[مـ ـخـ ـرِبـ ـهـ ـآ]

مرحبا بـ اللي ..
على الجوال قالت : مرحبا
كنّها قطر الندى
لا وشوش غصونٍ رطيبه
يلعن ام الصوت نكبه !!
وش مقامك يا صَبا
وش حمام الدوح لا غرّد
.. ومن هو عندليبه ؟
صرت اتعتع في كلامي
ت ع ت ع ة طفلٍ حبا !!
قلت هذا الصوت عفواً !
رنتّه ماهي غريبه
قالت التغريد يشبه نبرته ؟
قلت يهبا !
كان ياما كان لكن :
من سمعتك بان عيبه !
والله انْ صوتك غزاني
غزوة : القوم وسبا
جاهلٍ في وسط صدري
ما فطمته عن حليبه
قالت اسمع لا تغابى
يـوووووه ماطيق الغبا !
المصايب حيل واجد
والغبا : أكبر مصيبه !
انت حضرتك اتصلت
ممكن اعرف وش تبا ؟!!
قلت مثل اللي :
نشد ظامي عن الما وش يبيبه ؟!
قالت افصح ..
واظهر اللي من معانيك اختبا
ما يخيب اللي حكى بـ الصدق
ولاّ الكذب خيبه ..
قلت كبوه ..
قد سمعتي عن حصانٍ ما كبا ؟
معترف بـ الذنب
وانتي ما ورى طيبتك طيبه ..

لـ ..
محمد النفيعي