[(( الغريب))]

قبل ساعة كنت اناظرفي المراية
قالت امي: وش علامك ياقمر

التفت وما لقيت احد بقفايه
وابتسمت وقلت : يمه!!!!!!
صدق (( انا قمر))
*****************************
قالت ايوه واستمع هذي الحكاية
ولاتقاطعني وانااسرد لك خبر

يالله اسمع ببتدي لك من البداية
يوم ولدتك زارني حتى الشجر

ومن حلاتك وقفوا لاجلك ورايه
ورددوا يارب تحرس هالبدر

والله اعلم هل دعوا لك بالهداية
وإلا هُمْ قد جننوك بهالهذر

بعدها كلن تقدم لي برايه
ثم قدم لي عروضه واعتذر....(الاعتذار هناعن التقصير سلفا )

قالت النخلة: خذيني له حماية
واقربي مني خذي اطيب ثمر

وقال لي الزيتون انا جاي بدوايه
ابشري بْدهْنِي لصدره والظّهَر

وصاحت السدرة (أفا) آنا الوقاية
له مع الايات في وقت السحر

والحريريقول : حيكيني عباية
واسمحي لي أحضنه فوق الصدر

قالت الوردة : أباهدي له شوايه (1)
وابناتي فَرْشْ له وآنا عطر

^
^
^
^
^
^
^


بعدها جوني قناوات الدعاية
قصدهم شهرة ومال بلاسهر

جومن امريكا ومن أقصى ولاية
ومالخليح اللي بدبي واللي بقطر

قالوا ابنك من جماله كنّه آيه (2)
ياحلاته في عيونه والشعر

طالما الإعلام في نفسه هوايه
هاته يقدم لحفلات السمر

قلت :لا !! اخشى عليه من الغواية
وكم بيغوي من بنيات البشر

يعني لوتاجيه لحظات النهاية
000أ لف بنت تموت من بعده قهر
^
^
^
^
^
^
^
^
^
^
كل قولي كان مزح ومنه غاية
غايتي نبْعِد عن النفس الضجر

والحقيقة انْ ابْنها رجّال راية
يحمي ابلاده ويجتاح الخطر

وسلامتكم

تحياتي الغريب