[زهراني من الرياض]

السلام عليكم

بما انه يوم الربوع تزين الطبوع والخميس ماناكل تميس << ولا وحده منها صارت

قررت اسوي هذا الموضوع.... << اتمنى ما ينحذف الله يهديه

اغلبكم بتدخلون وبتقولون انكم منتو مفهين << الثقه الزايده.. لكن اصبرو شوي وشوفو..

اولا احب اقول انه في ناس ماتعرف وش معنى كلمة فهاوه وهذولا من الاساس مارح يعرفون عن ايش رح نتكلم

عشان كذا قررت اوضح معنى الفهاوه

الفهاوه على فكره لاتعني الغباء ولا تدل على الاغبياء الفهاوه حاله يمر به المرء يكون متشتت 180 درجه وينسى الشي اللي في باله << من كثر ماهو متشتت المسكين..

الفهاوه لغه: مالها معنى في اللغه << لاني ماترجمتها في قوقل

اصطلاحا: حاله نفسيه عابره يحس فيها المرء انه ماهو في عقله مع انه في كامل قواه العقليه...

امثله على الفهاوه لكي يتضح التعريف..

مثال: لما كانت ادور على جوالي صار لي ساعه وبالاخير اكتشف انه بيدي..!!
مثال اخر: لما كنت ناوي احط الغسيل في الغساله حطيته في الزبالة <<الله يكرمكم وبعد خمس دقائق اكتشفت السالفه!!
مثال اخر: يوم جيت اسوي لي خلطه اعشاب << لزوم القولون وغيره وفهيت مده طوويله وانا قاعد احرك لييين اكتشفت انها احترقت وتبخرت << مع انها في الحاله الصلبه !!
مثال اخر: عندما تستيقظ من النوم مفزوع << متاخر عن الدوام ،، وتروح تلبس وتكشخ وتتعطر على الطاير وتشغل السياره وتروح مقر الدوام ،، وتكتشف في النهاية انه اليوم الخميس << يا شين افلام الرعب
مثال اخر: يوم اني غلطت في رقم القاعه وجلست مع ناس مو من شعبتي !! << بس فليتها نووم

وتتعد الامثله في هذا السياق اخي الطالب اقصد اخي العضو..

عزيزي العميل << ترى مسختها لانك لم تعد تشحن صار لك مدة ورصيدك الحالي هو : 00.00 هلله وريال

<< اقصد عزيزي العضو << سامحونا شوي فهينا

اضرار الفهاوه وفوائدها:
الاضرار تغلب الفوائد وهذا الراجح .. لانك تحصل على تهزئ محترم من ابوك بالاضافة تحس انك غبي << لاحظو ترى الفهاوه مو غباء بس هذا مجرد احساس ..
الفوائد : واضحه جدا ومنها انه الواحد يرفه عن نفسه بفهاوته وفهاوة الاخرين..

اذا اصبت بالفهاوه ماذا تفعل:
* اذا جتك الحاله مره او مرتين باليوم : اشرب لك كاسة شاهي ..
*اذا فهيت من (5-10) مرات باليوم: اشرب لك دله قهوه..
*اذا فهيت العمر كله: مالك الا الصبر او تتعالج بالخارج ..

اتمنى موضوعي ما ينحذف لانه موضوع جدي وحساس وما يتحمل التأخير..

وكل عضو بعدي ياريت لو يقول لنا ويعترف انه مفهي وماله داعي الاحراج ..

وقولو مواقفكم مع الفهاوه برعاية الكورن فليكس ...

بس رجاءا من غير سب او اذيه ومن غير ماتتطنزون على الاعضاء الثانين رجاءا عشان مايتقفل الموضوع بكبره والسبه عضو.. ولا تقلبون الدعوه تشات الله يرضى عليكم .. ابدو رايكم بالموضوع او اذكرو موقف مفهي حصل لكم ..

ياهو ضحك بيجيني اليوم ههههههه << اخاف ينقلب بكاء لو قفلو الموضوع

وسلامتكم ويللا نبدأ