نظرة حـــزن
هبت هبـوب الهبايب وعيني تلد هنــاك
لمكــانٍ جمع احـاسيس الغـلا واحتواها
ايام مـا كانت نجوم الغـلا بعالي سمـاكـ
واهي بـريقٍ تـلالا نـور تعكس هــواهـا
عشقت لحظة انفاس السكون من جفاك
وبهرني صمت الزعل يترنم من شفاها
عايشت برد السموم في عنادك وخطاك
ولمت نفسي من جرح الغرور يوم جاها
استرسل يا حرف قافي وش اللي دهاك
جب اجزل بيتٍ وافي يوصف لي غلاها
سر الغلا مدفون بالقلب عمره ما نساك
كيف تنسى الروح جمر الشوق ولظاها
تهت انا بين فرحة شوفتك وهم فرقاك
واختالت خطوه عتابك بــ عثرة رضاها
وجود في تعبير الحرف بعالي مستواك
وبـرر زلـة فـراقنا يـوم ان وقتي نـواها
وشانت هبوب الوقت وعيني تخز هناك
وجدي على عينٍ تلد بس وقتي عصاها
.... وســــلامتــكم،، مماراق لي ؛
|