[علي الحسني الزهراني]

كنت بقول هذي القصيدة في الجلسة ولكن خرب علينا يوسف الدويحي بموالاته والشباب قالوا مانبي نبطي الشكوى لله وش نسوي



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

في صباح الأحد طير السعد غنّى = واغرق النهر لحنه واطرب الضفّه
عذب في عذب فلّ بفلّ وايقنّا = بالبشاير خمايل عشق ملتفه
مالت اغصان منا وانتشر منّا = سرب من عطر والجنحان مصطفّه
قلت يسعد صباح اللي نقل عنّا = شوقنا جالنا باجمل خبر زفّه
يا اخضر الريش لون الحب يسكنّا = طير وارجع وخذ لك حولنا لفّه
قبل تفرد جناح الشوق وش كنّا = غير عبرات مسكوبه ومنكفّه
بالمشاعر تمازجنا وبرهنّا = عشقنا لو يجف البحر ما جفّه
يافديت الذي يزهى به الحنّا = ناقش اول حروف اسمي على كفّه
يزعل الكون كله مازعل منّا = هو بكفه وباقي الناس في كفّه




[/poem]