[الشغموم]

السلام عليكم

هذي المحاورة دارت بيني وبين طلال العتيبي وابي رايكم فيها


طلال العتيبي
اللي هرج فينا على غير مصلوح 00 ويقول شي(ن) بالخفا من ورانا - وش حجته يوم الحقايق لها ضوح 00 والله ليبطي مايقصر لحانا

محمد المنعي
كل الفعايل تنكتب داخل اللوح والله يرحمنا ويستر علانا- ما شفت فالبهتان والحش مصلوح -و عن الوطا دايم رفيع ن ذرانا

طلال العتيبي
انتا تقوله مير ماودك تبوح 00 واللي بقلبك مانطقه السانا - ياللي تجر الصوت والصوت مبحوح 00 ماتدري انك تحت فيت عصانا

محمد المنعي
نجم السما لا شع بالعين ملموح مير البلا نجمك خفا عن سمانا - حيرتني في مقصد العقل والروح - ضيعتني بعجافها والسمانا

طلال العتيبي
عديت بابي بعد ماكان مفتوح 00 وعودت لطاقه وترمي علانا- والعام من فعل الزمن فيك مذبوح 00 تاتي وتشحذ مابقى من عشانا

محمد المنعي
يا شيخ في المندوب طعنات و جروح - ما احسه ابذا الساع يقدر لقانا - هرج القفا يا شيخ ماهوب ممدوح - وضحت لك وجه الخفا بالبيانا