتدخل واتنكدت قلت في نفسي خراطه بعدين طلع كلامه صح والله اخذ البصل وخرج.. والله كل يوم انا وعطيه الفار الفار حتى اذا رقدت الفار قام يخاصمني يقول ماعندك سيره الى الفار .
كل مارحت مشوار ارجع اجري اقول الفار اتمسك واطالع القفص الاقيه فاضي خلاص وفي النهايه يئست انه يتمسك قمت كبرت البصله وحطيتها على الحديده معلقه . وفي الاخير امس جينا من بيت اهل زوجي وولدي دخل وجاني يجري ماما ماما تعالي الفار اتمسك والله لو تشوفو شكلنا لاتموتو ضحك حضنا بعض ونطنط وجيت اشيله ماقدرت قام هوا شالني ههههههه
ودخلت وكبير الحيوان بس مو فار .وبس قمت انضف بالفلاش المطبخ والديتول وكل المنضفات .والحمدلله وانشاء الله يكون اخر فار
ومعليش طولت عليكم وشكرا