[احمد صعمود]

الانيق ابطى جوابك

كل عام وانت بخير وتقبل الله صيامك وقيامك
مشكور على قصيدتك الباسقه الشامخه المليئه بالحكم والمعاني
وتقبل ردي السريع المتواضع الذي التزمت فيه بالقافيه
مع اختلاف في البحر

.

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اهلاً هلابك عد من زار الحرم = وعد من هلل وكبربالوجود
شاعر ومن دوس الابيه وابن عم = ونعم بكم من قوم توفون العهود
اهل الوفا والعلم من عهد القدم = واهل الكرم والجود من وقت الجدود
شرواك مكسب وانت لي فخر وعلم = والعالم الله لك غلا ماله حدود
ياجعل عيني جيتك ماتنحرم = وعسى المحبه بيننا دايم تسود
يالهاجس اللي ماخذل حبر القلم = رد الوفا والعلم باحلى ما تجود
ودام الزمان اغبر به الخير انعدم = سطر من ابياتي على غدره شهود
ياشهم من جور الدهر صابه سهم = وانضام قلبه واشتكى كثر الصدود
نوخ رحالك في ظلالي وانتسم = من دونك الما والنسايم والبرود
لاينحني راسك ولاتثني عزم = هون على نفسك سهرها والسهود
لاتنصدم لو خان من فيه العشم = بشر وربك قد مسخ منهم قرود
خل الامل ديدنك بالدين احتزم = وان ضاقت الدنيا تذكر صبر هود
لايحزنك مادح اذا قفيت ذم = عظمه حطب سجين واعماله وقود
ماحد من الغيبه ولو جنب سلم = حتى القريب اصبح عدو/ن/ لك لدود
دنيا غريبه نصفها هبل وغشم = والنصف الاخر مثلهم مثل الحيود
هذا الحسد طبعه وذا قاطع رحم = تسوى بعينه قد ماتملك نقود
هذا زمن ياشيخ سمه في دسم = يدمي قلوب الخلق ويسم الكبود
الداعيه والشيخ فيه المتهم = فتنه لهايبها تزايد في صعود
والناصح الطحطوح في صمت انكتم = واقسم بربه للنصيحه مايعود
مات الضمير الحي والطيب انهزم= والروح في موته يعزيها الجحود
والكذب هيمن وانتشر فينا وعم = والصدق فارق وانقبر تحت اللحود
والكرش من قرش الربا صابه تخم = والسحت رسمه بان في وجن الخدود
والارض غبرا زرعها خمط وحطم = والساقيه جفت وعيت ماتجود
والتافه الملقوف صار المحترم = ومفتاح بيت الجود في يد الحسود
نستورد الاخلاق من عند العجم = ارخص بضاعه ماعليها من قيود
لو قلت معقوله (!)وقلت انا قسم = تكثر سواليفي وذهنك في شرود
هذا جواب البدع يا راس الهرم = مرسول من قلبي مع باقة ورود
والمعذره بالله يالشهم الاشم = لو قصر التعبير في بعض الردود
والختم صلي ياشجاع ابني فهم = على الذي يشفع لنا عند الودود [/poem]

تقديري

.