[عبدالمجيد الزهراني]

سعودي 5
_______

ملاحظة :
سعودي 5 , هو لقب عبدالله داخل مجموعة الصقور الخضر.

الاهداء:
الى اخي ورفيق عمري وحبيبي , عبدالله صالح الحرفي , ودمع مكتوف اليدين.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
طير وحدك وقب مدربك قبه=طير لا انفك او من انفك كرسي حديد
طير وحدك وكب مدربك كبه=ذا مدرب حمار ومنك هو يستفيد
طر لرب العباد وفارج الكربة=رب ( قل ياعبادي ) رب ( هل من مزيد )
طر بريش الحمام اللي على الكعبة=طر لعثمان والفاروق وابن الوليد
منت طيار ومقدم ولك رتبة=انت ميّت ترقّا لين رتبة فقيد
ضربتك ياولد صالح هي الضربة=تفجع الشيخ والرجّال قبل الوليد
ان بكيتك بكيت العمر والصحبة=لو زمان الصبا والثانوية بعيد
ذكريات البلوت وكاشو اللعبة=والسهر والسوالف والصور والقصيد
والحكايا وجمرة شاهي الشبة=والكلام المعاد اللي نحسّه جديد
والمثلث وفول الصبح نفطر به=والتماشي بكم لفّه ب ( جيب البريد )
احزن الموت موت انسان في غربة=وانت موتك وطن للمغترب والشريد
يانظيف اللسان ونابذ السبة=تبتسم للقريب وتبتسم للبعيد
الفضا تعرفك نجماته وسحبه=طر بنا يا سعودي 5 بدون قيد
طير بالطايرة واللي تبي طربه=طير بالخد والدمع الشحيح المديد
العزا للذي ذقنه نبت عشبه=بين فرش المسيد ومكرفون المسيد
صالح ابن احمد اللي يثني الركبة=للمعارج وطاها والزمر والحديد
والعزا للثنين اللي بكوا جنبه=خالد الذيب وسعيد اللي اسمه سعيد
والعزا للذي لاهبّ له هبة=ماخلق ربي اطيب منك يابويزيد
والعزا للي امست سيرته عذبة=من ذكر اسم ابو منصور شمعه يقيد
والتعازي لصالح يحفظه ربه=ابن عبدالله اللي اصبح اسمه حفيد
والتعازي لمن في صوتهن شحبة=البنات الصغار الخمس نعم الرصيد
والعزا لال غرسان اشرف النخبة=دون ما انقص احد منهم ومن دون ازيد
ماتحطمت في اسبانيا النكبة=انت حطمتها باصبع تشهّد وحيد
موتك احيا قبيلة شاسعة رحبة=لين راس القبيلة منك طوله يزيد
صقر ياصقر ياللي وثبتك وثبة=ليش راس القدر ناشف وراسك عنيد
ندفنك في السما ماهو في التربة=ندفنك فوق ماهو تحت , دفنة شهيد
والله اني بكيت ودمعتي صعبة=دمعة فراق عبدالله وعبدالمجيد[/poem]