[عبد العزيز احمد الزهراني]

قصيدة شارة حفل تواصل زهران السادس 1431هـ


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نحمد الله ساد نور الحق من بعد الظلامي = يوم بلغنا الرسول المصطفى خير البريه
ثم زلزلنا حصون الفرس والروم العظامي = بعد ما افنينا بفضل الله شرك الجاهليه
مسلمين نسالم المسلم على الباغي حسامي = ما نحسب احساب منهو في معاركنا الضحيه
دون دين الله نبيع الروح لرماح وسهامي = ما يروعنا الممات ولا تصاحبنا الدنيه
وبعد فتره عم في شبه الجزيره عصر دامي = تنتحر فيه الشهامه وتنسبا فيه السبيه
لين وحدها عريبب الساس من نسل الكرامي = وابتدا في قصة التوحيد من نجد العذيه
وحد صفوف القبايل وانبرى للمجد سامي = وابتدا عصر التقدم والرخا عم الرعيه
ثم خلف له رجال تعطي الحق وتحامي = عن ثرى اطهر بقاع الارض بنفوس ابيه
وصقرنا صقر العروبه فوق هام السحب حامي = حافظ حق الرعيه وشايل هم القضيه
عاش ابو متعب سليل المجد حلال الخصامي = وعاش سلطان الكرم والجود للمظلوم فيه
وعاش نايف عد من هلل ومن صلى وصامي = ورايت التوحيد خفاقه وخلق الله هنيه
يا هجوس الشعر طيري واسبحي فوق الغمامي = وانتقي عذب المعاني وامدحي الربع الوفيه
حفل زهران العظيمه للتواصل كل عامي = بيض الله وجه من نظم ومن كرم خويه
عيدكم عيد مبارك يالضياغيم الكرامي = يا مسعرة الحروب ويا مروضة العصيه
من تعزوا بسم زهران العظيمه ما يلامي = اهل تاريخ مشرف بالكرم والمقدريه
ومن تعزوا بسم زهران العناصي مايضامي = لو جيوش الكون تقبل ما يهابون المنيه
قلتها وارجوا السموحه لو يقصر بي كلامي = وتعجز ابيات القصيده دونكم ياهل الحميه
وفي ختام ابيات شعري يا قصيدي خذ سلامي = وبلغله لرجال زهران العناصي والتحيه [/poem]

عبد العزيز الزهراني