[أح ــمد ع ــبدالله]

اقتباس: المشاركة الأصلية كتبت بواسطة عالمي زهران      معيدين الربع من بدري .. عيدكم عيد .. عقبال المزيد !! يوم مغلق حافل بالكتم والتحجير !! وشو له .. عشان مشاعر كم واحد هلالي ماعنده اي مشاعر تجاه الانديه الاخرى .. ولا عشان المشرف اخو من طاع الله !! توه يتحرك عشقك المدور .. اللي الى هالحين مازال يدور له على مكان يدور فيه !! الله لايشغلنا الا في طاعته !! وش شايفني يالاخو .. اروس في ليالي رمضان ولا اطق اصبع !! العاده تمر وتروح وكنك ماجيت .. لكن هالمره مريت وحطيت المستديره في وسط الملعب .. والصافره بيدك .. لاانت اللي حكمت القيم ولا انت اللي تركت غيرك يحكم !! عدنا الى ماكنا عليه .. فرض سيطره .. وتحكم بالاراء .. ياخي هذا رايي ونا حر فيه .. دامني ما سبيت احد .. ولا اذيت احد .. مالك علي كلام .. ان كنت مشرف ولا حتى اداري !! مايهمني في الموضوع .. هو توجيه تحذيرات لاعضاء مالهم في السالفه .. ولا لهم اي ذنب .. فقط لمجرد مشاركتهم في موضوعي اصبحوا من اصحاب الانذارات .. رغم انهم اكثر ناس تستحق التكريم .. وتستحق الشكر .. على تواجدهم في هذا المنتدى فقط .. فما بالك اذا كانوا من الاعضاء المميزين !! وعشان هالشي .. ولعيونهم .. ياليتها كانت ايقاف عالمي زهران .. ولا يجيهم بسبتي لو لفت نظر !! دامها خاربه .. خلينا نعميها .. واقول .. وامري الى الله >> ملينا في هالقسم من المواضيع المنقوله .. وملينا من نقل الاخبار .. وملينا من المجاملات اللي لاتنتهي .. هذا ولد عمي .. وهذا من الجماعه !! ياخي اللي مو عاجبه مواضيعي لايقراها .. واذا الاداره مو عاجبها وجودي .. كلها شخطت قلم .. وانتهينا .. لا اعرفك ولا تعرفني .. مالها داعي تستحي !! قلنا من زمان .. واعيدها واقولها للمره المليون .. المنتدى هذا لايقف عند احد .. رحت ولا جيت .. ماتفرق .. يروح واحد يجي عشره .. والمنتديات على قفا من يشيل .. ان مالقيت لي مكان هنا .. بالقى اماكن تضفني !! سببتم رعب لبقية المشرفين والاعضاء .. وكان عالمي زهران .. بعبع .. خطر الاقتراب منه !! وهذا اكبر دليل .. مجرد مشاركه بسيطه في موضوع بسيط .. وجهتم سيل من الانذارات والتحذيرات .. لاشخاص اعتز بوجودهم .. هنا .. ولولا الله ثم هم لما استمريت الى هذا الوقت !! كل ما اطليه هنا .. هو رفع الانذارات عن كل من تم انذاره .. وتجميعها في شخطه على معرفي .. وبس !! مشكورين .. وكل عام وانتم بخير ع-ا-ل-م-ي ز-هر-ا-ن

هلال ونصر طلعها برى الغرفه وتعال ,

بالنسبه لمنتدانا اي منتدى زهران وخصوصاً القسم الرياضي والله انه فاقع بقلبي ,

بس أنا اذا طفشت انقر على ابدأ وانقر على ايقاف التشغيل وعندي غير النت الف شغله .

بالنسبه لك انت شخصياً (عالمي زهران ) والله انك مكسب للقسم الرياصي بالمنتدى , قلنا هلال ونصر طلعها برى .

مواضيعك كلها بأكملها من إنشاءك من راسك مو مثل الحبايب اللي فوق كل يوم موضوع نسخ ولصق .

صح تحش بعض اللاعبين وبعض الاعضاء بس [ بذوق ] يعني بدون تجريح ولا اعتداء

اقول كلامي هذا وأنا متابع لجميع مواضيعك وردودك بالحرف الواحد ,


الاخوهـ المشرفين :


الاعلام الرياضي مايحلو الا بالمهاترات والتصاريح والصياح ورفع الصوت والسب بأدب وذوق ,

يعني لو قال لي نصراوي الهلال فريق حكام اتابع وأنا متحمس وافرح من قلبي واخرج الشارع

اقابل اصحابي واناقشهم في التحكيم ومستوى الهلال , بينما لو قال النصراوي والاتحادي الهلال فريق كبير

ويستحق الفوز وانا احب الهلال قد ماحب النصر وقام يحترم الهلال ليه الصياح والجكر , اجاكر نفسي ؟

يعني عالم الرياضه مايحلو الا بالمنافسه الشرسه اكيد بحدود العقل ماني مجنون !

والا اذا هي على الاخبار الصحف ماخلت شي كل يوم جريدهـ ومابقى شي من الاخبار !

الرياضه حمااااااس وروح وتنافس وقتاليه في الملعب في الشارع في التحليل في الصحف في منتدى زهران .

ياكرهي لكلمة ( مغلق ) , الرد المخالف يحذف وبس !

في النهايه عالمي زهران دخل الهلال والنصر داخل وايانا :

الهلال نادي القرن وزعيم آسيا , والفوز ان شاء الله على الغرافه وفالنا العاااااااااااالميه ...........