هي مجموعة رسائل خاصة كتبتها في اعياد سابقة و لعيد الفطر المبارك لهذا العام 1431هـ لأناس احبهم - ، جمعتنا الفرحة و البهجة بالعيد ، جمعنا حلم بسيط اسمه حلاوى العيد ، وباعدت بيننا المسافات والاحلام والواقع ، ذهبوا وبقيت رسائلي تحمل نفس الحب والحلم والبهجه للجميع وبالجميع
وكل عام وقلوبكم بخير .
ما انته بفرحه عيد انته ترى ( العيد )
في ضحكتك /في طلتك /في وصوفك
إن كان عيد الناس ضحك و زغاريد
فانا يكفينـي مـن العيــد شــوفك
*******************
ما اقول أنا عيدك مبارك : ولكن!!
العيد بك ياروح روحي تبارك
حركت معنى العيد في عمر ساكن
واهديتني لحظة عمر من نهارك
(مو بس انا مشتاق : حتى الأماكن )
حتى الحزن من فرحته جا و شارك
*******************
إفراح بعض الناس بالعيد عاده
تقيدوا بالعيد. واضحى مقيد
وأنا بشوفك ذقت طعم السعاده
من قبل يأتي العيد وأنا معيد
*******************
أعلنوا بكرة وقالوا يوم عيد
ومن سألني قلت عادي يعلنون
دومت أقرب شخص لعيوني بعيد
فرحتي دمعه. ولو هم يضحكون
*******************
العيد لا طل الهلال
تلقى الفرح عم الوجوه
وأنا انتظر منك اتصال
عيدي أنا قولت الووه
*******************
أنت الأمل وانت احلامي
يا أجمل أجمل ليالي العمر
أنت المطر جيت لك ضامي
وأنت صيامي وعيد الفطر
*******************
ياعيدي الأجمل تعال
غير معالم دنيتي
ارسم بهالكون الجمال
وارسم بوجهي ضحكتي
*******************
العيد مو فرحة وبس
ولا بحلوى أو عصير
العيد هو اني أحس
انك بخير وأنا بخير
*******************
هديتك في العيد أغلى من العيد
ليه التعب وأنتي بعيني هدية
كم قلتها و أنا لك أعيد و أزيد
هديتك انك معـــــايه وفــــيه
أنتي حدود القلب من غير تحديد
وأنتي العذر لو كان عمري خطية
مال الفرح ساعه ولا له مواعيد
إلا بشوفك يضحك الكون ليه
*******************
أشتقت لك هاليوم أكثر من الأمس
وبكره تأكد ان شوقي لك أكثر
وايضا تأكد كلما أشرقت شمس
شوقي مع الأيام يكبر و يكبر..
*******************
عيدنا قرب وموعدنا لفى
والليالي زعردت شوق وطرب
من فرحنا كل شي فينا أحتفى
يوم رب الكون للبسمه كتب
*******************
الليله أجمل من جميع الليالي
الليله هذي غير عن كل ليله
آحس فيها شي فعلا خيالي
آحس قولت حلم فيها قليله
فيها القمر نادى لشمسه تعالي
العيد بكرة والأماني جميله
*******************
أحترت في ذا العيد مدري وش أهديك
وأحتار قلبن طول عمره يودك
قلت السوار وخفت لا يجرح أيديك
وفكرت بالازهار ، والزهر خدك
وغلفت عطرن قلت مضمون يغريك
واثر العطور الغاليه جات بعدك
أنته تحلي كل شين يحليك
ياللي خذيت من الحلا مايسدك
تبغى الصراحه جد أنا ميتن فيك
و أربع جهاتي بالغلا ماتحدك
ماعاد فيها شك شاريك شاريك
شاريك في قربك وبعدك وصدك
همي بهالدنيا أنا كيف برضيك
وكيف أشد أحساس قلبك وأشدك
العيد قرب وانا مدري وأش أعطيك !
لكن عزاي (القلب والروح) عندك
*******************
تمر في بالي على الدوم ذكراك
من وين ما وجهت عيني لقيتك
كتبتك بصدري وفي صوتي أقراك
لاجيت بدعي أسم غيرك دعيتك
*******************
الأوله قلبي يحبك ويغليك
والثانيه باقولها فيك مفتون
والثالثه عن جد لاذي ولاذيك
أنا بصراحة فيك ميت و مجنون