المشاركة الأصلية كتبت بواسطة مجودينتش
الضيف التاسع عشر في اليوم التاسع عشر من أيام الشهر الكريم من موضوع يوميات صائم : كت كاته مشرفة منتدى شقائق الرجال س1/ بطاقتك الشخصية ؟ الاسم /كت كاته الزهراني العمر/17+17_6 ويومين وساعة الا ربع معلوماتي تحت معرفي وغير كذا مافي الحالة الاجتماعية / المهنة /مشرفة منتدياااات ومراقبة في واحد واعمال حرة مقر إقامتك / بوادي غير ذي زرع .مَعَادٍ. مكة المكرمة س2/ما هي هواياتك ؟ القراءة .الخياطة. بعض الاعمال الفنية س3 / متى كانت بدايتك مع الصوم ؟ من سن 8سنوات ابويا الله يرحمه كان يشجعنا على الصوم كنت اصوم عن الاكل الدسم لكن لازم اكل بسكوت وشرب عصير وموية صيام اطفال صمت وانا في المتوسط صيام بضمير س4/ كيف تقضي يومك في شهر رمضان؟ انام بعد الفجر بساعتين او ثلاثة اصحى في الظهر واروح المطبخ اعجن عجينة مو خبزة لا عجينة بيتزا ولا عيش باللحم او اي عجينة تحتاج خميرة علشان تتخمر ساعتين او ساعة وارجع انام واذا ماعندي نوم اجلس اقرأ قران واجلس على النت بعد العصر يبداء الشغل فرد سمبوسة لازم انا افردها والله حااالة وانا افرد اتابع برنامج بيني وبينك للشيخ محمد العوضي متابعة برنامجه من ثلاث سنوات و اتابع فتاوى على قناة المجد حسب الشيخ س5 / اهم الأكلات اللي لازم تتواجد بالسفره الرمضانيه بالنسبه لك؟ شوربة الحب القمح احبها تكفي عن الاكل ماشاالله والحلى يدفع البلى اي نوع معجنات لازم المعجنات يومياً ولامااكل س6 / اكثر أكلة تعجبك في رمضان؟ مااحب التزم باكلة معينة راح يصير روتين ممل ومو طعم لازم التنويع من غير اسراف س7/هل تتابع مسلسلات في شهر رمضان؟و ما هي؟ طاش ماطاش لازم منه ماتابعت ولامسلسل متابعة لمحمد العوضي مستحيل افوت حلقاته رائع يجي الساعة خمسة عصر على قناة الراي اتابع الرائع عمرو خالد اسلوبه ممتع وبس لليوم ماتابعت غير ماذكرت س8/موقف لا تنساه في رمضان؟ ذكرت العام موقف كأنه قبل شهور سبحان الله!! نسخت نفس الموقف حفظوه الاعضاء صراحة ماعندي غيره المواقف الثانية عادية طبخ ضيوف نسيان وشرب موية في يوم من ايام رمضان رمضان كان عندنا افياش خربانة جاب ابويا الكهربائي وراح مشوار كان الوقت ظهر بعد ماخلص العامل من شغله نزل عند الباب تحت الدرج وعزم اصحابه الهنود وفرش سفرة طويلة مسوي حفلة وحط تونة اعتقد واكلات ثانية وصكوا الباب علشان لحد يشوفهم وهم في عز اكلهم دخل ابويا رحمة الله عليه اتفجع من المنظر غداء في رمضان جلس يخاصم وقفل الباب بالضبة ولاالزرافونة وفسخ عقاله وطاح ضرب في العمال وهما يصرخوا ويتوسلوا طلعت معاه ابو زهرة بعد مااعطاهم علقة محترمة فك الباب وخرجهم الله لايردهم اسأل الله ان يتجاوز عنه ويسكنه فسيح جناته س9/ ماذا تعني لك منتديات زهران؟ وكيف تعرفت عليها؟وحدثنا عن بدايتك فيها؟ منتدى زهران مااحب اغيب عنه كثير ممكن استغني عن بعض المنتديات لكن زهران لا لان بصراحة اعضائه وعضواته معاملتهم راقية معايا رغم اني اشوف المشاكل الكثيرة من حولي الاعضاء مع بعض وغيرهم صراحة ماصادفت احد بهذا الشكل الحمدلله عكس منتدى اخر كرهني دخوله ادخل واشارك في بمواضيع عناااااااااد في اللي مايبغاني (احب العنااااد)احياناً والمشاكسات اتعرفت عليه عن طريق عم قوقل دلني بالصدفة سجلت قبل منتدى زهران في منتدى ماااهو قبيلي لما اكتشفت منتدى زهران قلت لو ادري كان سجلت هنا اولى من هناك الحمدلله مستمرة في المنتديين وبدايتي حلوة معاهم اعضاء وعضوات ربي يسعدهم كلهم على عيني وراسي س10/أذكر: 1-عضو تعزه :كلهم فيهم الخير والبركة 2-أكثر عضو تعجبك مواضيعه :مافي احد محدد حسب طرح الموضوع 3- شخص تتمنى وجوده في المنتدى :اخواني واخواتي للاسف ماسجلووووا غيروحدة من اخواتي هنا معانا مااقول اسمها س11/ ما هي القرارات التي ستتخذها لو كنت: 1-وزير التربية والتعليم :مااااادري حاجات كثير غلط اصلح اييش ولاايييش 2-وزير البلدية :اهتم بمكة اكثر ماتستاهل الاهمال اللي هي عايشته شوارعها احيانا احسب العيب في السيارة اللي راكبتها اقول اشفيها سيارتك يجيني الجواب السكة محفرة ومطبات وكمان انظم الباحة اكثر ؟؟!! واتقي الله في العمالة عمال النظافة حقوقهم مهضومة حسبي الله على من كان السبب اللهم اني صاااااايمة 3-أمير منطقة الباحة :اتفقد الرعية 4-مشرف عام على منتديات زهران : يكفيني الاشراف على قسم الشقائق مرتاحة *- كلمة أخيرة توجهها لأعضاء وزوار منتديات زهران . اتمنى لكم التوفيق والله يبعد المشاكل عن المنتدى ****************************** كان هذا ملخص لقائنا مع كت كاته وبإمكانكم طرح الأسئلة عليه . وانتظرونـا يوم غد مع ضيف جديد وهــو : ابو عادل العدواني مشرف المنتدى الإسلام حياة ومجلس بني عدوان وعدة منتديات