[زهراني من الرياض]

السلام عليكم ورحمة الله

كيفكم ..

الموضوع هذا يخص الشباب اكثر من البنات .. بس ممكن تجون يالبنات تبدون وجهات نظركم في الموضوع..

الموضوع ومافيه الشي ذاك اللي يسمونه ((اللوك LOOK )) يعني المظهر..

انا مارح اقعد اعلق وانتقد شكل فلان او علان هاذي خلقة الله عز وجل ولا اعتراض على حكمه ..

انا رح اتكلم عن الشباب اللي هم يخربون شكلهم بنفسهم ...

وترى القصد يا شباب النصيحه والنقاش ايضا بخصوص الموضوع هذا...

وانا احب زهران والزهارين وما ارضى احد يتكلم فيهم..

بتقولون لي كيف ...؟؟

طبعا تتعد اساليب الشباب في انه الواحد يبرز خشته واناقته ...

وفي ناس للاسف بالعكس... تسوي الشين وراضين وعادي والامور تمام عندهم...

وكل هذا من باب تقليد الغرب وحركاته وتقليعاتهم وستايلهم << مثل ما يقولون بعض الشباب..

وتجي تسال الواحد ليش مهبب بعمرك زي كذا يقول: ياعمي ستايل كذا كووول ...

خلونا نشوف بعض النماذج اللي منتشره هاليومين .. ونتناقش في الموضوع.. وترى مو قصدي اشهر باحد...

<< قصدي شريف والله...

اولا: عندك ستايل المبهذلين << مع احترامي بس هم مسوين بإعمارهم كذا ..


ويجيك شعرهم كدش ... وشكله منفر .. وهاذي ماخوذه من الزنوج

وبعض الاحيان يحط لك مشط داخل شعره << يعني اني نشبت في الشوشه الخشنه




واذكر مره اني كنت في سوق الجوالات ذاك المجمع الكبير..

ولاحظت انه الجو مغيم قدامي بغيمه سوداا وفي النهاية الغيمه طلعت متحركه ...

<< واحد مسوي كدش...

ثانيا: ستايل الروك ....

وهذولا مسوين بدل الكدش مسامير الله يصلحهم :

واغلب تسريحاتهم سبايكي...

تخاف انك تمسك شعره ويغزك...





<<< من استخدامات السبايكي..


ثالثا: الايمو

الايمو: هي قصه حقيقة لوحده وواحد وانقلبت القصه الى ستايل كيف ما ادري...

ويقال انه السلاسل والجماجم اللي يلبسونها تدل على انهم من عبدة الشيطان والله العالم

والشباب يلبسونها وما يدرون الى ايش ترمز...

هذا غير انهم يستخدمون اكحال خاصه .. ويسون وشم او يخرقون لهم فتحه في الفم او الاذن ويحطون فيها حلقه..

ولهم قصات شعر معينه وغيره من هالسوالف...





اخيرا وليس اخرا: الخكاريه ...

وما يحتاج اجيب لكم صور انتو عارفين الوضع....

لمن لا يعرف من هم الخكاريه: هم اللي يتشبهون بالنساء والعياذ بالله ... ويطولون شعورهم ... الخ ..

في النهاية احب اقول:

يازين الغتره والعقال ... ومن غير هالسوالف الماصخه ...

واتمنى اي واحد مسوي كذا يراجع نفسه..

ويشوف له صرفه .. ويكشخ بالحد المعقول ...

ويصير رجال .. لان هاذي مو اشياء الرجاجيل..

واتمنى الهدايه للجميع وسامحونا على القصور..

وترى الموضوع متعوب عليه..

وسلامتكم ...