[ناحت الصخر]

السلام عليكم ورحمة الله وبركاته ..

الى متى ......

هذه الظاهرة .. وهي البحث والمحاولة لتمكنهم من معرفة صاحب الأسم المستعار لأي عضو مشارك في هذا المنتدى والحصول على أسمه الحقيقي ومن يكون ومن هو ؟؟؟

أنا ما أبي أقول لكم ان هذي الظاهرة بتعفس المنتدى فوق تحت .. لأن الأعضاء ما ختاروا أسماء مستعارة ( ناحت الصخر )فلان فلانان .... الخ إلا لأنهم مايبون أحد يعرفهم .. لهم حق يكتبون على راحتهم ويبدون آرائهم على مايبون .. يكون يعني ماحد يضايقهم او يسألهم ليش كاتب كذا وليش وليش وليش ؟؟

وأنا واحد من المتضررين بهالسالفة بعد .. كل يوم واحد يسألني أنته فلان .. انته فلان .. انته فلتان .. هي مو حالة هذي .. إذا السالفة كذا .. اجل كل واحد يكتب أسمه المستعار وبين قوسين أسمه الحقيقي أريح ليه وأريح للي يبون يعرفونه بعد ..

وهذي السالفة موجودة في أكثر من منتدى واحد .. ومشاكلها تارسة المنتديات .. بس إحنا علينا من منتدى ديرتنا منتدى بني عدوان .. ماعلينا من غيرنا ..
بس المثل يقول (( اليوم في الجيران ,, باكر فينا )) ..
وأنا أعرف كذا شخص غير أسمه أكثر من مره .. لكن مايشيخ عليهم .. بعد يصيدونه لين ماترك المنتدى كامل .. وصدق ان المنتدى مو متوقف عليه ولا على غيره .. بس بعد .. محسوب واحد من الأعضاء النشيطين بعد ..

يا جماعة .. ترى ماحد بيكتب رأيه ولا أحد بيعلق أو بيكتب موضوع يفيد الديرة وأهلها .. إذا عرفتو أسمه ومن يكون و إذا قلتو له انكم عرفتوه .. حتى لو عرفتوه صدق .. لا تقولون له .. خلوه على راحته .. يعبر عن شعوره وعن آرائه لكم .. وأكيد ماعنده فرصة غير هالمنتدى ان يبدي رأيه على أهل الديرة ..

صدق ان في أعضاء في المنتدى يكتبون باسمهم الحقيقي او مايهتمون لو أحد عرفهم .. بس كل واحد وحسب رأيه ..

والله يوفق الجميع إنشالله ..

سؤال // ما الفائدة من معرفة الأسماء المستعارة لأعضاء منتدى بني عدوان ؟؟

والجواب عندكم انشالله ..

ومسامحة إذا طولنا عليكم او خربطنا شويه

وكل عام والجميع بخير
ناحت الصخر
اتمنى من الاخ / محمد عثمان ان يعرفنا اكثر على اسمه كونه هناك اسماء كثيره تشابه هذا الأسم
وشكرا لك على طرحك الموضوع فهذه وجهة نضر اتمنى عدم الزعل في حالة معرفتنى ولك تحياتي